Read Ibibio Contemporary Bible 2020 Kadesia 3 Bible Online

Kadesia 3 - Ibibio Contemporary Bible 2020 bible

Kadesia 3

¹Ndufo mme ndisịme mbon Kadesia! Anie awo ikifʌk ndufo ñkịm? Emaenekke eben Yisọs Krais e-ekọññọ ke eto iwọd ndufo.

²Ñkpaama adikpeep ñkpọ keed ito ndufo: Ndufo ekebọ edisana Sịbidịd ke adinịm ibed me ke adinịm se ekekop?

³Ndufo esesịme die? Ke ini adooho eketọọñọ mme Sịbidịd, enwana idahado edikinam utom ndufo nto ke adudu ndufo?

⁴Ebọ afịd utọ ufen ado ñkaña-ñkaña?

⁵Nte Abasi inọ ndufo Sịbidịd amọ mme unam utịbeñkpọ ke atu ndufo sia emenịm ibed me sia emenịm se ekekop?

⁶Kere baña Ebraham: “anye amaanịm Abasi ke akpanikọ ekebatta enọ anye nte adinenido.”

⁷Yak inwaña ndufo ndin ke mbon e-enịmme ke akpanikọ edoñño nditọ Ebraham.

⁸Ikọ Abasi amaada akịd ke Abasi ayaatoppo mme Yentaid ikpe ke mbuọdidem, ndin anye amaabem iso asuan etob ado anọ Ebraham ate. “Afịd-afịd mme idịd eyaebọ edidiọñ uto fiin.”

⁹Ke ntodo mbon e-enieeghe mbuọdidem e-ediọñ ammọ edian mme Ebraham, awo mbuọdidem.

¹⁰Afịd mbon e-edotto anyen ke edinịm ibed eba ke idak isuuñọ, sia e-ewet: “Adọdiọọk anọ afịd awo e-mmiikaaha iso inam se iwere ke ñwed Ibed.”

¹¹Ado awọd anwa-anwa ke awo ndomokeed inieeghe utoppo ikpe ke iso Abasi ito ibed sia, “Mme ndisana awo eyaedu uwem ke mbuọdidem.”

¹²Mbed ikọñọke ke mbuọdidem, utu ke ado, “Awo a-anamma mme ñkpọ ami ayaadu uwem akeene ammọ.”

¹³Krais amaifak ñnyịn asio ke isuuñọ ibed ke anye adikikappa ndo isuuñọ inọọ ñnyịn, sia e-ewet ebo, “Adọdiọọk anọ awo ake adodo e-ekọññọ ke eto.”

¹⁴Anye akifak ñnyịn nọ ato do mme adidiọñ e-ekenọọhọ Ebraham akanna abịne mme Yentaid ato ke Krais Yisọs, nọ ato ke mbuọdidem ñnyịn ibọ enwọñọ ake Sịbidịd.

¹⁵Nditọete, yak ndat uwọdñkpọ ke eduuwem ke usen ke usen. Kpa nte a-awo ndomokeed mmiikemeke adisịk nnịm me edidaadian edioomo uduod awo a-amaakebaba, anyʌñ aba ntodo ke ñkpọ anye ami.

¹⁶Emaetatañ mme enwọñọ ami enọ Ebraham ye mme mfịd idịb amọ. Ñwed Abasi ibooho, “ye mme mfịd,” a-adooho Krais.

¹⁷Se ami ntañ ami awuọñọ ntom: Mbed e-ekediọọhọ ke mme isua 430 emaekeboiyo, isịkke isio edioomo a-Abasi amaakenanam, ke ntodo inyʌññọ itop enwọñọ ado iduọk.

¹⁸Sia, adieke ñyaknnọ inie akọñọke ke ibed, ado awuọ ikọñọke aba ke enwọñọ; ado Abasi ke mfọn amọ akeyaak anye anọ Ebraham ato ke enwọñọ.

¹⁹Nso-o ikido ufọn ibed ndin? Ekedian anye ke ntak mme ndiọiñkpọ tutu mfịd ado e-ekekaaha iso enwọñọ adi. Ibed akedinam utom ato mme enyere ato ke asine ufọọd.

²⁰Asine ufọọd, isidaaha ñkañ keed kpọd; ado Abasi ado keed.

²¹Ke ntodo, mme ibed anie ntuaha ye mme enwọñọ Abasi? Iyoo! Sia akpedooho emaenọ ibed akpekekanna anọ uwem, adinenido akpeketo ke ibed ado.

²²Ado ñwed Abasi a-anam ediọọñọ ke afịd ederimbod aba ke ñkpakọb idiọọkñkpọ, ke ntodo se emaekenwọñọ, e-ekenọọhọ ato mbuọdidem ke Yisọs Krais, ekeme iyak nnọ mbon e-enịmme ke akpanikọ.

²³Mbemiso mbuọdidem ami akedidi, ekimʌm ñnyịn mbon ñkpakọb ke ibed, ekọp enịm tutu mbuọdidem akpediyaara.

²⁴Ke ntodo ekenịm ibed edikara ma idat ñnyịn usʌñ asọk Krais, nọ itoppo ñnyịn ikpe ke mbuọdidem.

²⁵Idahami sia mbuọdidem amaakedi, ñnyịn ibaaha aba ke idak ukara ibed.

²⁶Afịd ndufo edoñño nditọ Abasi ato ke adibuọd idem ke Krais Yisọs,

²⁷sia afịd ndufo e-emaekeduọk mmọọñ isịn ke Krais emeben Krais esịne ke idem.

²⁸Adido Yuu me Krik, me ifʌn me amanaisọñ, awodeen me awonwaan ibaaha, sia afịd ndufo edo keed ke Krais Yisọs.

²⁹Adieke adooho Krais inie ndufo, awuọ ndufo edoñño mfịd Ebraham, mme adia akpa amọ ato ke enwọñọ.