Read Ignaciano 1 Corintios 3 Bible Online

1 Corintios 3 - Ignaciano bible

1 Corintios 3

¹Nuti, nuparapenaveana, waipaine'i takajeraima'i eta nimitusira'e, taicha eti wicha'a akutinasima'i ena mawa'aruanapa ema Machanewa Viya taicha ena nakaikutiaraipa eta maechejiriruwa, taicha eti ekutiricha'a ena maimatira'ana ema Viya kapekaturara'iana, etara taka'e'i wicha'a takajeraima'i eta nimitusira'e.

²Wa'i námainunujika'e'ini eta nímitusira'e'i, eti ekuti'i ena nákani amuyana tiájikanaicha'a, wa'i námainukawa'ini nanika'ini eta cheruji, ene eka'e'i eti, wa'i iámainukawaima'i ákaikutiara'ini támutu'ini. ¡Puíti'ichucha wicha'aware árata'aima'i ákaikutiara'ini eta apamuriana títukakareana'i murákapanana'i.

³Taicha eti wicha'a támutu'ini ínajika'ini eta tajamurachakeneana eta iáke'eana! Taicha ekapinarujirikakaicha'a, ekatianajirikakaicha'a, íputsimuriajirikakaicha'a, eta epanereruana ekutiricha'a eta napanereruana'i ena apamuriana achaneana masuapajiraira'anaicha'a.

⁴Eti épurujirikaka'i naye'e ena echamuriana'i, ánipa eka'e: “Víti viúripana'i viti vé'ikana'i ema Pablo”, eti apamuri eka'epa: “Vítira viúripana'i viti vé'ikana'i ema Apolo”, eta juka eka'e'i, takuti'icha'a eta napanereruana ena apamuriana achaneana masuapajiraira'anaicha'a.

⁵Puiti emétakanu, ¿naja'asika ema Pablo?, ¿naja'awarepuka ema Apolo? Yatupi viti vimituka'e'i, tamutu'isera maye'e'eana'i ema Viya. Wa'i vé'ikakare víti, taicha mawanara'avichucha ema Viákenu Jesús, yátupi víti vímituka'e'i eta ekasiñawairayare'i maye'e ema Viya: Ema Viákenu tíjaraka'avi'i eta vitupara'apachuyare'i:

⁶Yátupi nuti nínapuka'i nímisama'e'i eta máechejiriruwa ema Viya, te nékenepa, títekapaucha'epa ema Apolo, émapa timituka'e'i tamutu. Émasera ema Viya, ema tikajurusina'e'i eta esuapirayare'i yatupi ema Cristo.

⁷Táitaurewakene núti'ineni néwaka'i te esamureana eta echéjirirukawana, tájinasera wa'i nútina nécha'e, 'emaipa ema Apolo, ema timituka'e'i, wá'iware émaina técha'e. Émara ema Viya, ema técha'i tamutu eta juka tajurusiraya.

⁸Nuti, émapa ema Apolo, vikutikaka'i vínuna'i eta vikaematanera'i, vitupara'apachu'isera, ema Viya tíjaraka'aviya eta víkuchianapachu, te tiúri'i eta vikáematanerana.

⁹Víti mamusura'avi'i ema Viya, eti ekuti'i eta sukurekana eta makajurusira'e'i ema Viya, ekuti'iware eta makaemataneasira eta petiyare maepiyaru ema Viya. Eta é'isira'i ema Jesús takuti'i eta náepiyasira'i eta ichapekene peti.

¹⁰Ema Viya, eta majapanuiranu'i tinakanupa tímikutijirikawaipa'i nutina'ini maestronuina'ini nunakuchaipasera eta peti, tási'a ena apamuriana naimiyanapa eta emátaneka, tasi'asera viti vikuneuchawayasera eta vepiyaresira eta peti,

¹¹Taicha najina narata'aima'i nanakaima'i te taina'u eta manakure taicha ema'i ema Jesucristo.

¹²Taye'e eta juka, tanaku'i eta vepiyaru peti, tiuri'i vinaka eta uru te taina'u, etapa eta plata, etapuka eta yukuki, etapa eta muiji, etapuka eta sinarana;

¹³Taicha tatiari'iyare eta sácheyare maitsamarekaya te yuku eta vemataneana'i, máima'ayare ema Viya eta vémataneanapachu, te wa'i táurini, eta mayukune taijuchayare eta vemataneana'i.

¹⁴Te tiúri'i eta vémataneana'i, ema Viya tíjaraka'aviya eta táitsiwayare eta vématanerepi'i.

¹⁵Takamitiekene'ayare tamutu jákani, tájina takunachakarewaina'ini. Tájinaware táimaekenenaima'i. Yátupi viúchuku'a'i víti, tájinasera vímaekene'aima'i.

¹⁶¿Échaichu'i eti eta máwa'asira'e'i ema Machanewa Viya, eti maye'e'i templo ema Viya?

¹⁷Nákani navetataika eta maye'e templo ema Viya, ema Viya máikuñakayare muraka nákani tijárarekana'i eta. Taicha maye'e'i eta templo ema Viya, Santu'i ema, tási'a eta templo eti'ichu'i.

¹⁸Wa'i ekuejekapawa eta ímijachira'i ímatipa tamutu eta juka vítaresira'i. Étisera ekarawa'uya eta me Viya. Ema, tímituka'eya eta ítupajijiasirawanaya yátupikeneana. Échemaraiwaina máicha.

¹⁹Taicha eta náitukakeneana'i ena achaneana te juka apake'e, súnsurupianachucha eta máimaira'i ema Viya. Taicha eta Takapika'ukene Ajureka, taka'e'i: “Ena tímijachawana'i náimatiekene'a, énajiwachucha tímiakipaikawana'i maicha ema Viya, taicha eta namáetupisirawana'i.”

²⁰Ániware taka'e: “Ema Viya máimati eta napanereruana ena tímijachawana'i títupajijiakawana. Tájina eta takunachakarewana'i eta maye'e.”

²¹Táitusiawa, wa'i tiuri ekasiñawawaika'ini. Wa'i étupikawa eta e'isirawaka'i ena enerejiruana'i é'ika.

²²Ema Apolo, émapa ema Pedro, nútipa nuti Pablo. Ekamapurawa eta ítaresiraicha'a te juka apake'e. Jarari'iyare'i eta iúrikakarewa puiti étapa eta sácheana vikaiju'ekeneana. Waipa ekupika eta épeniraya,

²³eti échawa, ema Viya ema'i técha'e'i, taicha eti maye'e'eipa ema Cristo.