Read Ibibio Contemporary Bible 2020 Taitọs 3 Bible Online

Taitọs 3 - Ibibio Contemporary Bible 2020 bible

Taitọs 3

¹Toiyo afịd awo ate esuuk iwuod enọ mme andikara ye mme mbio se iba ke iwuod, esuuk iwuod, ebeeñe idem adinam se ifọn,

²ekuubiaad awo ba keed ke edem, eba ke emem ndin enyʌñ ekere ñkpọ ebaña awo mfen, ndin ewọt ata nsuukidem enọ afịd awo.

³Ini keed koo, ñnyịn ñko ikido mme ndisịme, isọñiwuod, mbon ebiaañake ndin inyʌñ idʌk afʌn inọ afịd uduod udọñ ederimbod mme inemesịd. Ñnyịn imaidʌñ ke adinie udu ke esịd nnọ keed aken mme ufịp inyʌñ idisuaara keed aken.

⁴Ado ke ini mfọn mme ima Abasi Andinyaaña ñnyịn amaakewuọ ida,

⁵anye inyaaña ñnyịn, itooho ke nti ñkpọ ake ñnyịn inamma, ado ato ke ntak mbọm amọ. Anye inyaaña ñnyịn ato ke adiyet adufa emana anyʌñ anam ido adufa ato ke Adisana Sịbidịd,

⁶a-anye akenwaññake ke ntadubọk asịn ke atu ñnyịn ato Yisọs Krais Andinyaaña ñnyịn,

⁷nọ ato do, sia imainen ato ke mfọn amọ ñnyịn ido nditọ adia akpa e-enieeghe idodanyen nsi-nsi uwem.

⁸Ami ado ikọ mbuọdidem e-eketañña. Ndin ñyem afo asọọñọ mme ñkpọ ami, nọ ato do mbio e-ekenịmme Abasi ekpeme idem ke adisịn idem nnam se ifọn. Mme ñkpọ ami ado se ifọn ikan ndin anyʌñ ado ufọn ake afịd awo.

⁹Ado ifeghe ikpọñ mme ndisịme akpọsọñ eniin ye anyan udịm anyịn emana ye mfaaña ke abaña ibed, sia mme ñkpọ ami ibaaha udod anyʌñ ado ikpu-ikpu.

¹⁰Dʌt awo a-asịnne ubakka utọñ ñkañ keed, ndin maana dʌt anye utọñ ayọhọ ñkemba. Ado amaaboiyo, kuunie ñkpọ adinam mme anye aba.

¹¹Afo amediọọñọ ke utọ awo ado ifọnnọ, ado anam idiọọkñkpọ; anye abiom idem amọ ikpe.

¹²Ami mmaasʌk ndọdọñ Atemas me Taikikọs usọk fiin, domo ukeme adidiimbine miin ke Nikopodis, sia ami mmebieere aditie ke udo ke ini akpọsọñ atueb.

¹³Nam afịd ñkpọ se afo akan adinwam Senas, akpe ikpe ado ye Apọdọs ke usʌñ ammọ nyʌñ kịt ke ammọ enie afịd se ammọ ekpeyem.

¹⁴Mbon ñnyịn ana ekpeeb adisịn idem ammọ ke adinam se ifọn, nọ atoodo ammọ ekeme adinie ñkpọ se ammọ eyem ke usen ke usen mbaak ammọ adidu uwem a-ammiibaaha ufọn inọ ammọ.

¹⁵Afịd awo e-ebaaha mme ami e-edọñ ekọọm unọ. Kọọm mbon se ima ñnyịn ke mbuọdidem. Mfọn Abasi aba mme afịd ndufo.