Read Iban Josua 15 Bible Online

Josua 15 - Iban bible

Josua 15

¹Ruang bilik ari raban bansa Judah nerima sebagi ari menua nya baka tu: Menua nya nganchau tunga ke pengabis ujung menua puang Sin di selatan, ba garis entara menua enggau Edom.

²Garis entara menua di selatan berengkah ari ujung selatan Tasik Mati,

³nuju ke selatan ari Genting Akrabim, terus ngagai Sin, nengah selatan Kades-barnea, mansa Hesron lalu terus ngagai Adar, nguing ngagai Karka,

⁴terus ngagai Asmon, lalu niti sungai ti ba garis entara menua enggau orang Ejip, ngagai Tasik Tengah, alai garis entara menua nya tepantup. Nya garis entara menua Judah di selatan.

⁵Di timur, garis entara menua nya ba Tasik Mati, terus ke atas ngagai endur alai Sungai Jordan betemu enggau Tasik Mati. Garis entara menua di utara berengkah ba endur nya,

⁶terus ke atas ngagai Bet-hoglah, lalu nuju ke utara gerinjing bukit ti ari atas Lebak Jordan. Ari nya garis entara menua nya lalu nuju ngagai Batu Bohan (Bohan nya anak Reuben),

⁷ari Emperan Penusah ke atas ngagai Debir, lalu nguing tunga ke utara ngagai Gilgal, ti di seberai Genting Adumim ti ba tisi selatan lebak nya. Ari nya garis entara menua nya lalu nuju ngagai mata ai ti di En-semes, terus ngagai En-rogel,

⁸lalu mudik Lebak Hinom ba tisi bukit ari selatan alai nengeri Jerusalem ti diempu orang Jebus bediri. Garis entara menua nya lalu terus ngagai tuchung bukit ti di barat Lebak Hinom, ba ujung selatan Lebak Repaim.

⁹Ari nya garis entara menua nya lalu nuju ngagai Mata Ai Neptoah, lalu terus ngagai genturung nengeri ti semak Bukit Epron. Dia garis entara menua nya lalu nguing tunga ngagai Baalah (iya nya, Kiriat-jearim),

¹⁰alai iya ke lalu musin mansa Baalah ari barat, nuju ngagai menua ti bebukit di menua Edom, terus mansa ari selatan Bukit Jearim (tauka Kesalon), lalu nurun ngagai Bet-semes, terus mansa Timnah.

¹¹Garis entara menua nya lalu nuju ngagai bukit ti di utara Ekron, nguing tunga ngagai Sikeron, mansa Bukit Baalah, lalu terus ngagai Jabnil. Garis entara menua nya lalu tepantup ba Tasik Tengah,

¹²ti lalu nyadi garis entara menua di barat. Nya meh menua alai ruang bilik raban bansa Judah diau.

¹³ Munyi ti udah dipesanka TUHAN ngagai Josua, sebagi ari menua Judah lalu diberi ngagai Kalep anak Jepuneh, ke ari raban bansa Judah. Iya nerima Hebron, iya nya nengeri ti udah diempu Arba, orang ke nurunka bansa Anakim.

¹⁴Kalep muru bala peturun Anak ari nengeri nya, iya nya bala raban peturun Sheshai, Ahinam enggau Talmai.

¹⁵Iya angkat ari nya lalu mansang nyerang orang ke diau di Debir. (Nengeri nya dulu suba dikumbai Kiriat-seper.)

¹⁶Ku Kalep bejaku, “Aku deka meri anak dara aku Aksah nyadika bini orang ke ulih ngalahka Kiriat-seper.”

¹⁷Otnil, anak lelaki menyadi Kalep ke benama Kenas lalu ngalahka nengeri nya. Nya alai Kalep meri anak dara iya Aksah nyadika bini Otnil.

¹⁸Ba hari Otnil seduai Kenas nikah, Otnil mujuk Kenas [9] minta sebidang tanah ari apai iya. Kenas nurun ari keledai iya. Kalep lalu nanya iya, “Nama utai ti dikedekaka nuan?”

¹⁹Kenas lalu nyaut, “Aku minta dua tiga iti telaga, laban menua ti diberi nuan ngagai aku nadai ai.” Nya alai Kalep meri ngagai Kenas mata ai ti di ulu enggau di ili.

²⁰Nya meh menua ti diterima ruang bilik raban bansa Judah nyadika pesaka sida.

²¹Nengeri ti pengabis iya jauh di selatan nya nengeri ti semak garis entara menua enggau Edom, iya nya Kabsel, Eder, Jagur,

²²Kinah, Dimonah, Adahah,

²³Kedes, Hasor, Itnan,

²⁴Sip, Telem, Bealot,

²⁵Hasor-hadata, Keriot-hesron (tauka Hasor),

²⁶Amam, Sema, Moladah,

²⁷Hasar-gadah, Hesmon, Bet-pelet,

²⁸Hasar-sual, Beer-seba, Bisiotiah,

²⁹Baalah, Im, Hormah,

³⁰Eltolat, Chesil, Hormah,

³¹Siklak, Madmanah, Sansana,

³²Lebaot, Silhim, Ain, enggau Rimon - dua puluh semilan buah nengeri semua iya, nyengkaum nengeri ti mit ti ngelingi nengeri nya.

³³Nengeri ti ba kaki bukit nya Esta-ol, Sorah, Asnah,

³⁴Sanoah, En-ganim, Tapuah, Enam,

³⁵Jarmut, Adulam, Soko, Asekah,

³⁶Saraim, Aditaim, Gederah, enggau Gederotaim - empat belas buah nengeri semua iya, nyengkaum nengeri ti mit ti ngelingi nengeri nya.

³⁷Nengeri ti bukai nyengkaum Senan, Hadasah, Mikdal-gat,

³⁸Dilean, Mispah, Jokte-el,

³⁹Lakis, Boskat, Eglon,

⁴⁰Kabon, Lahmam, Chitlis,

⁴¹Gederot, Bet-dagon, Namah, enggau Makedah - enam belas buah nengeri semua iya, nyengkaum nengeri ti mit ti ngelingi nengeri nya.

⁴²Nengeri ti bukai nya Libnah, Eter, Asan,

⁴³Iptah, Asnah, Nesib,

⁴⁴Keilah, Aksip, enggau Maresah - semilan buah nengeri semua iya, nyengkaum nengeri ti mit ti ngelingi nengeri nya,

⁴⁵Ekron enggau nengeri ti mit enggau genturung pendiau ti ngelingi Ekron,

⁴⁶enggau semua nengeri ti besai, enggau ti mit semak Asdot, berengkah ari Ekron nyentuk ngagai Tasik Tengah.

⁴⁷Nengeri ti bukai nya Asdot enggau Gasa, nyengkaum nengeri ti mit enggau genturung pendiau sida, nyentuk ngagai sungai ti ba garis entara menua Ejip enggau tebing Tasik Tengah.

⁴⁸Di menua ti bebukit, nengeri nya nyengkaum Samir, Jatir, Sokoh,

⁴⁹Danah, Kiriat-seper (tauka Debir),

⁵⁰Anap, Estemoa, Anim,

⁵¹Gosen, Holon, enggau Giloh - sebelas buah nengeri semua iya, nyengkaum nengeri ti mit ti ngelingi sida.

⁵²Nengeri bukai nyengkaum Arab, Dumah, Esan,

⁵³Janim, Bet-tapuah, Apekah,

⁵⁴Humtah, Hebron, enggau Sior - semilan buah nengeri semua iya, nyengkaum nengeri ti mit ti ngelingi sida;

⁵⁵Nengeri Maon, Karmel, Sip, Jutah,

⁵⁶Jesril, Jokdim, Sanoah,

⁵⁷Kain, Gibe-ah enggau Timnah - sepuluh buah nengeri semua iya, nyengkaum nengeri ti mit ti ngelingi nengeri nya.

⁵⁸Nengeri Halhul, Bet-sur, Gedor,

⁵⁹Marat, Bet-anot enggau Eltekon - enam buah nengeri semua iya, nyengkaum nengeri ti mit ti ngelingi nengeri nya.

⁶⁰Nengeri Kiriat-baal (tauka Kiriat-jearim) enggau Rabah - dua buah nengeri, nyengkaum nengeri ti mit ti ngelingi nengeri nya.

⁶¹Di menua puang: nengeri Bet Arabah, Midin, Sekakah,

⁶²Nibsan, nengeri Garam, enggau En-gedi - enam buah nengeri semua iya, nyengkaum nengeri ti mit ti ngelingi nengeri nya.

⁶³ Tang raban bansa Judah enda ulih muru orang Jebus ti diau di Jerusalem. Orang Jebus agi mengkang diau dia begulai enggau orang Judah nyentuk ngagai sehari tu.