Read Ibibio Contemporary Bible 2020 Adiyaara 3 Bible Online

Adiyaara 3 - Ibibio Contemporary Bible 2020 bible

Adiyaara 3

¹“Wet nọ enyere ufọkabasi ke Sadis: Ami ado mme ikọ Andinie Sịbidịd Abasi itiaba mme ntantaafiọñ itiaba. Ami mmediọọñọ mme utom mfo; afo amewuọ etob ke asʌk adu uwem ado amekpa.

²Demme! Sọọñọ mme utom mfo se isʌhọ e-eyemme edikpa, sia ñkịtte nte mme utom mfo afọn ama ke iso Abasi mmi.

³Toiyo, ndin se amaakebọ anyʌñ akop; nam item nyʌñ tua ñkpefiọk. Ado umuudemmeke, ñyaadi nte inọ ndin uduudiọọñọke ini a-Ami nduudubịne fiin.

⁴Ado asʌk anenie mme awo ifañ ke Sadis emiibiadda afọñ ammọ. Mbon ado eyaesaña mme Ami, esịne mfia afọñ sia ammọ e-edot.

⁵Anye a-akanna ayaanyʌñ asịne afia ọfọñ nte ammọ. Ami ndiisọọhọ anyịñ amọ nsio ke ñwed uwem, ado ñyaabo ke mmediọọñọ anyịñ amọ ke iso Ete Mmi ye mme enyere amọ.

⁶Anye a-anieeghe utọñ yak anye akop se Sịbidịd atañ anọ mme ufọkabasi.

⁷“Wet nọ enyere ufọkabasi ke Fidadefia: Ami ado mme ikọ anye a-adooho adisana mme akpanikọ, anye a-akamake ukpọhọde Defid. Se anye atat awo ndomokeed ikanna ikọp, se anye anyʌñ akọp awo ndomokeed ikanna itat.

⁸Mmediọọñọ mme utom mfo. Kase, mmenịm ana inwañ usʌñ ke iso mfo awo ndomokeed mmiidiikanna adikʌk. Mmedọdiọọñọ ke inweek mfo ikponno, ado afo amenịm ikọ mmi unyʌññọ ukañ anyịñ Mmi.

⁹Ami ñyaanam mbon e-edoññoke ake itie ubọñ akam Setan, e-ebooho ke mmimọ idoñño mme Yuu ado idoññoke, mme asʌhọ nsu — yaanam ammọ ediduọọñọ ke ukod mfo ke ukpono enyʌñ enyịmme anwa-anwa ke Ami mmuma fiin.

¹⁰Sia afo amenịm ewʌhọ Mmi ke edibọ ke ime, Ami ñyaanyʌñ umʌm fiin ñkamake ini ñnyeeñe a-abooho idisịm afịd ederimbod nọ adidomo mbon se idʌñ ke isọñ.

¹¹Ami nsʌk nsọp ndi. Tʌm se amaakenenie emʌm kama, mbaak awo adubọ anyanya mfo.

¹²Anye a-akanna, ñyaanam anye adaha ke tembịd Abasi Mmi. Anye idiikpọññọ ndo aba. Ñyaawet anye ke idem anyịñ Abasi Mmi mme anyịñ ufa abio Abasi Mmi, ufa Yerusedem a-awuọọhọ ato abio ubọọñ Abasi Mmi adi; ndin Ami ñyaanyʌñ ñwet ufa anyịñ Mmi ke idem amọ.

¹³Anye a-anieeghe utọñ yak anye akop se Sịbidịd atañ anọ mme ufọkabasi.

¹⁴“Wet nọ enyere ufọkabasi Daodisia: Ami ado mme ikọ andido Amen, andisọọñọ nda mme ntiense akpanikọ, anye a-adooho andikara afịd se Abasi akebot.

¹⁵Ami mmediọọñọ mme utom mfo, ke Afo udeññeke-deññe unyʌññọ ufofiop. Akpekap ado keed ke otu ñkpọ iba ami.

¹⁶Ndin sia afo abaaha mmeme-mmeme, ufioppo fiop unyʌññọ udedeññe, mmebeeñe idem adukọk fiin nsio ke inua Mmi.

¹⁷Afo obo, ‘Ami mmenie inie; ami mmekọ uwak inie, ibaaha se nyem.’ Ado afo udiọọñọke ke amenie mbọm, ado uwueene ye nnan, atie ifed.

¹⁸Ami unọ fiin item mbo yak ambọ miin kood e-emaekenam ke ufiop ikañ adep nọ afo akappa ado anie ñkpọ; mbọ ñko afia ọfọñ idem dep sịne nọ ọfʌk ifed mme esuenne mfo. Dep ibọk sịn ke anyen mfo man oto do afo ọmọnọ ñkpọ.

¹⁹Mbon a-ami mmaaha ke ami nsua ñkpọ nnọ nnyʌñ nntʌnọ. Ke ntodo, fọn ma nyʌñ kappa esịd.

²⁰Ami mi nda ke inuausʌñ nsʌk ñkọñ. Awo ake adodo o-okoppo uyo Mmi ọnyʌñ ọkʌkkọ ọnnọ nyaadʌk ndi ndidia ñkpọ mme anye, anye ọnyʌñ adia mme Ami.

²¹Anye a-akanna ke ndiinọ unen aditie ye ami ke ebekpo mmi; kpa nte a-ami ñkekanna nnyʌñ nsuuk ntie mme Ete mmi ke ebekpo amọ.

²²Anye a-anieeghe utọñ, yak anye okop se Sịbidịd atañ ọnọ mme ufọkabasi.”