Read Ibibio Contemporary Bible 2020 2 Kọrint 3 Bible Online

2 Kọrint 3 - Ibibio Contemporary Bible 2020 bible

2 Kọrint 3

¹Ado nte ñnyịn iyaitọọñọ ntak itooro idem ñnyịn? Me nte ñnyịn iyem, nte mbon ñnwen, enọ ñwed itooro esọk ndufo, me ebọ ñwed itooro eto ndufo?

²Ndufo ke idem ndufo edo ñwed ñnyịn e-ewette ke esịd ñnyịn ake afịd awo ediọọñọke enyʌññọ ekood.

³Daña nte emaekenam ana anwa-anwa nte ke ndufo edoñño ñwed Krais a-ñnyịn ikwọrọke, ñwed ake awo miiwette ke mmọọñ ñwed, ado ewet ke Sịbidịd adu uwem Abasi; iwette ke itiad ñwed ado ewet ke awọñ esịd awo.

⁴Ado utọ mbuọdidem ami ke ñnyịn inie ato ke Krais ke iso Abasi.

⁵Ami iwuọọñọke ite ke ñnyịn imikeme ke idem ñnyịn adibiooro ñkpọ ake adodo ke adudu idem ñnyịn: Ado ukeme ñnyịn ato Abasi.

⁶Anye amaanam ñnyịn ikeme adido mme asañautom ufa edioomo, a-amiidoho edioomo e-ewettewet, ado ado edioomo e-ebọppọ ke Sịbidịd; sia se ewewet awowot, ado Sịbidịd anọnọ uwem.

⁷Ado adieke etop udad edioomo ñkpa ndi, e-ewette enyʌñ ekap ke itiad, akesañake ye ubọọñ adi, tutu asịm idaha nditọ Isred mmiikikanna iwuuk anyen ise Moses iso aba, ke ntak ubọọñ iso ammọ, akpesʌk ado akesʌkkọ atọọñọ adiniime;

⁸nte utom Sịbidịd idiikappa ikpon ke ubọọñ ikan ami?

⁹Sia adieke utom ubiom awo ikpe asañake ye ubọọñ, utom anọọhọ awo edinenido ndin anie ubọọñ akponno akan ado.

¹⁰Sia, ke akpanikọ, se ikinie ubọọñ inieeghe aba ubọọñ ato ke ubọọñ a-akponno akan.

¹¹Sia adieke se ikiboiyo ifep akenieeghe ubọọñ, se miidiiboiyoke ifep anie ubọọñ a-anekeke akpon akan.

¹²Sia ñnyịn inieeghe utọ idodanyen ami, itaatañ ikọ, ye ayọhọ uko,

¹³Ñnyịn ibaaha nte Moses a-akedatta ñkpọ afʌk iso mbaak nditọ Isred ediwuuk anyen ese naña ubọọñ ado aboiyoke afep.

¹⁴Ado emaenam akikere ammọ ekappa ndisịme sia tutu asịm mfịn ami, naña ekood akaan edioomo; ufʌk iso ado asʌk ababa do; awo ifʌkkọke isio, sia ke Krais ikpọọñ ke adiboiyo ifep.

¹⁵Ado tutu asịm mfịn ami, ke ini ekoodo ñwed Moses, ufʌk iso ado afʌk esịd ammọ.

¹⁶Ado ini ake adodo awo awọññọke akeene Abọọñ, eben ufʌk iso ado efep.

¹⁷Ado Abọọñ ado Sịbidịd, ndin itie nte Sịbidịd Abọọñ aba, ubọkkọ ufʌn akeene aba do ñko.

¹⁸Ado afịd ñnyịn imidat iso awo miifʌkkọ ñkpọ imʌm Abọọñ ikama, naña ukịdiso amʌm ñkpọ; ntodo ke ñnyịn ikpəghọ idem ikappa inie mbid amọ, idian ubọọñ ke ubọọñ ami atooho Abọọñ, a-adooho Sịbidịd.