Read Ibibio Contemporary Bible 2020 Duk 17 Bible Online

Duk 17 - Ibibio Contemporary Bible 2020 bible

Duk 17

¹Yisọs abo mme ibed ammọ ate: “Ñkpọiduọ ayaadi, ado adọdiọọk anọ andido ntak iduọ ado.

²Akpaafọn inọ ammọ adieke ekpekọọñọ ammọ itiad ke itọñ etop ammọ esịn ke inyañ akan ammọ adinam keed ke atu ntəkayịn ami anam idiọọkñkpọ.

³Do ndin ikpeme idem ndufo. “Ayịnuka akpenam idiọọkñkpọ sua nọ anye. Anye akpetua ñkpọfiọk feen nọ anye.

⁴Kpọkọm anye udue fiin akañ itiaba ke usen ndin atịmme adi adukpe ubọk akañ itiaba, abo: ‘mmetua ñkpọfiọk,’ ana afo afeen anọ anye.”

⁵Mme ibed emaebo anye ete, “Abọọñ nam mbuọdidem ñnyịn akpon.”

⁶Anye amaabọọrọ ammọ ate, “Mbuọdidem ndufo akpebaaha nte ñkpasi mọstad, ekpa ebo ekamba eto a-akpono nte ukịm, ‘Wʌkkọ ke wʌghọ ke inyañ ndin anye akpaanam uyo ndufo.’

⁷“Dat nte awo anie ayịnufọk a-akaaha ufuñ inwañ me akpemeke edọñ, nte anye akpaabo ayịnufọk ado, ke amaato inwañ idi, di suuk tie ke akpokoro dia ñkpọ?

⁸Nte anye ikpikappa ibo, ‘Nam ndidia ndubi nnọ ndia, dida mbet idaha ndiaha ñkpọ, ami mmaadia ñnyʌñ ñnwọñ mma, ndin afo amekeme adidia ñnyʌñ ñnwọñ’?

⁹Me anye akpaakọọm ayịnufọk ado ke adinam utom amọ?

¹⁰Ntom ke ami ibo ndufo, emaenam afịd se ekebo yak ndufo enam, ekpena ebo, ‘Ñnyịn ido nditọutom a-ammiidotto, inam ubiọñ utom ñnyịn kpọd-kpọd.’ ”

¹¹Idaha Yisọs akekaaha Yerusedem, anye amaaboiyo ke adaña Sameria ye Kadidi.

¹²Nte anye adʌkkọ idʌñ keed ideen duob e-ekedọñọke akpamfia emaesoobo anye. Ammọ ekeda nsan-nsan,

¹³ebọọñ ke akpọsọñ uyo ete, “Yisọs Eteufọk, itua ñnyịn mbọm.”

¹⁴Ke ini anye akekịtte ammọ, anye amaabo ate, “Ikaa ikiwọt mme aku idem ndufo.” Nte ammọ ekaaha ke usʌñ, emaenam ammọ esana, ndin idem amaasọñ ammọ.

¹⁵Keed ke atu ammọ, ke amaakekịt ke udọñọ ikweeñe, amaatịmme aditooro Abasi ke akpọsọñ uyo.

¹⁶Amaaduọ ke ukod Yisọs akọọm anye. Awo ami aketo Sameria.

¹⁷Yisọs amaabịp, “Nte idooho awo duob ke ekekọk? Usʌkkeed ako-o?

¹⁸Ibaaha awo a-atịmmeke adinọ Abasi ekọọm ke mmiibọhọke asenawo ami?”

¹⁹Yisọs ate anye, “Dakka nyọñ, mbuọdidem mfo anam udọñọ ukweeñe.”

²⁰Ini keed, mme Farisi emaebịp anye me abio ubọọñ Abasi adidi ini ake, Yisọs amaabọọrọ, “Adidi abio ubọọñ Abasi idooho ñkpọ a-ndufo ekemeke ikịt,

²¹mme awo idiinyʌññọ ibo, ‘Se anye mi’ me ‘Se anye ko,’ sia abio ubọọñ Abasi mmọ aba ke atu ndufo.”

²²Ndin anye amaabo mme ibed amọ, “Ini asʌk adi a-ndufo ediiyem adikịt keed ke atu mme usen Ayịn Awo ado idikịtte.

²³Mme awo eyaidọkkọ ndufo, ‘Se anye ko,’ me ‘Se anye mi.’ Ikiifeghe ikeene ammọ.

²⁴Sia usen Ayịn Awo aditie nte akepkep a-akeppeke asịn unwana tọọñọ ke mben ikpaanyọñ keed tutu asịm mbeñ uko.

²⁵Ado akpa, ana anye ayọ uwak ukuud, ñko emana ami eyaesịn anye.

²⁶“Ukem naña aketịppe ke ayo Nua, adinyʌñ ido ntodo ke usen Ayịn Awo.

²⁷Mme awo ekesʌk eta, enwọñ, edọ enyʌñ enọ ke ndọ tutu usen Nua akedʌkkọ ubom, ndin ukwọ amaadisobo afịd ammọ.

²⁸“Ukem ado ke akedo ke ayo Dọd. Mme awo ekesʌk edia, enwọñ, edep, enyam, etọ, edọk, ebọp ufọk.

²⁹Ado usen Dọd awuọọhọ akpọñ Sọdọm, ikañ ye sọdfọ emaeto anyọñ edep esobo afịd ammọ.

³⁰“Aditịppe ukem ami ke usen adidi Ayịn Awo.

³¹Ke usen ado, awo a-adoroke ke anyọñ akọm, ke ini inie amọ abaaha ke esịd ufọk, inaaha asọiyọ aka ikoono inie amọ. Ukem ado, awo a-abaaha ke inwañ anam utom inaaha atịmme aka ufọk akedat ñkpọ ndomokeed.

³²Itoiyo anwaan Dọd!

³³Awo ake adodo a-ayemme adinyaaña uwem amọ ayaaduọọk anye. Ñko awo ake adodo a-aduọọkkọ uwem amọ ayaanie uwem.

³⁴Ami idọkkọ ndufo, ke akoneyo ado, awo iba eyaena ke ñkpana, eyaedat keed ekpọñ keed.

³⁵Ibaan iba eyaeba ke itie ukọkñkpọ, eyaedat keed ekpọñ keed.

³⁶Ideen iba eyaeba ke inwañ, eyaeben keed ekpọñ keed.”

³⁷Mme mbed ebịp anye ete, “Abọọñ, ke mmọ-ọ?” Anye amaabọọrọ, “Itie nte akpo ana, mme utere anaekeyọhọ.”