Read Iban Josua 19 Bible Online

Josua 19 - Iban bible

Josua 19

¹Simeon nya raban bansa ti kedua diberi menua, lalu menua ti diberi ngagai sida nya berimbai enggau menua Judah.

² Nengeri di menua nya nyengkaum Beer-seba, Sheba, Moladah,

⁶Bet-lebaot, enggau Saruhen - tiga belas buah nengeri semua iya, sama enggau nengeri ti mit ti ngelingi nengeri nya.

⁷Nengeri dia mega nyengkaum Ain, Rimon, Eter, enggau Asan - empat buah nengeri semua iya, sama enggau nengeri ti mit ti ngelingi sida.

⁸Menua Simeon mega nyengkaum semua nengeri enggau genturung pendiau nyentuk ngagai Baalat-beer (tauka Ramah), di selatan. Nya meh menua ti diterima raban bansa Simeon nyadika menua sida.

⁹Laban Judah udah diberi menua ti besai agi ari ti diguna sida, sebagi ari menua nya lalu diberi ngagai Simeon.

¹⁰Sebulun nya raban bansa ti ketiga diberi menua. Menua ti diterima sida nya nganchau nyentuk ngagai Sarid.

¹¹Ari Sarid, garis entara menua nya lalu nuju ke barat ngagai Marial, mansa Dabeset enggau sungai ti muak ke timur Joknim.

¹²Berengkah ari Sarid ari sepiak, garis entara menua nya nuju ke timur ngagai garis entara menua Kislot-tabor, udah nya nuju ke Daberat, lalu niki ngagai Japia.

¹³Ari nya garis entara menua nya lalu majak nuju ke timur ngagai Gat-heper enggau Et-kasin, nguing tunga ke Nih ba jalai ngagai Rimon.

¹⁴Di barat, garis entara menua nya nguing tunga ngagai Hanaton, lalu tepantup ba Emperan Iptah-el.

¹⁵Menua nya nyengkaum Katat, Nahalal, Simron, Idalah, enggau Betlehem - dua belas buah nengeri semua iya, sama enggau nengeri ti mit ti ngelingi sida.

¹⁶Nengeri enggau nengeri ti mit ti di menua ti diterima raban bansa Sebulun nyadika pesaka sida.

¹⁷Isakar nya raban bansa ti keempat ti diberi menua.

¹⁸Rampa menua nya nyengkaum Jesril, Chesulot, Sunem,

¹⁹Haparaim, Sion, Anaharat,

²⁰Rabit, Kision, Ebes,

²¹Remet, En-ganim, En-hadah, enggau Bet-pasis.

²²Garis entara menua nya mega mansa Tabor, Sahasumah enggau Bet-semes, lalu tepantup ba Sungai Jordan. Enam belas buah nengeri dalam menua nya semua iya, sama enggau nengeri ti mit ti ngelingi sida.

²³Nya meh nengeri enggau nengeri ti mit dalam menua ti diterima raban bansa Isakar nyadika pesaka sida.

²⁴Aser nya raban bansa ti kelima ti diberi menua.

²⁵Rampa menua nya nyengkaum Helkat, Hali, Beten, Aksap,

²⁶Alam Melek, Amad enggau Misal. Di barat, garis entara menua nya negu Karmel enggau Sihor-libnat.

²⁷Garis entara menua nya nguing ke timur, lalu nuju ngagai Bet-dagon, negu Sebulun enggau Emperan Iptah-el, lalu terus ke utara ngagai Bet-emek enggau Neiel. Garis entara menua nya lalu majak ke utara ngagai Chabul,

²⁸Ebron, Rehob, Hamon, enggau Kanah, nyentuk ngagai Sidon.

²⁹Garis entara menua nya nguing ngagai Ramah, lalu datai ba nengeri Tire ti bekuta. Udah nya garis entara menua nya lalu nguing ngagai Hosah, lalu tepantup ba Tasik Tengah. Menua nya nyengkaum Mahalap, Aksip,

³⁰Umah, Apek, enggau Rehob - dua puluh dua buah nengeri semua iya, sama enggau nengeri ti mit ti ngelingi sida.

³¹Nya meh nengeri enggau nengeri ti mit dalam menua ti diterima raban bansa Aser nyadika pesaka sida.

³²Naptali nya raban bansa ti keenam diberi menua.

³³Garis entara menua nya berengkah ari Helep ngagai kayu oak ti di Sananim, terus ngagai Adami-nekep, enggau ngagai Jabnil, nyentuk ngagai Lakum, lalu tepantup ba Sungai Jordan.

³⁴Ari nya garis entara menua nya lalu nguing ke barat ngagai Asnot Tabor, terus ngagai Hukok, negu Sebulun di selatan, negu Aser di barat, enggau menua Judah ti di timur Sungai Jordan.

³⁵Nengeri ti bekuta nyengkaum Sidim, Ser, Hamat, Rakat, Chineret,

³⁶Adamah, Ramah, Hasor,

³⁷Kedes, Edrei, Enhasor,

³⁸Yiron, Migdalel, Horem, Bet-anat, enggau Bet-semes - semilan buah nengeri semua iya, sama enggau nengeri ti mit ti ngelingi sida.

³⁹Nya meh nengeri enggau nengeri ti mit dalam menua ti diterima raban bansa Naptali nyadika pesaka sida.

⁴⁰Dan nya raban bansa ti ketujuh diberi menua.

⁴¹Menua Dan nyengkaum Sorah, Esta-ol, Ir-semes,

⁴²Sa-albim, Aijalon, Itlah,

⁴³Elon, Timnah, Ekron,

⁴⁴Eltekeh, Gibeton, Baalat,

⁴⁵Jehut, Bene-berak, Gat-rimon,

⁴⁶Me-jarkon enggau Rakon, sereta enggau menua ti ngelingi Jopa.

⁴⁷ Lebuh orang ari raban bansa Dan nyau nadai agi menua, sida lalu mansang ngagai Lais, lalu nyerang nengeri nya. Sida ngalahka nengeri nya, lalu munuh orang di nengeri nya, lalu ngambu nengeri nya nyadika nengeri sida empu. Sida lalu ngentapka diri dia, lalu ngubah nama nengeri nya ari Lais ngagai Dan, ngangkatka nama aki ini sida.

⁴⁸Nya meh nengeri enggau nengeri ti mit ti diterima raban bansa Dan nyadika pesaka sida.

⁴⁹Lebuh orang Israel udah tembu magi menua, sida lalu meri Josua anak Nun sebagi ari menua nya nyadika menua iya empu.

⁵⁰Munyi ti udah dipesanka TUHAN, sida meri ngagai iya sebuah nengeri ti dipinta iya, iya nya Timnat-serah di menua ti bebukit di menua Epraim. Iya ngaga nengeri nya baru, lalu ngentapka diri dia.

⁵¹Imam Eleasar, Josua anak Nun, enggau bala tuai bilik ari raban bansa orang Israel udah magi menua nya ngena chara bechabut undi [11] kena betanya ngagai TUHAN di Siloh, ba penama ngagai Langkau Kain TUHAN. Nya meh jalai sida nembuka pengawa bebagi menua.