Read Iban Penyampau 7 Bible Online

Penyampau 7 - Iban bible

Penyampau 7

¹Lebuh Moses udah tembu nirika langkau sembiang, iya nata lalu nyerahka langkau nya ngagai TUHAN, sama enggau semua pekekas iya, nyengkaum alta enggau semua pekekas ti bukai.

²Udah nya, bala tuai peturun ke endang tuai raban bansa orang Israel, iya nya orang ke nyadi kepala ngitung tubuh,

³mai pemeri sida ngagai TUHAN: enam buah kerita enggau dua belas iku sapi ti lelaki ti udah dipeliri, sebuah kerita ke tiap-tiap dua iku tuai raban bansa, enggau siku jelu sapi ke siku-siku tuai. Sida nyerahka utai nya di mua langkau sembiang.

⁴TUHAN lalu bejaku ngagai Moses,

⁵“Terima utai nya ari sida kena ngereja pengawa dalam Langkau Kain TUHAN. Beri utai nya ngagai orang Lewi, nitihka bagi pengawa ti dikereja sida.”

⁶Nya alai Moses ngambi kerita enggau jelu sapi ti lelaki ti udah dipeliri nya, lalu meri sida ngagai orang Lewi.

⁷Iya meri dua buah kerita enggau empat iku sapi ngagai raban peturun Gerson, nitihka bagi pengawa ti dikereja sida;

⁸iya meri empat buah kerita enggau lapan iku jelu sapi ngagai raban peturun Merari, nitihka bagi pengawa ti dikereja sida, dikemataka Itamar anak Imam Aron.

⁹Tang Moses enda meri kerita tauka jelu sapi ngagai raban peturun Kohat, laban sida udah diasuh ngemataka utai ti kudus, ti deka disan sida.

¹⁰Bala tuai raban bansa mega ngenjuk pemeri kena ngerami pengawa nyerahka alta lebuh alta nya ditata. Bala tuai lalu meri piring sida di mua alta.

¹¹Lalu ku TUHAN bejaku ngagai Moses, “Sida deka meri pemeri sida, siku tuai sehari, kena nyerahka alta.”

¹²Orang ke meri pemeri ba hari ti keterubah nya Nason anak lelaki [6] Aminadap, ari raban bansa Judah.

¹³Pemeri ti dibai iya nya sesingkap pinggai pirak ti berat 1.5 kilogram, sesingkap jalung pirak ti berat 800 gram, nitihka atur timbang ti dikena dalam Langkau Kain TUHAN: utai dua singkap nya sama diisi penuh enggau tepung ti pemadu alus dichampur enggau minyak nyadika piring ti digaga ari gandum;

¹⁴sesingkap chapak emas ti berat seratus sepuluh gram, ti diisi penuh enggau menyan;

¹⁵siku sapi ti lelaki ti agi biak, siku bedus ti lelaki, siku anak bedus ti umur setaun, nyadika piring tunu;

¹⁶siku kambin ti lelaki nyadika piring kena muai dosa;

¹⁷lalu nyadika piring pemaik, dua iku sapi ti lelaki, lima iku bedus ti lelaki, lima iku kambin ti lelaki, enggau lima iku anak bedus ti lelaki ti umur setaun. Nya meh pemeri ti diberi Nahson anak Aminadap.

¹⁸Ba hari ti kedua Natanel anak Suar, tuai raban bansa Isakar, meri pemeri;

¹⁹iya meri sesingkap pinggai temaga ti berat 1.5 kilogram, sesingkap jalung temaga ti berat 800 gram, nitihka atur timbang ti dikena dalam Langkau Kain TUHAN; utai dua singkap nya sama diisi penuh enggau tepung ti pemadu alus, dichampur enggau minyak, nyadika piring ti digaga ari gandum;

²⁰sesingkap chapak emas berat seratus sepuluh gram, ti diisi penuh enggau menyan;

²¹siku sapi ti lelaki ti agi biak, siku bedus ti lelaki, siku bedus ti lelaki ti umur setaun, nyadika piring tunu;

²²siku kambin ti lelaki nyadika piring kena muai dosa;

²³dua iku sapi ti lelaki, lima iku bedus ti lelaki, lima iku kambin ti lelaki, enggau lima iku anak bedus ti lelaki ti umur setaun, nyadika piring pemaik. Nya pemeri ti diberi Netanel anak Suar.

²⁴Ba hari ti ketiga Eliap anak Helon, tuai raban bansa Sebulun,

²⁵meri pemeri: sesingkap pinggai pirak ti berat 1.5 kilogram, sesingkap jalung pirak ti berat 800 gram, nitihka atur timbang ti dikena dalam Langkau Kain TUHAN. Utai dua singkap nya sama diisi penuh enggau tepung ti pemadu alus dichampur enggau minyak, nyadika piring ti digaga ari gandum;

²⁶sesingkap chapak emas berat 110 gram, ti diisi penuh enggau menyan;

²⁷siku sapi ti lelaki ti agi biak, siku bedus ti lelaki, siku anak bedus ti lelaki umur setaun, nyadika piring tunu;

²⁸siku kambin ti lelaki nyadika piring kena muai dosa;

²⁹enggau dua iku sapi ti lelaki, lima iku bedus ti lelaki, lima iku kambin ti lelaki, enggau lima iku anak bedus ti lelaki umur setaun, nyadika piring pemaik. Nya pemeri ti diberi Eliap anak Helon.

³⁰Ba hari ti keempat Elisur anak Sedeur, tuai raban bansa Reuben, meri pemeri:

³¹iya meri sesingkap pinggai pirak berat 1.5 kilogram, sesingkap jalung pirak berat 800 gram, nitihka atur timbang ti dikena dalam Langkau Kain TUHAN; utai dua singkap nya sama diisi penuh enggau tepung ti pemadu alus dichampur enggau minyak, nyadika piring ti digaga ari gandum;

³²sesingkap chapak emas berat seratus sepuluh gram, ti diisi penuh enggau menyan;

³³siku sapi ti lelaki ti agi biak, siku bedus ti lelaki, siku anak bedus ti lelaki umur setaun, nyadika piring tunu;

³⁴siku kambin ti lelaki nyadika piring kena muai dosa;

³⁵enggau dua iku sapi ti lelaki, lima iku bedus ti lelaki, lima iku kambin ti lelaki, enggau lima iku anak bedus ti lelaki umur setaun, nyadika piring pemaik. Nya pemeri ti diberi Elisur anak Sedeur.

³⁶Ba hari ti kelima Selumiel anak Surisadai, tuai raban bansa Simeon meri pemeri:

³⁷iya nya sesingkap pinggai pirak ti berat 1.5 kilogram, sesingkap jalung pirak berat 800 gram, nitihka atur timbang ti dikena dalam Langkau Kain TUHAN; utai dua singkap nya sama diisi penuh enggau tepung ti pemadu alus dichampur enggau minyak, nyadika piring ti digaga ari gandum;

³⁸sesingkap chapak emas ti berat 110 gram, ti diisi penuh enggau menyan;

³⁹siku sapi ti lelaki ti agi biak, siku bedus ti lelaki, siku anak bedus ti lelaki umur setaun, nyadika piring tunu;

⁴⁰siku kambin ti lelaki nyadika piring kena muai dosa;

⁴¹enggau dua iku sapi ti lelaki, lima iku bedus ti lelaki, lima iku kambin ti lelaki, enggau lima iku anak bedus ti lelaki umur setaun, nyadika piring pemaik. Nya meh pemeri ti diberi Selumiel anak Surisadai.

⁴²Ba hari ti keenam Eliasap anak Deuel, tuai raban bansa Gat meri pemeri:

⁴³iya meri sesingkap pinggai temaga ti berat 1.5 kilogram, sesingkap jalung temaga ti berat 800 gram, ditimbang nitihka atur timbang ti dikena dalam Langkau Kain TUHAN; utai dua singkap nya sama diisi penuh enggau tepung ti pemadu alus dichampur enggau minyak, nyadika piring ti digaga ari gandum;

⁴⁴sesingap chapak pirak ti berat 110 gram, ti diisi penuh enggau menyan;

⁴⁵siku sapi ti lelaki ti agi biak, siku bedus ti lelaki, siku anak bedus ti lelaki umur setaun, nyadika piring tunu;

⁴⁶siku kambin ti lelaki nyadika piring kena mua dosa;

⁴⁷enggau dua iku sapi ti lelaki, lima iku bedus ti lelaki, lima iku kambin ti lelaki, enggau lima iku anak bedus ti lelaki umur setaun, nyadika piring pemaik. Nya meh pemeri ti diberi Eliasap anak Deuel.

⁴⁸Ba hari ti ketujuh Elisama anak Amihut, tuai raban bansa Epraim meri pemeri:

⁴⁹iya meri sesingkap pinggai temaga ti berat 1.5 kilogram, sesingkap jalung temaga ti berat 800 gram, ditimbang nitihka atur timbang ti dikena dalam Langkau Kain TUHAN; utai dua singkap nya sama diisi penuh enggau tepung gandum ti pemadu alus, dichampur enggau minyak, nyadika piring ti digaga ari gandum;

⁵⁰sesingkap chapak emas ti berat 110 gram, ti diisi penuh enggau menyan;

⁵¹siku sapi ti lelaki ti agi biak, siku bedus ti lelaki, siku anak bedus ti lelaki umur setaun, nyadika piring tunu;

⁵²siku kambin ti lelaki nyadika piring kena muai dosa;

⁵³enggau dua iku sapi ti lelaki, lima iku bedus ti lelaki, lima iku kambin ti lelaki, enggau lima iku anak bedus ti lelaki, ti umur setaun, nyadika piring pemaik. Nya meh pemeri ti diberi Elisama anak Amihut.

⁵⁴Ba hari ti kelapan Gamaliel anak Pedasur, tuai raban bansa Manasi meri pemeri:

⁵⁵iya nya sesingkap pinggai pirak ti berat 1.5 kilogram, sesingkap jalung pirak ti berat 800 gram, ditimbang nitihka atur timbang ti dikena dalam Langkau Kain TUHAN; utai dua singkap nya sama diisi penuh enggau tepung gandum ti pemadu alus, dichampur enggau minyak, nyadika piring ti digaga ari gandum;

⁵⁶sesingkap chapak emas ti berat seratus sepuluh gram, ti diisi penuh enggau menyan;

⁵⁷siku sapi ti lelaki ti agi biak, siku bedus ti lelaki, siku anak bedus ti lelaki umur setaun, nyadika piring tunu;

⁵⁸siku kambin ti lelaki nyadika piring kena muai dosa;

⁵⁹enggau dua iku sapi ti lelaki, lima iku bedus ti lelaki, lima iku kambin ti lelaki, enggau lima iku anak bedus ti lelaki umur setaun, nyadika piring pemaik. Nya meh pemeri ti diberi Gamaliel anak Pedasur.

⁶⁰Ba hari ti kesemilan Abidan anak Gideoni, tuai raban bansa Benjamin meri pemeri:

⁶¹iya meri sesingkap pinggai pirak ti berat 1.5 kilogram, sesingkap jalung pirak ti berat 800 gram, ditimbang nitihka atur timbang ti dikena dalam Langkau Kain TUHAN; utai dua singkap nya sama diisi penuh enggau tepung ti pemadu alus, dichampur enggau minyak, nyadika piring ti digaga ari gandum;

⁶²sesingkap chapak emas ti berat 110 gram, ti diisi penuh enggau menyan;

⁶³siku sapi ti lelaki ti agi biak, siku bedus ti lelaki, siku anak bedus ti lelaki umur setaun, nyadika piring tunu;

⁶⁴siku kambin ti lelaki nyadika piring kena muai dosa;

⁶⁵enggau dua iku sapi ti lelaki, lima iku bedus ti lelaki, lima iku kambin ti lelaki, enggau lima iku anak bedus ti lelaki umur setaun, nyadika piring pemaik. Nya meh pemeri ti diberi Abidan anak Gideoni.

⁶⁶Ba hari ti kesepuluh Ahieser anak Amisadai, tuai raban bansa Dan, meri pemeri:

⁶⁷iya meri sesingkap pinggai pirak ti berat 1.5 kilogram, sesingkap jalung pirak ti berat 800 gram, ditimbang nitihka atur timbang ti dikena dalam Langkau Kain TUHAN; utai dua singkap nya sama diisi penuh enggau tepung ti pemadu alus, dichampur enggau minyak, nyadika piring ti digaga ari gandum;

⁶⁸sesingkap chapak emas ti berat 110 gram, ti diisi penuh enggau menyan;

⁶⁹siku sapi ti lelaki ti agi biak, siku bedus ti lelaki, siku anak bedus ti lelaki umur setaun, nyadika piring tunu;

⁷⁰siku kambin ti lelaki nyadika piring kena muai dosa;

⁷¹enggau dua iku sapi ti lelaki, lima iku bedus ti lelaki, lima iku kambin ti lelaki, enggau lima iku anak bedus ti lelaki umur setaun, nyadika piring pemaik. Nya meh pemeri ti diberi Ahieser anak Amisadai.

⁷²Ba hari ti kesebelas Pagiel anak Okran, tuai raban bansa Aser, meri pemeri:

⁷³iya meri sesingkap pinggai pirak ti berat 1.5 kilogram, sesingkap jalung ti berat 800 gram, ditimbang nitihka atur timbang ti dikena dalam Langkau Kain TUHAN; utai dua singkap nya sama diisi penuh enggau tepung ti pemadu alus, dichampur enggau minyak, nyadika piring ti digaga ari gandum;

⁷⁴sesingkap chapak emas berat seratus sepuluh gram, ti diisi penuh enggau menyan;

⁷⁵siku sapi ti lelaki ti agi biak, siku bedus ti lelaki, siku anak bedus ti lelaki umur setaun, nyadika piring tunu;

⁷⁶siku kambin ti lelaki nyadika piring kena muai dosa;

⁷⁷enggau dua iku sapi ti lelaki, lima iku bedus ti lelaki, lima iku kambin ti lelaki, enggau lima iku anak bedus ti lelaki umur setaun, nyadika piring pemaik. Nya meh pemeri ti diberi Pagiel anak Okran.

⁷⁸Ba hari ti kedua belas Ahira anak Enan, tuai raban bansa Naptali, meri pemeri:

⁷⁹iya meri sesingkap pinggai temaga ti berat 1.5 kilogram, sesingkap jalung pirak ti berat 800 gram, ditimbang nitihka atur timbang ti dikena dalam Langkau Kain TUHAN; utai dua singkap nya sama diisi penuh enggau tepung ti pemadu alus, dichampur enggau minyak, nyadika piring ti digaga ari gandum;

⁸⁰sesingkap chapak emas ti berat 110 gram, ti diisi penuh enggau menyan;

⁸¹siku sapi ti lelaki ti agi biak, siku bedus ti lelaki, siku anak bedus ti lelaki umur setaun, nyadika piring tunu;

⁸²siku kambin ti lelaki nyadika piring kena muai dosa;

⁸³enggau dua iku sapi ti lelaki, lima iku bedus ti lelaki, lima iku kambin ti lelaki, enggau lima iku anak bedus ti lelaki umur setaun, nyadika piring pemaik. Nya meh pemeri ti diberi Ahira anak Enan.

⁸⁴Nya meh pemeri ti diberi bala tuai orang Israel kena nyerahka alta, lebuh alta nya ditata: dua belas singkap pinggai pirak, dua belas singkap jalung pirak, enggau dua belas singkap chapak emas,

⁸⁵siti-siti pinggai pirak berat 1.5 kilogram, lalu sigi jalung berat 800 gram. Semua pemerat pirak nya dipegulaika: 27.6 kilogram, nitihka atur timbang ti dikena dalam Langkau Kain TUHAN.

⁸⁶Lalu pemerat semua dua belas chapak emas nya: 1.32 kilogram. Genap singkap chapak nya diisi penuh enggau menyan.

⁸⁷Pemayuh semua jelu ti nyadika piring tunu: dua belas iku sapi ti lelaki, dua belas iku bedus ti lelaki, dua belas iku anak bedus ti lelaki ti umur setaun, sama enggau piring ti digaga ari gandum; enggau dua belas iku kambin ti lelaki nyadika piring kena muai dosa;

⁸⁸lalu semua jelu ti diberi nyadika piring pemaik: dua puluh empat iku sapi ti lelaki, enam puluh iku bedus ti lelaki, enam puluh iku kambin ti lelaki, enggau enam puluh iku anak bedus ti lelaki umur setaun. Nya meh penyampau piring ti diberi kena nyerahka alta, udah bekau iya ditata.

⁸⁹Lebuh Moses tama ngagai Langkau Kain TUHAN deka bejaku enggau TUHAN, iya ninga munyi nyawa bejaku ngagai iya ari atas tudung Peti Lampang Batu Adat, ari entara melikat cherub ti dua iku nya. Nya meh jalai TUHAN bejaku ngagai Moses.