Read Iban Ulang Adat 14 Bible Online

Ulang Adat 14 - Iban bible

Ulang Adat 14

¹ “Kita tu anak TUHAN Allah Taala kita. Kita enda tau ngurik tubuh diri tauka ngukur buk ti ba kening kita, lebuh kita ngulitka orang ke mati.

² Laban kita tu orang ke kuduska TUHAN Allah Taala kita. Kita tu orang ke udah dipilih Iya ari semua bansa di dunya tu, nyadika pesaka ti dikesayauka Iya.

³“Anang makai utai ti enda tuchi.

⁴Tu bagi jelu ti tau diempa kita: sapi, bedus, kambin,

⁵rusa, bedus utan, kambin utan, kijang,

⁶jelu ti belah tunjing, ti ngunyah pemakai ti udah diluaka iya baru ari perut raya iya.

⁷Jelu ti enda belah tunjing, lalu enda ngunyah pemakai ti udah diluaka iya baru ari perut raya iya, enda tau diempa. Kita enda tau makai jelu unta, tikus belanda, tauka badger batu. Sida nya enda tuchi. Sida amat ngunyah pemakai ti udah diluaka sida baru ari perut raya sida, tang tunjing sida enda belah.

⁸Anang makai babi. Sida nya enda tuchi. Tunjing sida amat belah, tang sida enda ngunyah pemakai ti udah diluaka sida baru ari perut raya sida. Anang makai jelu nya, tauka negu bangkai sida.

⁹“Kita tau makai semua macham ikan ti bisi pidin enggau tisik,

¹⁰tang utai ti idup dalam ai ti enda bepidin, ti enda betisik, enda tau diempa kita. Sida nya enda tuchi ke kita.

¹¹“Kita tau makai burung ti tuchi.

¹²Tang tu macham burung ti enda tau diempa kita: menaul, burung puk, burung unta, burung tasik, burung undan, burung bangau, burung kak, [15]enggau kusing.

¹⁹“Semua indu utai ti besayap enda tuchi magang. Anang makai sida.

²⁰Kita tau makai sebarang indu utai ti tuchi.

²¹ “Anang makai jelu ti ditemu mati. Kita tau nejuka orang bansa bukai ke diau enggau kita makai utai nya, tauka kita nyual utai nya ngagai orang bansa bukai. Laban kita udah dikuduska TUHAN Allah Taala kita. “Anang manduk anak domba tauka anak kambin ngena ai tusu indai iya empu.

²² “Seraraka pemeri sepuluh peratus kita ari utai ti diketau kita tiap taun.

²³Di mua TUHAN Allah Taala kita, ba endur ti deka dipilih Iya alai Iya patut disembah, empa pemeri sepuluh peratus ti diberi kita ari gandum, wain, minyak kita, sereta enggau anak tuai jelu sapi enggau jelu bedus kita, ngambika kita seruran belajar nangika TUHAN Allah Taala kita.

²⁴Tang enti endur alai nyembah TUHAN nya kelalu jauh ari rumah kita, lalu kita enda ulih mai pemeri sepuluh peratus ari utai ti udah diberekatka TUHAN ngagai kita, kita tau ngereja tu:

²⁵Jual utai ti ulih kita nya, lalu bai duit nya ngagai endur alai nyembah TUHAN.

²⁶Kita tau ngena duit nya bebelika utai ti ku ati kita, baka dagin sapi, anak domba, wain, ai ti bisa, tauka sebarang utai bukai ti dikedekaka kita, lalu di mua TUHAN Allah Taala kita, kita enggau kita sebilik tau makai utai nya lalu rami gaga dia.

²⁷Anang enda ibuhka orang Lewi ti diau dalam nengeri kita, laban sida iya nadai pesaka tanah baka kita.

²⁸“Ba genap ujung taun ti ketiga, bai pemeri sepuluh peratus ari semua utai ti diketau kita, lalu taruh utai nya dalam nengeri kita.

²⁹Orang Lewi, laban sida nadai tanah, orang kampar, enggau orang ke patu balu ti diau di nengeri kita, tau datai lalu makai utai nya lalu kenyang, ngambika TUHAN Allah Taala kita merekatka kita dalam semua pengawa ti dikereja kita.