Read Iban Sekariah 9 Bible Online

Sekariah 9 - Iban bible

Sekariah 9

¹ Tu pesan TUHAN: Iya udah ngeletak ukum ke menua Hadrak enggau ke nengeri Damaskus. Ukai semina raban bansa orang Israel aja, tang indu nengeri menua Siria mega enggi TUHAN.

²Hamat ti bekunsi entara menua enggau Hadrak, mega enggi TUHAN, lalu baka nya mega nengeri Tire enggau Sidon, enggau semua pengelandik sida.

³Nengeri Tire udah ngaga kuta ke diri empu lalu udah nugungka mayuh amat pirak enggau emas datai ke utai nya nyau ngemayuh pasir ti ba jalai raya!

⁴Tang TUHAN deka ngerampas semua utai ti dikemisi iya. TUHAN deka nikauka pengaya nengeri Tire ngagai tasik, lalu nengeri nya deka ditunu retung.

⁵ Nengeri Askelon deka meda utai nya nyadi lalu takut. Nengeri Gasa deka meda utai nya lalu tusah ati. Baka nya mega Ekron, laban iya nadai utai diadang agi. Gasa deka mati raja, lalu Askelon nadai orang nguan.

⁶Orang penakan deka diau di Asdot. Ku TUHAN bejaku, “Aku deka ngemaruhka orang Pilistin ti sumbung.

⁷Sida enda agi makai dagin ti agi bedarah, tauka makai pemakai bukai ti enda tau diempa. Semua sida ke agi idup deka nyadi raban nembiak Aku, lalu deka nyadi baka suku raban bansa di menua Judah. Ekron deka nyadi raban nembiak Aku, baka orang Jebus.[12]

⁸Aku deka nyaga menua Aku, lalu nagang bala soldadu bejalai ngerenchah menua tu. Aku enggai agi ngemendarka raja ti jai nekanka pengidup bala nembiak Aku. Aku udah meda pemalat bala nembiak Aku merinsa.”

⁹ Rami gaga ati, rami gaga meh kita orang Sion! Manjung gaga ati meh kita orang Jerusalem! Peda kita, raja kita datai ngagai kita! Iya datai mai pemenang, tang iya baruh ati lalu nepan siku keledai, siku anak keledai ti agi biak, ti diadaka keledai.

¹⁰ Ku TUHAN bejaku, “Aku deka muai kerita perang ari menua Israel lalu ngerampas kuda ari Jerusalem. Panah ti dikena beperang, deka dirusak. Raja kita deka ngasuh mayuh bengkah bansa bebaik enggau pangan diri. Iya deka merintah ari tasik siti ngagai tasik siti, ari Sungai Eupratis ngagai ujung dunya.”

¹¹ Ku TUHAN bejaku, “Ketegal sempekat Aku enggau kita ti udah ditanggam ngena darah ari piring, Aku deka ngelepaska kita ari menua bukai ti udah nyadi endur alai kita dibuai baka orang ke dikurung dalam lubang kebung ti rangkai.

¹²Pulai meh kita ke udah dibuai ngagai menua bukai, ke bisi pengadang diatu. Pulai ngagai endur ti likun. Diatu Aku madahka ngagai kita, Aku deka meri kita berekat dua kali lipat kena mansi semua pemerinsa ti udah ditatka kita.

¹³Aku deka ngena Judah baka panah soldadu lalu ngena Israel baka laja. Aku deka ngena lelaki orang Sion baka pedang, ngelaban orang Gerika.”

¹⁴TUHAN deka pegari di mua sida nembiak Iya. Iya deka nimbakka laja Iya baka kilat. TUHAN ti Pemadu Tinggi deka nyepu terumpit. Iya deka bejalai dalam biaubalai ari selatan.

¹⁵TUHAN ti Pemadu Bekuasa deka nyaga bala nembiak Iya, lalu sida deka ngerusak bala munsuh sida. Lebuh sida beperang, sida deka manjung baka orang ke mabuk lalu ngirup darah munsuh sida. Darah munsuh deka rarat baka darah piring ti dibubuhka ba alta ari mangkuk.[13]

¹⁶Ba hari nya, TUHAN deka ngelepaska bala nembiak Iya, baka pengibun bedus ke ngelepaska raban bedus ari utai ti tau nganu. Sida deka beperenching di menua Iya baka batu berega ti ba makota.

¹⁷Naka meh pemanah enggau pemajik menua nya! Sida ke biak deka mansang kering-sekering bepakaika gandum enggau beirupka wain di menua nya.