Read Iban Josua 21 Bible Online

Josua 21 - Iban bible

Josua 21

¹Bala tuai bilik orang Lewi mansang ngagai Imam Eleasar, Josua anak Nun, enggau ngagai tuai bilik semua raban bansa orang Israel.

² Ku sida bejaku enggau sida di Siloh, dalam menua Kanaan, “TUHAN udah ngena Moses meri pesan, madahka kami deka diberi nengeri alai diau, enggau padang rumput ngelingi nengeri nya ke jelu tupi kami.”

³Nya alai, orang Israel lalu meri ngagai orang Lewi sekeda nengeri enggau padang rumput dalam menua sida, nitihka pesan TUHAN.

⁴Bala raban peturun Kohat nya terubah ruang bilik ti diberi nengeri. Ruang bilik ti diturunka Imam Aron, diberi tiga belas buah nengeri dalam menua Judah, Simeon, enggau Benjamin.

⁵Raban peturun Kohat ti bukai diberi sepuluh buah nengeri di menua Epraim, Dan, enggau Manasi Barat.

⁶Raban peturun Gerson diberi tiga belas buah nengeri dalam menua Isakar, Aser, Naptali, enggau Manasi Timur.

⁷Ruang bilik raban peturun Merari diberi dua belas buah nengeri dalam menua Reuben, Gat, enggau Sebulun.

⁸Nya alai orang Israel bechabut undi [12] kena sida magi nengeri enggau padang ti ngelingi nengeri siti-siti ngagai orang Lewi, nitihka jaku ti udah dipesanka TUHAN ngena Moses.

⁹Tu nama nengeri di menua Judah enggau di menua Simeon ti diberi ngagai

¹⁰peturun Aron ke ari raban peturun Kohat, ke diturunka Lewi. Raban peturun Kohat nya raban bansa ti terubah iya diberi nengeri.

¹¹Sida diberi nengeri Arba (Arba nya apai Anak), ti dikumbai Hebron diatu, di menua ti bebukit di menua Judah, sama enggau padang rumput ti ngelingi nengeri nya.

¹²Tang padang nengeri nya, enggau semua nengeri ti mit, udah diberi ngagai Kalep anak Jepuneh nyadika pesaka iya.

¹³Nambahka Hebron (sebuah ari nengeri alai ngerarika diri), tu nama nengeri ti diberi ngagai peturun Imam Aron: Libnah,

¹⁴Jatir, Estemoa,

¹⁵Holon, Debir,

¹⁶Ain, Jutah enggau Bet-semes, sama enggau padang rumput sida - semilan buah nengeri semua iya ari menua raban bansa Judah enggau Simeon.

¹⁷Ari menua Benjamin sida diberi empat buah nengeri: Gibeon, Geba,

¹⁸Anatot enggau Almon, sama enggau padang rumput sida.

¹⁹Tiga belas buah nengeri semua iya diberi ngagai peturun Imam Aron, sama enggau padang rumput sida.

²⁰Ruang bilik ti bukai ari peturun Lewi ti ari raban peturun Kohat, diberi sekeda nengeri di menua Epraim.

²¹Sida diberi empat buah nengeri: Sekem, enggau padang rumput iya, di menua ti bebukit dalam menua Epraim (sebuah ari nengeri ti alai ngerarika diri), Geser,

²²Kibsaim, enggau Bet-horon, sama enggau padang rumput sida.

²³Ari menua Dan, sida diberi empat buah nengeri: Eltekeh, Gibeton,

²⁴Aijalon, enggau Gat-rimon, sama enggau padang rumput sida.

²⁵Ari menua Manasi Barat sida diberi dua buah nengeri: Taanah enggau Gat-rimon, sama enggau padang rumput sida.

²⁶Ruang bilik raban peturun Kohat nerima sepuluh buah nengeri semua iya, sama enggau padang rumput sida.

²⁷Siti agi raban bansa orang Lewi, iya nya raban peturun Gerson, nerima dua buah nengeri ari menua Manasi Timur: Golan di Basan (sebuah ari nengeri alai ngerarika diri) enggau Besterah, sama enggau padang rumput sida.

²⁸Sida nerima empat buah nengeri ari menua Isakar: Kision, Daberat,

²⁹Jarmut, enggau En-ganim, sama enggau padang rumput sida.

³⁰Ari menua Aser sida nerima empat buah nengeri: Misal, Apdon,

³¹Helkat, enggau Rehob, sama enggau padang rumput sida.

³²Ari menua Naptali, sida nerima tiga buah nengeri: Kedes di Galili, sama enggau padang rumput iya (sebuah ari nengeri alai ngerarika diri), Hamot-dor, enggau Kartan, sama enggau padang rumput sida.

³³Semua ruang bilik raban peturun Gerson nerima tiga belas buah nengeri semua iya, sama enggau padang rumput sida.

³⁴Peturun Lewi ti bukai, iya nya bala raban peturun Merari, nerima empat buah nengeri ari menua Sebulun: Joknim, Kartah,

³⁵Dimnah, Nahalal, sama enggau padang rumput sida.

³⁶Ari menua Reuben sida nerima empat buah nengeri: Beser, Jahas,

³⁷Kedemot enggau Mepat, sama enggau padang rumput sida.

³⁸Ari raban bansa Gat sida nerima empat buah nengeri: Ramot-giliat, sama enggau padang rumput iya (sebuah ari nengeri ti alai ngerarika diri), Mahanaim,

³⁹Hesbon, enggau Jaser, sama enggau padang rumput sida.

⁴⁰Nya alai raban peturun Merari udah diberi dua belas buah nengeri semua iya.

⁴¹Ari menua ti dialahka orang Israel, empat puluh lapan buah nengeri semua iya, udah diberi ngagai orang Lewi, sama enggau padang rumput ti ngelingi nengeri nya.

⁴³Nya alai TUHAN meri ngagai orang Israel semua menua ti udah disemaya deka diberi Iya ngena sumpah ngagai aki ini sida. Lebuh sida udah ngalahka menua nya, sida lalu ngentapka diri dia.

⁴⁴TUHAN meri sida pengelikun di serata menua nya, munyi ti udah disemaya Iya ngagai aki ini sida. Nadai siku ari bala munsuh sida ulih ngelaban sida, laban TUHAN udah ngasuh orang Israel menang ngelaban semua munsuh sida.

⁴⁵TUHAN udah ngingatka genap iti semaya ti udah digaga Iya enggau orang Israel.