Read Ibibio Contemporary Bible 2020 Adiyaara 11 Bible Online

Adiyaara 11 - Ibibio Contemporary Bible 2020 bible

Adiyaara 11

¹Emaennọ akọk a-akebaaha nte esañ udomo ñkpọ enyʌñ embo, “Ka kedomo itie ukpono Abasi ye itie uwa nyʌñ bat ibad mme andikpono Abasi do.

²Ado kuudomo anwa esiin, sio anye ado fep, sia eyak ñkañ udo enọ mme Yentaid. Ammọ eyaedat ukod esappa adisana abio ke mme afiọñ aba ye iba.

³Ndin Ami ñyaanọ mme ntiense mmi iba adudu, ammọ eyaetañ brọfesi ke mme usen tọsịn keed, ikie iba mme ata (1,260) ediinyʌñ isiine afọñ ikpo.”

⁴Emi edoñño mme eto ọdif iba ye mme udodutuenikañ iba e-edaaha ke iso Abọọñ ederimbod.

⁵Awo ake adodo anwanake adinam ammọ idiọọk ñkpọ, ikañ ayaato inua ammọ awuọ ata mme asua ammọ awot. Ntoro ke awo ake adodo a-anwanake adinam ammọ idiọọk ñkpọ adiikpa.

⁶Mbon ami enie adudu adikọp ikpaanyọñ mbaak edịm adidep ke mme ini ammọ ediitaañ mme brọfesi; enyʌñ enie adudu adinam mme mmọọñ ekappa edo iyiib enyʌñ ekeme adimia ederimbod ufen ye se utọ unọmọ naña ammọ emama.

⁷Idahami ammọ emaeketañ ikọ ntiense ammọ ema, idiọọk unam a-asiwuọhọ ato Abis adi, ayaawuọ adinwana ekọñ mme ammọ akan ammọ anyʌñ awood ammọ.

⁸Akpo ammọ ediibono ke akpọusʌñ ekamba abio ado, a-adooho ke edisịn ke ñke ekood Sọdọm mme Iyịpt, itie e-ekenyʌññọ ekọñ Abọọñ ammọ ke eto.

⁹Ke usen ita mme ibio, afịd ubon awo, aduuk, usem ye idịd eyaekaiso ese akpo ammọ enyʌñ esịn adibuuk.

¹⁰Mme andidʌñọ ederimbod eyaenọ ammọ ñnyọ enyʌñ enañña usọrọ idem ammọ ke adinọọñọ idem ammọ mme enọ, sia mme brọfed iba ami emaenọọñọ mme andidʌñ ke ederimbod akpọsọñ ufen.

¹¹Ado ke usen ita mme ibio emaekeboiyo, inweek uwem amaato Abasi adidʌk ammọ idem, ndin ammọ emaedakka eda ke ukod ammọ, ndin ata ndịk amaamʌm afịd mbon e-ekekịtte ammọ.

¹²Ndin ammọ emaekop naña ekamba uyo ato ke abio ubọọñ Abasi abo ammọ, “Idọọk idi mmi.” Ndin ammọ emaedọọk esaaña ke ntọñanyọñ edʌk abio ubọọñ Abasi, ke ini mme asua ammọ ekesʌkkọ esese.

¹³Kpa ke awa ado akpọsọñ unyekisọñ amaatịppe ndin keed ke ubaak duop abio ado amaaduọ. Awo tọsịn itiaba emaekpañña ke unyekisọñ ado, ndin mme andikisʌhọ ke uwem emaekop ata ndịk enyʌñ enọ Abasi ke abio ubọọñ.

¹⁴Ayọhọ ukuud iba aboiyo, ayọhọ ukuud ita asʌk adi usọp-usọp.

¹⁵Ayọhọ enyere itiaba amaafịt adukpəñ amọ ndin ekamba uyo amaawuọ ato abio ubọọñ Abasi a-akebooho: “Abio ubọọñ ederimbod akappa abio ubọọñ Abọọñ ñnyịn ye ake Krais amọ, ndin anye ayaakara ke nsi-nsi, nsi-nsi.”

¹⁶Ndin mme ñyobioawo edịp mme inaañ e-eketieeghe ke mme ebekpo ubọọñ ammọ ke iso Abasi emaeduọññọ ekuub iso ammọ ke isọñ enyʌñ ekpono Abasi,

¹⁷ete: “Ñnyịn imunọ Fiin ekọọm Abọọñ Abasi Andikpon Ñkan. Anye a-abaaha, a-amaakebaba, sia Afo amedat ekamba adudu mfo anyʌñ atọọñọ adikara.

¹⁸Afịd idịd emaeyaad esịd, ndin iyadesịd mfo adi, ini adikem adikpe ikpe mme mbon e-emaekekpañña, ye edidiọọñ mme isʌñutom mfo mme brọfed ye mme ndisana awo, ye mbon e-enọọhọ anyịñ mfo ukpono, edodoñño ntək-ntək me ikpọ-ikpọ, mme Afo ediwood mbon e-ebiaada ederimbod.”

¹⁹Ndin emaebeere tembịd Abasi ke abio ubọọñ Abasi, ndin ke esịd tembịd ado emaekịt akebe edioomo Abasi. Ndin unwana akepkep amaasakka, emaenyʌñ ekop ndukuunọ mme uyom aduma, mme unyekisọñ ye akwa edịm itiad.