Read Iban Penyampau 26 Bible Online

Penyampau 26 - Iban bible

Penyampau 26

¹ Udah bekau sida ke diserang penyakit nya, TUHAN bejaku ngagai Moses seduai Eleasar anak Imam Aron,

²“Itung pemayuh tubuh semua orang Israel ti lelaki, ke umur dua puluh taun ke atas, ti tau enggau beperang, ari semua ruang bilik orang Israel.”

³Moses seduai Eleasar ngasika TUHAN, lalu mesanka semua lelaki ke dalam kandang umur nya. Sida begempuru ba emperan menua Moap, ba tebing Sungai Jordan di seberai Jeriko. Tu orang Israel ti udah pansut ari menua Ejip:

⁴

⁵Bala raban bansa Reuben (Reuben nya anak tuai Jakop) nyengkaum suku raban bansa Hanok, Palu,

⁶suku raban bansa Hesron, enggau suku raban bansa Karmi.

⁷Pemayuh tubuh orang ari semua suku raban bansa tu: 43,730 iku lelaki.

⁸Bala peturun Palu nya Eliap

⁹enggau bala anak lelaki Eliap: Nemuel, Datan, enggau Abiram. (Datan seduai Abiram tu orang ke udah dipilih orang Israel. Seduai iya ngelaban jaku Moses seduai Aron, lalu ngalih ari orang ke nitihka Korah, lebuh sida ngelaban TUHAN.

¹⁰Tanah merekah lalu nelan seduai iya, lalu seduai iya mati sama enggau Korah sereta enggau orang ke nitihka Korah lebuh maya api ti nganguska dua ratus lima puluh iku lelaki. Utai ti nyadi ba sida nya kena ngajar orang mayuh.

¹¹Tang bala anak lelaki Korah enda kena bunuh.)

¹²Peturun Simeon nitihka suku raban bansa sida nyengkaum suku raban bansa Nemuel, Jamin, Jachin,

¹³Serah, enggau Saul.

¹⁴Pemayuh lelaki ari semua suku raban bansa tu: 22,200 iku.

¹⁵Peturun Gat nyengkaum suku raban bansa Sepon, Hagi, Suni,

¹⁶Osni, Eri,

¹⁷Arot, enggau Areli.

¹⁸Pemayuh lelaki ari semua suku raban bansa tu: 40,500 iku.

¹⁹Peturun Judah nyengkaum suku raban bansa Selah, Peres, Serah, Hesron, enggau Hamul. (Dua iku anak lelaki Judah, Er enggau Onan, udah mati di menua Kanaan.)

²⁰

²¹

²²Pemayuh lelaki ari semua suku raban bansa tu: 76,500 iku.

²³Peturun Isakar nyengkaum suku raban bansa Tola, Puah,

²⁴Jasup, enggau Simron.

²⁵Pemayuh lelaki ari semua suku raban bansa tu: 64,300 iku.

²⁶Peturun Sebulun nyengkaum suku raban bansa Seret, Elon, enggau Jahlil.

²⁷Pemayuh lelaki ari semua suku raban bansa tu: 60,500 iku.

²⁸Peturun Josep, nitihka suku raban bansa sida ke diturunka Manasi seduai Epraim.

²⁹Peturun Manasi nya baka tu: Machir anak Manasi nyadi apai Giliat, lalu Giliat nurunka

³⁰suku raban bansa Leser, Helek,

³¹Asril, Sekem,

³²Semida, enggau Heper.

³³Selopehat anak Heper nadai anak lelaki, tang semina bisi anak indu. Nama sida nya Malah, Noah, Hoklah, Milkah enggau Tirsah.

³⁴Pemayuh lelaki ari semua suku raban bansa tu: 52,700 iku.

³⁵Peturun Epraim nyengkaum suku raban bansa Sutelah, Beker, enggau Tahan.

³⁶Suku raban bansa Eran diturunka Sutelah.

³⁷Pemayuh lelaki ari semua suku raban tu: 32,500 iku. Nya meh semua suku raban bansa ti diturunka Josep.

³⁸Peturun Benjamin nyengkaum suku raban bansa Bela, Asbel, Ahiram,

³⁹Sepupam, enggau Hupam.

⁴⁰Raban peturun Art enggau Naaman nya diturunka Bela.

⁴¹Pemayuh lelaki ari semua suku raban bansa tu: 45,600 iku.

⁴²Peturun Dan nyengkaum suku raban bansa Suham,

⁴³lalu pemayuh lelaki ari suku raban bansa tu: 64,400 iku.

⁴⁴Peturun Aser nyengkaum suku raban bansa Imnah, Isbi, enggau Beriah.

⁴⁵Suku raban bansa Beriah nurunka suku raban bansa Heber enggau Malkil.

⁴⁶Aser bisi anak indu siku benama Serah.

⁴⁷Pemayuh lelaki ari semua suku raban bansa tu: 53,400 iku.

⁴⁸Peturun Naptali nyengkaum suku raban bansa Jahsil, Guni,

⁴⁹Jeser, enggau Silem.

⁵⁰Pemayuh lelaki ari semua suku raban bansa tu: 45,400 iku.

⁵¹Pemayuh semua lelaki orang Israel: 601,730 iku.

⁵² Ku TUHAN bejaku ngagai Moses,

⁵³“Bagi menua nya ngagai semua raban bansa orang Israel, nitihka pemayuh tubuh dalam siti-siti raban bansa.

⁵⁴Bagi menua nya ngena chara bechabut undi, lalu beri ungkup ti besai agi ngagai raban bansa ti mayuh agi tubuh, enggau ungkup ti mit agi ngagai raban bansa ti mimit agi tubuh.”

⁵⁵

⁵⁶

⁵⁷Raban bansa Lewi nyengkaum suku raban bansa Gerson, Kohat, enggau Merari.

⁵⁸Peturun sida nya nyengkaum suku raban bansa ti diturunka Libni, Hebron, Mahli, Musi, enggau Korah. Kohat nya apai Amram,

⁵⁹ke jadi enggau anak dara Lewi ke benama Jokibit, ke diadaka di menua Ejip. Iya ngadaka dua iku anak lelaki, Aron seduai Moses, enggau siku anak indu ke benama Miriam.

⁶⁰ Nyadi Aron bisi empat iku anak lelaki, Nadap, Abihu, Eleasar, enggau Itamar.

⁶¹ Nadap seduai Abihu mati lebuh seduai iya meri api ti enda kudus ngagai TUHAN.

⁶²Pemayuh orang Lewi ti lelaki, ke umur sebulan ke atas, nya 23,000 iku. Sida iya diitung kediri ari orang Israel ti bukai, laban sida nadai diberi pesaka di menua Israel.

⁶³Semua raban peturun tu dituliska Moses seduai Eleasar magang, lebuh seduai ngitung tubuh orang Israel ba emperan menua Moap, di seberai nengeri Jeriko, ngimbai Sungai Jordan.

⁶⁴Nadai siku lelaki agi idup ari orang ke udah diitung Moses seduai Aron, lebuh ngitung tubuh ti keterubah dipejalaika di menua puang Sinai.

⁶⁵ TUHAN udah madahka semua sida nya deka mati magang di menua puang. Kelimpah ari Kalep anak Jepuneh, enggau Josua anak Nun, semua orang bukai udah mati magang.