Read Iban Penyampau 34 Bible Online

Penyampau 34 - Iban bible

Penyampau 34

¹Ku TUHAN bejaku ngagai Moses:

²“Bejaku nuan ngagai orang Israel, lalu sebut ngagai sida: ‘Lebuh kita datai di menua Kanaan, menua ti diberi Aku ngagai kita, garis entara menua kita enda tau enda baka tu:

³Garis entara menua di selatan deka belabuh ari menua puang Sin, niti garis entara menua enggau Edom. Di timur, garis entara menua nya deka belabuh ba ujung Tasik Mati di selatan,

⁴nguing ke selatan ngagai Genting Akrabim, ngagai menua Sin, lalu terus ngagai Kades-barnea di selatan. Udah nya garis entara menua nya mutar tunga ke barat utara nuju ngagai Hasar Adar, terus ngagai Asmon,

⁵nguing ngagai lebak ti ba garis entara menua enggau Ejip, lalu tepantup ba Tasik Tengah.

⁶Garis entara menua di barat nya Tasik Tengah.

⁷Garis entara menua di utara deka niti garis ari Tasik Tengah ngagai Bukit Hor

⁸lalu ari nya terus ngagai Lebo-Hamat, nuju ngagai Sedat

⁹terus ngagai Sipon, lalu tepantup ba Hasar Enan.

¹⁰Garis entara menua di timur deka niti garis entara menua belabuh ari Hasar Enan nyentuk ngagai Sepam,

¹¹nuju ke selatan ngagai Habel, ti adap ke timur ari Ain, lalu nuju ngagai menua ti bebukit ba tebing timur Tasik Galili,

¹²udah nya nuju ke selatan niti Sungai Jordan terus ngagai Tasik Mati. Tu meh empat iti garis entara menua kita.’ ”

¹³ Nya alai Moses lalu bejaku enggau orang Israel, “Tu meh menua ti deka diterima kita ngena chara bechabut undi, menua ti udah diberi TUHAN ngagai semilan setengah raban bansa.

¹⁴Raban bansa Reuben enggau raban bansa Gat, enggau setengah ari raban bansa Manasi ke di timur, udah nerima pesaka sida, dibagi nitihka ruang bilik sida,

¹⁵ba tebing timur Sungai Jordan, di seberai nengeri Jeriko.”

¹⁶Ku TUHAN bejaku ngagai Moses,

¹⁷“Tu nama orang ke deka magi menua ngagai orang Israel nyadika pesaka sida: Imam Eleasar seduai Josua anak Nun.

¹⁸Bai siku tuai ari siti-siti raban bansa orang Israel, ngambika sida nyaup seduai iya magi menua nya.”

¹⁹Tu nama bala tuai ti dipilih TUHAN: [Raban bansa] — [Kepala] Judah — Kalep anak Jepuneh Simeon — Semuel anak Amihut Benjamin — Elidat anak Chislon Dan — Buki anak Jogli Manasi — Haniel anak Epod Epraim — Kemuel anak Siptan Sebulun — Elisapan anak Parnak Isakar — Paltiel anak Asan Aser — Ahihut anak Selomi Naptali — Pedahel anak Amihut

²⁹Nya meh orang ke diasuh TUHAN magi menua ngagai orang Israel di menua Kanaan.