Read Iban James 3 Bible Online

James 3 - Iban bible

James 3

¹Menyadi, enda mayuh kita tau nyadi pengajar laban, kita nemu, kami ke ngajar deka diakim balat agi.

² Laban semua kitai bela ngereja mayuh macham penyalah. Orang ke nadai kala nyebut utai ti salah lebuh iya bejaku, iya nya orang ke pemadu badas, ke ulih nagang semua tubuh diri.

³Enti kitai ngengkahka repik besi ba nyawa kuda, kena ngasuh iya ngasika kitai, kitai ulih ngasuh kuda nya nguingka tubuh diri.

⁴Tauka, peda kita kapal. Taja pen kapal nya besai lalu belayar dipuputka ribut ti deras, tang iya dikemudika ngena tumpang ti mit amat ngagai sebarang endur alai juragan ngemudika iya.

⁵Baka nya mega dilah. Taja pen iya mit, tang iya balat temegah. Peda kita utan ti besai. Iya ulih diselup ngena api ti mit lalu angus!

⁶ Dilah nya api, dunya ti jai dalam tubuh kitai, ti ngamahka kitai, nyelup semua pengidup kitai ngena api, lalu dilah nya empu diselup api neraka.[11]

⁷Mensia ulih bejinak lalu udah bejinakka semua utai bukai ti idup, baka jelu babas enggau burung, ular enggau ikan,

⁸tang nadai orang ulih bejinakka dilah. Dilah nya utai ti jai, ti enda nemu jenuh, ti penuh laban rachun ti bisa.

⁹ Ngena dilah nya kitai muji Tuhan ti Apai kitai, lalu ngena dilah nya mega kitai nyumpah orang ke digaga neladan gamal Allah Taala Empu.

¹⁰Ari nyawa siti nya pansut jaku berekat enggau jaku sumpah. Menyadi, utai tu enda tau baka nya!

¹¹Kati mata ai ulih mansutka ai amat enggau ai ti masin?

¹²Kati kayu ara, menyadi, ulih mansutka buah kana? Tauka pun anggur ulih mansutka buah ara? Mata ai ti mansutka ai ti masin, enda ulih mansutka ai amat.

¹³ Sapa bala kita ke bepenemu-dalam sereta mereti? Awakka iya ngayanka pemadas pengidup diri ngena pengawa ti dikereja iya ngena ati ti baruh ti datai ari penemu-dalam.

¹⁴Tang enti kita kepapas, lalu semina berundingka diri empu aja, anang temegahka nya tauka besangkalka pemendar.

¹⁵Penemu-dalam ti baka nya ukai datai ari atas,[12] tang datai ari dunya, ari mensia, ari antu.

¹⁶Laban dia endur alai ati ti kepapas, enggau ati ti semina berundingka diri empu aja, dia meh endur alai penyarut enggau semua pengawa ti jai nyadi.

¹⁷Tang penemu-dalam ti datai ari atas nya, lumur satu, tuchi, mai pemaik, nelap, siru, penuh laban pengasih enggau buah ti manah, enda bepilih mata tauka pura-pura ngapa.

¹⁸Lalu orang ke nanam pemaik, deka ngetau pengelurus.