Read Ibibio Contemporary Bible 2020 Duk 21 Bible Online

Duk 21 - Ibibio Contemporary Bible 2020 bible

Duk 21

¹Yisọs akedịppe anyen ke anyọñ, anye akịt naña mme imọ awo enọ mme enọ ammọ ke tembịd.

²Anye amaanyʌñ akịt uwueene ebekpa keed naña asịn kọbọ iba.

³Anye ate, “Ke akpanikọ ke ibo ndufo, enọ ake ebekpa ami akan afịd ake mbon ñko.

⁴Afịd mbon ñko enọ ekeene naña ammọ enie ñkpọ etre; ado anye ke uwueene amọ, anọ afịd se anye akenie adidat ndu uwem.”

⁵Usʌk mme mbed emaeneme ebaña naña ekebana tembịd ke Yerusedem nọ ayaiya; emaenyʌñ etañ ebaña mme nsọñudua enọ e-ekebonno do enọ Abasi. Ado Yisọs amaabo ammọ ate,

⁶“Ke afịd se ndufo ekịt ami, ayaaba ini itiad keed mmiidiidoroke ke itiad, eyaewuud afịd ado eduọọk ke isọñ.”

⁷Ammọ emaebịp anye ate, “Andikpeeb, idahake ke mme ñkpọ ami ediitịppe? Nso-o idiido idiọọñọ ke mme ñkpọ ami eyaetịppe?”

⁸Anye amaabọọrọ, “Ikpeme mbaak edibiaaña ndufo. Sia mme awo eyaedi ke anyịñ mmi, ete, ‘Ami ndo anye’ ye ‘Ini akpere.’ Ikiikeene ammọ.

⁹Imaikop ekọñ ye ntịme, ikiikop ndịk. Mme ñkpọ ami ana ebemiso etịppe, ado utịd idiidieeghe diin.”

¹⁰Anye amaadian abo ammọ, “Mme abio eyaenwana ye emọ-emọ abio; mme ubọọñ eyaenyʌñ enwana ye keed aken.

¹¹Ikpọ unyeghe isọñ, akañ ye nsio-nsio udọñọ ke nsio-nsio itie, mme anie ndịk ñkpọntịbe ye ikpọ idiọọñọ e-etooho anyọñ eyaebañña.

¹²“Ado mbemiso afịd ami atịppe, ammọ eyaimuum enyʌñ itʌkkọ ndufo. Eyaiyaak ndufo enọ ke sinakọk, isịn ke ñkpakọb enyʌñ iben ndufo eka iso mme ikpọ mbọọñ ye mme adaukara ke ntak mmi.

¹³Ndin ami ayaanam ndufo edọdiọñ edo mme ntiense mmi enọ ammọ.

¹⁴Ado ibiire ke esịd ndufo ke idiiduọọhọ esịd ibaña se ediitañ ifakka idem.

¹⁵Sia ami nyaitemme ikọ ñnyʌñ inọ aniọñ ake mme asua ndufo mmiidiikanna ifaaña.

¹⁶Mme ete, eka, nditọeka, ufan, aduuk ye imaan eyaitap ndufo, ndin eyaewot usʌk ndufo.

¹⁷Afịd-afịd awo eyaisua ndufo ke ntak mmi.

¹⁸Ado ided iwuod ndufo ba keed idiitakka.

¹⁹Imaisọọñọ ida eyaenie uwem.

²⁰“Imaikịt naña udịm ekọñ ekanna Yerusedem ekʌk, ndufo eyaediọọñọ ke ini nsobo amọ akpere.

²¹Ndin yak mbon e-ebaaha ke Yudia efeeñe ekaiya mme abod, mbon e-ebaaha ke abio ewuọọñọ, ñko mbon e-ebaaha ke esịd idʌñ keetịmme eka esịd abio.

²²Sia ini ufen ado ami nọ afịd se ekewet adisu.

²³Mbọm eti-eti anọ ibaan e-ediisaña ye idịb ye mbon e-ediikama nsekayịn! Akpọsọñ ukuud ayaaba ke isọñ abio ye iyadesịd ke abaña mme awo.

²⁴Ammọ eyaekpañña ke eduad, eyaenyʌñ ekoono ammọ nte mbon ñkpakọb eka nsio-nsio idịd. Mme Yentaid eyaedat ukara ke Yerusedem tutu ini mme Yentaid anyʌñ oboiyo afep.

²⁵“Mme idiọọñọ eyaeba ke utịn, afiọñ ye ntantaafiọñ. Ke ederimbod, mme idịd eyaekịt ukuud enyʌñ ekop ñkpaidem ebaña mme ayobio ye ufuud ke akpa.

²⁶Mme awo eyaesʌkkọ ke abaña mme anie ndịk ñkpọ se idiitịppe ke ederimbod sia mme adudu ke anyọñ eyaetịmede.

²⁷Ke ini ado ammọ eyaekịt Ayịn Awo naña adi ke ntọñanyọñ ye adudu ye akwa ubọọñ.

²⁸Ke ini mme ñkpọ ami etọọñọke aditịppe, idaaña ida, idịppe iwuod ke anyọñ sia adinyaaña ndufo akpere.”

²⁹Anye amaatop ñke ami anọ ammọ: “Se eto fik ye afịd mme eto mfen.

³⁰Mfañ emaetọọñọ iseghe emediọọñọ ke ini ndaayo akpere.

³¹Kpa ntodo, emaekịt naña mme ñkpọ ami etịppe, idiọọñọ ke abio ubọọñ Abasi akpere.

³²“Ke akpanikọ ke idọkkọ ndufo, emana ami idiiboiyoke ifep mbemiso afịd mme ñkpọ ami edat itie.

³³Anyọñ ye isọñ eyaeboiyo efep, ado ikọ mmi idiiboiyoke ifep.

³⁴“Ikpeme mbaak ndufo idisịn esịd ke udiauwem, ukpa mmịn ye mme ñkpọ isọñ ami, ndin usen ado adibiọñọ ndufo adiwaad-adiwaad, ke una idodanyen nte afia.

³⁵Sia usen ado anaasịm afịd awo se iba ke iso isọñ ami.

³⁶Iba ke mbeeñeidem afịd-afịd ini; ibọñ akam nọ enie ukeme adibọkkọ afịd se idiitịppe, nọ enyʌñ ekan eda ke iso Ayịn Awo.”

³⁷Kwa usen Yisọs akesịkwọrọ ikọ ke tembịd, ado amaado ndubreyo, anye akpọñ akeba ke abod e-ekekoodo Abod Ọdif tutu ubakusen,

³⁸ndin ayo amaasieere, afịd awo ebak edi adikop ukwọrọ ikọ amọ ke tembịd.