Read Iban Josua 12 Bible Online

Josua 12 - Iban bible

Josua 12

¹ Orang Israel udah ngalahka, sereta nguan menua ti tunga ke timur Sungai Jordan, berengkah ari Lebak Arnon mudik Sungai Jordan nyentuk ngagai Bukit Hermon di utara. Sida udah ngalahka dua iku raja.

²Siku nya Sihon, raja orang Amor ke merintah di Hesbon. Menua ti diperintah iya nyengkaum setengah ari menua Giliat: berengkah ari Aroer (ti ba tisi Lebak Arnon) enggau ari nengeri ti ba tengah lebak nya, nyentuk ngagai Sungai Jabok, ti nyadika garis entara menua Amon.

³Menua nya nyengkaum Lebak Jordan berengkah ari Tasik Galili terus ke selatan ngagai Bet-jesimot (ti tunga ke timur Tasik Mati) lalu nuju terus ngagai kaki Bukit Pisgah.

⁴Sida mega udah ngalahka Raja Og di Basan, ke pengabis iya ari bansa orang Repaim. Raja Og ti diau di Astarot enggau di Edrei.

⁵Menua ti diperintah iya nyengkaum Bukit Hermon, Salekah, enggau semua menua Basan nyentuk ngagai garis entara menua Gesur enggau Maka, sereta enggau setengah menua Giliat, nyentuk ngagai garis entara menua Raja Sihon di Hesbon.

⁶ Raja dua iku nya udah dialahka Moses enggau orang Israel. Moses, ke nembiak TUHAN, udah meri menua nya ngagai raban bansa Reuben enggau raban bansa Gat, enggau setengah ari raban bansa Manasi, nyadika menua sida.

⁷Josua enggau orang Israel udah ngalahka semua raja di menua tunga ke barat Sungai Jordan, berengkah ari Baal-gat ba lebak Lebanon nyentuk ngagai Bukit Halak di selatan semak Edom. Josua magi lalu meri menua nya ngagai raban bansa orang Israel, nyadika menua sida.

⁸Menua ti dibagi nya nyengkaum menua ti bebukit, kaki bukit di barat, Lebak Jordan, enggau kaki bukit ti ba emperan nya, serimbing bukit ti muak ke timur sungai nya, enggau menua ti rangkai di selatan. Menua tu udah diuan orang Iti, orang Amor, orang Kanaan, orang Peris, orang Ibi enggau orang Jebus.

⁹Orang Israel udah ngalahka raja ke megai nengeri Jeriko, Ai (semak Betel),

¹⁰Jerusalem. Hebron,

¹¹Jarmut, Lakis,

¹²Eglon, Geser,

¹³Debir, Geder,

¹⁴Hormah, Arat,

¹⁵Libnah, Adulam,

¹⁶Makedah, Betel,

¹⁷Tapuah, Heper,

¹⁸Apek, Lasaron,

¹⁹Madon, Hasor,

²⁰Simron-meron, Aksap,

²¹Taanak, Megido,

²²Kedes, Joknim (di Karmel),

²³Dor (ba tebing tasik), Goim (di menua Galili),

²⁴enggau Tirsah - tiga puluh satu iku raja semua iya.