Read Ignaciano Mateo 1 Bible Online

Mateo 1 - Ignaciano bible

Mateo 1

¹Eta juka nájukuna'i ena máchukaekeneanaini ema Viakenu Jesucristo, ema mámariékene ema David emapa ema Abraham:

²Ema Abraham, makachichapa ema Isaac. Ema Isaac makachichapa ema Jacob ema Jacob makachichapa ema Judá énapa ena apamuriana maparapenaveana.

³Ema Judá makachichapa ema Fares émapa ema Zérah, esu naena tikaijaru Tamar. Ema Fares makachichapa ema Hesrón. Ema Hesrón makachichapa ema Aram.

⁴Ema Aram makachichapa ema Aminadab, ema Aminadab, makachichapa ema Nahasón, ema Nahasón makachichapa ema Salmón.

⁵Ema Salmón makachichapa ema Booz, (Esu maena tikaijaru Rahab.) Ema Booz makachichapa ema Obed, (esu maena tikaijaru Rut.) Ema Obed makachichapa ema José,

⁶ema José makachichapa ema rey David. Ema rey David makachichapa ema Salomón, esu mayenaini'i ema Urías.

⁷Ema Salomón makachichapa ema Roboam, ema Roboam makachichapa ema Abías ema Abías makachichapa ema Asá.

⁸Ema Asá makachichapa ema Josafat, ema Josafat makachichapa ema Joram, ema Joram makachichapa ema Ozías.

⁹Ema Ozías makachichapa ema Jotam, ema Jotam makachichapa ema Acaz, ema Acaz makachichapa ema Ezequías.

¹⁰Ema Ezequías makachichapa ema Manasés, ema Manasés makachichapa ema Amón, ema Amón makachichapa ema Josías.

¹¹Ema Josías makachichapa ema Jeconías énapa ena maparapenaveana, ena nakarataruana'i námakeneana'i ena tikawasana'i te Babilonia.

¹²Te táekenepa eta juka makakijira'i, ema Jeconías makachichapa ema Salatiel, ema Salatiel makachichapa ema Zorobabel.

¹³Ema Zorobabel makachichapa ema Abihud, ema Abihud makachichapa ema Eliaquim, ema Eliaquim makachichapa ema Azor.

¹⁴Ema Azor makachichapa ema Sadoc, ema Sadoc makachichapa ema Aquim, ema Aquim makachichapa ema Eliud.

¹⁵Ema Eliud makachichapa ema Eleazar, ema Eleazar makachichapa ema Matán, ema Matán makachichapa ema Jacob.

¹⁶Ema Jacob makachichapa ema José, ema suíma'i esu María, máena'i ema Jesús, ema tikaijare Cristo.

¹⁷Taka'e, katurseana'i ena mámariekeneanaini'i ema Abraham, ticheku'a me rey David eta natupa'i, taka'e ema rey David, katurseanaware ena mámariekeneanaini'i ticheku'a, te nakaratakapa ena israelitana, námapa te Babilonia, étapa táichekuine'i eta natupa, tási'a katurseanaware ena mámariekeneanaini'i, ema Jesucristo, émapa náichekuine'i eta natupa'i.

¹⁸Eta máepaninewa ema Viakenu Jesucristo, ani taka'e'i: Esu María esu maena, sukaejakaipa'i eta suechejiriruwa eta suítauchirayare'i ema José, wícha'asera nakachanekaka'ini, tikajaripa'isera esu, máwajuechira'i ema Machanewa Viya.

¹⁹Ema José, ema suima'i tétavikawa'i eta máuriwa'i, wá'iware mawara'a'ini mametaucha'ini esu María, enewanepa mawara'a manakikayare'i esu, wá'isera máwara'a'ini náecha'ini ena achaneana.

²⁰Mapanerechaipa'i eta maichiraya'i, taka'e tiúkupaikapa ema ángele mametapana'i te mawapure ema José. Ánipa máicha: “José, mamariekene ema David, tímitekanu'i numetapanavi, wa'i pikupika eta pítauchira esu María, taicha tikajaripa'i esu, máwajuechira'i ema Machanewa Viya.

²¹Taka'e, te máuchukapa ema amuya, pinakayare eta máijareyare Jesús. Ema tikatiuchayare ena achaneana, taye'e eta napekaturana.”

²²Títauchawapa tamutu eta juka máechejiriruwana'i ema Viya, maye'e ema profeta:

²³“Sutiari'iyare esu amaperu esena témuna'irikawaya tikajari ema suchicha, sunakayare eta maijareya Emanuel” (eta takayemakene'i: “Ema Viya te vitarakumuri”).

²⁴Taka'e, te téjamiuchawapa ema José eta makawapureira'i, ichapeine'i eta masuapira'i eta máechejiriruwana'i ema ángele mawaneru'i ema Viya, eta máitauchirayare'i esu María.

²⁵Wá'isera nánekaka'ini jena kájeana'i eta sukajarira'i. Taka'e, suínakapa ema suárachicha'i, nanakapa eta máijare'i Jesús.