Read Iban Penyampau 31 Bible Online

Penyampau 31 - Iban bible

Penyampau 31

²“Ukum orang Midian ketegal utai ti udah dikereja sida ngagai orang Israel. Lebuh nuan udah ngereja nya, nuan deka mati.”

³Nya alai Moses lalu bejaku enggau orang mayuh, “Kita enda tau enda nyendiaka diri empu mansang beperang, ngambika kita ulih nyerang orang Midian, kena ngukum sida ketegal utai ti udah dikereja sida ngagai TUHAN.

⁴Genap raban bansa orang Israel enda tau enda ngirumka seribu iku mansang beperang.”

⁵Nya alai seribu iku lelaki dipilih ari siti-siti raban bansa, dua belas ribu iku lelaki ke sedia deka beperang.

⁶Moses ngasuh sida mansang beperang diuluka Pinehas anak Imam Eleasar, ke mai utai ti kudus enggau terumpit kena megau bala.

⁷Sida nyerang orang Midian, nitihka pesan TUHAN ngagai Moses, lalu munuh semua lelaki orang Midian,

⁸nyengkaum lima iku raja orang Midian, iya nya Raja Ebi, Rekem, Sur, Hur, enggau Reba. Sida mega munuh Balaam anak Beor.

⁹Orang Israel nangkap bala indu enggau anak mit orang Midian, ngerampas jelu sapi, enggau jelu bedus sida, ngerumpak semua pengaya sida,

¹⁰lalu nunu semua nengeri enggau kem sida.

¹¹Sida mai semua perapasan ti dirampas sida, nyengkaum orang tangkap enggau jelu,

¹²lalu mai sida ngagai Moses seduai Eleasar, enggau ngagai bala orang Israel, ti diau ba kem sida ba emperan menua Moap, ngimbai Sungai Jordan, di seberai nengeri Jeriko.

¹³Moses, Eleasar, enggau bala tuai orang Israel ti bukai pansut ari kem sida, ngambat bala soldadu.

¹⁴Moses lalu ringat ngagai bala pemesai soldadu, ngagai kepala batalion, enggau kepala kampani, ke pulai beperang.

¹⁵Ku iya bejaku enggau sida, “Nama kebuah kita nejuka sida indu tu idup?

¹⁶ Kita tentu ingat: orang indu ke mai orang Israel enda tetap ati ngagai TUHAN, nitihka atur Balaam di Peor. Nya meh utai ti ngasuh penyakit berampit ba bala nembiak TUHAN.

¹⁷Nya alai diatu, bunuh semua nembiak ti lelaki, enggau semua indu ke udah kala beleman enggau lelaki,

¹⁸tang galau ke kita empu semua indu dara enggau semua indu ke dara bungas.

¹⁹Nyadi semua kita ke udah munuh orang, tauka udah negu bangkai, enda tau enda diau di luar kem tujuh hari. Ba hari ti ketiga, enggau ba hari ti ketujuh, kita enda tau enda nuchi diri, sama enggau indu ke udah ditangkap kita.

²⁰Kita enda tau enda mega nuchi semua gari enggau semua utai ti digaga ari kulit jelu, ari bulu kambin, tauka ari kayu.”

²¹Imam Eleasar lalu bejaku enggau bala orang ke baru pulai beperang, “Nya adat ti udah diberi TUHAN ngagai Moses.

²²Semua utai ti enda ulih diempa api, baka emas, pirak, temaga, besi, tauka bangkang, enda tau enda diselar ngena api kena nuchi sida. Semua utai bukai enda tau enda dituchi ngena ai ti ditaga kena nuchi utai.

²³

²⁴Ba hari ti ketujuh, kita enda tau enda masu gari kita. Udah nya baru kita tuchi, lalu tau tama ngagai kem.”

²⁵Ku TUHAN bejaku ngagai Moses,

²⁶“Nuan enggau Eleasar, enggau bala tuai orang Israel, enda tau enda ngitung semua utai ti udah dirampas, nyengkaum orang jil enggau jelu,

²⁷lalu bagi bela perapasan nya ngagai dua bengkah bagi, sebagi ke bala soldadu, lalu sebagi ke orang Israel ti bukai.

²⁸Ari bagi ti diempu bala soldadu, tan ke siku ari genap lima ratus iku orang tangkap, lalu baka nya mega jelu sapi, keledai, bedus, enggau kambin, nyadika chukai TUHAN.

²⁹Beri sida nya ngagai Imam Eleasar, nyadika pemeri ti diberi ngagai TUHAN.

³⁰Ari bagi ti diungkupka ngagai orang Israel ti bukai, ambi siku ari lima puluh iku orang tangkap, lalu baka nya mega jelu sapi, keledai, bedus, enggau kambin. Beri sida nya ngagai orang Lewi ke ngintu Langkau Kain TUHAN.”

³¹Moses seduai Eleasar lalu ngereja nya nitihka pesan TUHAN ngagai Moses.

³²Tu rintai bagi utai ti udah kena rampas bala soldadu, nambahka utai ti disimpan sida empu: 675,000 iku bedus enggau kambin, 72,000 iku jelu sapi, 61,000 keledai, enggau 32,000 indu dara bungas.

³³

³⁴

³⁵

³⁶Ungkup ke bala soldadu nya 337,500 iku bedus enggau kambin, lalu ari nya, 675 iku nyadika chukai TUHAN; 36,000 iku jelu sapi ke soldadu, 72 iku nyadika chukai TUHAN; 30,500 iku keledai ke soldadu, lalu 61 nyadika chukai TUHAN; enggau 16,000 iku indu dara bungas ke bala soldadu, lalu 32 iku nyadika chukai TUHAN.

³⁷

³⁸

³⁹

⁴⁰

⁴¹Nya alai Moses meri semua chukai nya ngagai Eleasar, nyadika pemeri ti diberi ngagai TUHAN, nitihka jaku TUHAN.

⁴²Ungkup ke orang mayuh sama ngemayuh ungkup ke bala soldadu: 337,500 iku bedus enggau kambin, 36,000 iku jelu sapi, 30,500 iku keledai, enggau 16,000 iku indu dara bungas.

⁴³

⁴⁴

⁴⁵

⁴⁶

⁴⁷Ari ungkup ke orang mayuh tu, Moses ngambi siku ari tiap-tiap lima puluh iku orang tangkap, enggau jelu, lalu meri sida nya ngagai orang Lewi ke ngintu Langkau Kain TUHAN, nitihka pesan TUHAN.

⁴⁸Udah nya bala tuai soldadu mansang ngagai Moses

⁴⁹lalu nusui berita tu ngagai iya, “Tuan, kami udah bisi ngitung bala soldadu ke diuluka kami. Nadai siku sida lenyau.

⁵⁰Nya alai kami mai semua perengka emas, gelang lengan, gelang jari, tinchin, antin, tenggak ti udah kena rampas kami siku-siku. Kami meri utai nya ngagai TUHAN kena meli nyawa kami, ngambika Iya nyaga kami.”

⁵¹Moses seduai Eleasar lalu nyambut emas nya. Semua emas nya endang perengka kena orang ngias diri.

⁵²Semua utai ti diberi bala soldadu nya berat 200 kilogram.

⁵³Bala soldadu ke ukai pemesai, nyimpan perapasan ti ulih sida.

⁵⁴Moses seduai Eleasar lalu mai emas nya ngagai Langkau Kain TUHAN, ngambika TUHAN nyaga orang Israel.