Read Ignaciano Lucas 3 Bible Online

Lucas 3 - Ignaciano bible

Lucas 3

¹Taka'e, quince añuipa'i eta makatupara'aira'i. Ema Poncio Pilato, émaipa tuparairuka'i taye'e eta tinapaika te Judea. Tási'a, ema Aluresi, tuparairuka'iware taye'e eta tinapaika Galilea. Ema maparape Felipe, tuparairuka'iware ema, taye'e eta Iturea, tási'a étapa eta Traconítide. Tási'a ema Lisanias tuparairuka'iware ema taye'e eta Abilene.

²Ema Anás, tási'a émapa ema Caifás, énaini'i ena nakenumurini'i ena tiyujarakara'iana. Te jena sacheana'i, ema Viya maechejikapa ema Juan, ema machicha ema Zacarías,

³tási'a ema Juan tiyanapa tipaika'i te tinapaika kajakure Jordán, maichapaipa'i ena achaneana, éñauchawa maye'e ema Viya, taurikapa ekaikachasi, apaesa maka'epa eta epekaturana.

⁴Eta juka titauchawapa eta majuchanene'i te libro ema profeta Isaías: “Matiari'i ema émana tipiaraka te mawapa'ikene wama'i: ‘Etserereaka eta mache'u ema Viya, petupinacha eta achene.

⁵Tamutu eta apake'e nainikapaikaya, tamutu eta máriana kaetupiri'iya, tamutuyare eta acheneana tepiñuñuikana kaetupiri'iya maetupinakayare, namutuinapa achaneana naima'ayare.

⁶Naima'aya namutu achaneana eta máitekapiraya ema tikuchuku'a'aviya mawaneru ema Viya.’ ”

⁷Taka'e ena achaneana tiyananapaipa napauchapaipa ema Juan nawara'apa tikaikachasianayare'i eta maye'e, ema maichawakapa: “¡Tachichanaveana eta kichare! ¿Nája'a ticha'e'i eta iúchuku'airaya taye'e eta maikuñaraki ema Viya?

⁸Yátupina tátupiruwa eta epanereruana, ímerekawa eta é'isira ema Viya, wá'iware ekukajamurawa áka'e'i: ‘¡Viti mamariékene ema Abraham!’, ema Viya, tájina máemaitukaima'i te mawara'apuka, máepiyaka achaneanaina eta juka mari, mawarairaina'i enaina mámariekeneanaina ema Abraham.

⁹Taicha tsekawaipa'i eta yawati, tímikutijirikawaipa te máechukayarepa ema achane eta yukuki má'irekere te tapare. Tási'a, máijuchainapa tamutu te yuku.”

¹⁰Taka'e ena achaneana nayaserekapa: — ¿Tája'asika eta vícharakawayare?

¹¹Ema Juan majikapapa: — Ekajira'iyare. Mákani tatiari'i apina eta makamisa, máijarakasichayare'i étana mákani tájina makamisaina. Énaipa nákani tikaniruana'i, nakajiyarewa nákani tájina naviya'ini eta nanikakene.

¹²Náitekapauchawarepa ema Juan, ena tive'ara'iana eta viyasea'ana taye'e eta Roma. Nawara'apa tikaikachasianayare'i. Nayaserekapa ema Juan: — Maestro, ¿tája'apuka vícharakawaini víti?

¹³Ema Juan maichawakapa: — Wa'i ekuwayuyujika eta evira eta nayase'ana, tátupiruwa jákani tawanairipi'i eta wanairipi.

¹⁴Éneichuware náitekapaucha ena suntaruana, nayaserekawarepa: — Víti apanaware, ¿tája'apukaini vícharakawayare? Máichawakapa: — Wa'i ekuverejika eta náima'akeneana ena achaneana. Wáipaware ekuipikararekawaka. Nakuijapa ekuépiyekene'a. Tarataipa takurisamurecha'e eta ewachasana.

¹⁵Ena achaneana tikunewanaipaicha eta maye'e ema Juan, náimijachaipa'i émaipa ema Cristo nakuchapakene'i,

¹⁶émasera ema Juan máichapa namutu: “Yátupi nuti, níkachasika'e'i te une, marajapainapasera ema tíkachasika'eyare maye'e ema Machanewa Viya. Ema tiápajupanawa'i eta máitupaijiasirawa'i nuye'e nuti. Wáipaine'i nákaemuñawaima'i nuvejuchupewacha eta maeparupewa.

¹⁷Márajapainapa tinerejirikainapa nákani yátupikeneana'i té'ikanayare. Takutinapa mákani achane te tiákatayajirika'i eta ma'arusura, máunakainapa eta taki. Tási'a mákijikapa eta tapirakiji, máijuchainapa te yuku máitawakakayare'i eta tamuruira.”

¹⁸Taka'e'i eta juka máechejisirawaka'i ema Juan ena achaneana, máimitusirawaka'i.

¹⁹Éneichuware makajachapa ema Aluresi, taicha ema mave'a'i esu Herodías, esu mayena'i ema maparape. Tási'a éneichuware wa'i makuimiyanawa makukicha eta apamuriana táiñema'ikeneana,

²⁰émasera ema Aluresi wa'i masuapa'ini, masapi'aichucha tisema'i, máimikaratakapa ema Juan, makasiapapa te nakaeratairare.

²¹Taka'e ema Juan te maikachasikaipa'i namutu ena achaneana, ema Jesús maitekapauchapa mawaraira'i tikaikachasi ema apanaware. Taka'e, te tamutupa eta makaikachasira'i, mayujarasira'i. Tíja'uchawapa tejiaka eta anuma.

²²Taka'e, nasamapa eta ma'u ema Viya tási'akene'i te anuma. Ani maka'e'i: — Pítira nuchicha némunarukene, núrisamurecha piye'e.

²³Ema Jesús makaye'eipa'i treinta añu, te tinakuchawapa tímitureka'i naye'e ena achaneana. Ema, náimijachakene'i machicha ema José. Ema máiyaini'i ema José, ema Elí.

²⁴Ema máiyaini'iware ema Elí, ema Matat, ema máiyaini'iware ema Matat, ema Leví, ema máiyaini'iware ema Leví, ema Melquí, ema máiyaini'iware ema Melquí, ema Janai, ema máiyaini'iware ema Janai, ema José,

²⁵Ema máiyaini'iware ema José, ema Matatías, ema máiyaini'iware ema Matatías, ema Amós, ema máiyaini'iware ema Amós, ema Nahúm, ema máiyaini'iware ema Nahúm, ema Eslí, ema máiyaini'iware ema Eslí, ema Nagai,

²⁶ema máiyaini'iware ema Nagai, ema Máhat, ema máiyaini'iware ema Máhat, ema Matatías, ema máiyaini'iware ema Matatías, ema Semeí, ema máiyaini'iware ema Semeí, ema Josec, ema máiyaini'iware ema Josec, ema Joiadá,

²⁷ema máiyaini'iware ema Joiadá, ema Johanán, ema máiyaini'iware ema Johanán, ema Resá, ema máiyaini'iware ema Resá, ema Zorobabel, ema máiyaini'iware ema Zorobabel, ema Salatiel, ema máiyaini'iware ema Salatiel, ema Nerí,

²⁸ema máiyaini'iware ema Nerí, ema Melquí, ema máiyaini'iware ema Melquí, ema Adí, ema máiyaini'iware ema Adí, ema Cosam, ema máiyaini'iware ema Cosam, ema Elmadam, ema máiyaini'iware ema Elmadam, ema Er,

²⁹ema máiyaini'iware ema Jesús, ema máiyaini'iware ema Jesús, ema Eliézer, ema máiyaini'iware ema Eliézer, ema Jorim, ema máiyaini'iware ema Jorim, ema Matat,

³⁰ema máiyaini'iware ema Matat, ema Leví, ema máiyaini'iware ema Leví, ema Simeón, ema máiyaini'iware ema Simeón, ema Judá, ema máiyaini'iware ema Judá, ema José, ema máiyaini'iware ema José, ema Jonám, ema máiyaini'iware ema Jonám, ema Eliaquim,

³¹ema máiyaini'iware ema Eliaquim, ema Meleá, ema máiyaini'iware ema Meleá, ema Mená, ema máiyaini'iware ema Mená, ema Matatá, ema máiyaini'iware ema Matatá, ema Natán,

³²ema máiyaini'iware ema Natán, ema David, ema máiyaini'iware ema David, ema José ema máiyaini'iware ema José, ema Obed, ema máiyaini'iware ema Obed, ema Booz, ema máiyaini'iware ema Booz, ema Sélah, ema máiyaini'iware ema Sélah, ema Nahasón,

³³ema máiyaini'iware ema Nahasón, ema Aminadab, ema máiyaini'iware ema Aminadab, ema Admín, ema máiyaini'iware ema Admín, ema Arní, ema máiyaini'iware ema Arní, ema Hesrón, ema máiyaini'iware Hesrón, ema Fares, ema máiyaini'iware Fares, ema Judá,

³⁴ema máiyaini'iware ema Judá, ema Jacob. Ema máiyaini'iware ema Jacob, ema Isaac, ema máiyaini'iware ema Isaac, ema Abraham, ema máiyaini'iware ema Abraham, ema Térah, ema máiyaini'iware ema Térah, ema Nahor,

³⁵ema máiyaini'iware ema Nahor, ema Serug, ema máiyaini'iware ema Serug, ema Ragau, ema máiyaini'iware ema Ragau, ema Péleg, ema máiyaini'iware ema Péleg, ema Éber, ema máiyaini'iware ema Heber, ema Sélah,

³⁶ema máiyaini'iware ema Sala, ema Cainán, ema máiyaini'iware ema Cainán, ema Arfaxad, ema máiyaini'iware ema Arfaxad, ema Sem, ema máiyaini'iware ema Sem, ema Noé, ema máiyaini'iware ema Noé, ema Lamec,

³⁷ema máiyaini'iware ema Lamec, ema Matusalén, ema máiyaini'iware ema Matusalén, ema Enoc, ema máiyaini'iware ema Enoc, ema Jared, ema máiyaini'iware ema Jared, ema Mahalaleel, ema máiyaini'iware ema Mahalaleel, ema Cainán,

³⁸ema máiyaini'iware ema Cainán, ema Enós, ema máiyaini'iware ema Enós, ema Set, ema máiyaini'iware ema Set, ema Adán, ema Adán makaepiyakenepa me Viya.