Read Ignaciano 2 Corintios 9 Bible Online

2 Corintios 9 - Ignaciano bible

2 Corintios 9

¹Tiuri puiti, nuti nímati'eipa'i eta ewapinairawa taye'e eta ekajirisira naye'eyare'i ena vichamuriana tikawasana'i te Judea, waipa tákamunukare'ini nápepejirika'e'ini.

²Ichapemuri'i eta nukunachira'e'i naye'e ena vichamuriana tikawasana'i te juka Macedonia. Numetakawaka'i eta ewapinairawa'i eta épanirawa'i enakikawa kapekeneipa'i te apana'i añu. Taka'e, eta nasamairisira'i eta ewapinairawa'i eti, ena apanawa tiwapinawanawarepa ichape.

³Eta taka'e, néwataka'i puiti ena nani mapanana vichamuriana, apaesa wa'i ekuwayuarakanu, wa'i takumapuruji eta nukunachira'e'i eta enakisirawa, nuwara'a tatsekawaipa támutu te nítekapaucha'epa,

⁴tijurikati náe'ikanupa'i te nuyana eye'e ena vichamuriana tikawasana'i te juka macedonios, takuijaicha'a tatsekawa'i machu átsiri'akare, machu támapurujipa eta nukunachira'e'i. Wáipasare ekuimikatsiriakanu nuti apanawa.

⁵Tási'a, taka'e'i eta nupanereruana eta néwatasira'i puiti ena nani vichamuriana, náinapumirauchanu náitekapaucha'e, náimikataka'e eta ekurujisirayare eta enakiruwana. Apaesa eti ímereka eta ewapinawaira iurisamurera'i, eta enekisirawana, najinaware tipamika'ena.

⁶Némecha'eyare jukari'i eta echéjirirukawa, ani taka'e'i: Mákani achane ánikuchichaichu eta máesane máewaru'i, ánimurichichaichu eta mave'ayare eta táwame eta máesane. Mákanisera ichapepana eta máesane, ichapemuriware eta táwame mave'akeneyare.

⁷Namutu nákani tinakikawanayare, tawara'a'i tatupiruwayare'i te nasamureana eta nanakisirawaya, wa'i nakatiekene'aima'i, taicha nájina tipamikaima'i, taicha ema Viya, tétavikawa eta máemunasira'i mákani tatupiruwa'i eta manakisirawa.

⁸Ekasiñawaya yátupina maye'e ema Viya, taicha ema, tétavikawa'i eta máitupajijiasirawa'i, mawara'a'i tíjaraka'eya tamutu eta ekamunukeneana, waipa échuri'aima'i maicha ema, ekaye'enasarepa eta ímikatasirawakaya nákani apamuriana tikamunuwana'i.

⁹Eta Takapika'ukene Ajureka, ani taka'e'i: “Ema achane tikajireka'i eta maima'akene naye'e ena paureana, wapinanakawa eta makajiresira.”

¹⁰Ema Viya, éma'i ema tinakika'i eta ewarakiana, ema, makaejapaka'iware eta tinikakare, étapa viáchanechiawayare'i, ene maka'eya eye'e eti, tíjaraka'epa eta enakisirawaya, tímikutijirikawa'i eta táejapasira eta ewaraki, ema, tikajurukayarewa eta enakiru'i apaesa kamurianaina ena ekatajiruanayare.

¹¹Tási'a, ema Viya tíjaraka'enapa eta íma'akeneanayare apaesa ímiyanawayare'i íjarakasireka, puíti'ipa eta viámakeneyare enakiruwana'i naye'e ena vichamuriana, ichape eta na'asulupayachirayare'i ema Viya.

¹²Taicha eta ímikatasirawaka'i ena vichamuriana, ekuchuku'awakayare'i taye'e eta nakamunuirawa'i, wa'isera takarichu'ini eta tási'a ena, tiápajukawainapa te nasamureana eta na'asulupayachirayare'i ema Viya.

¹³Ichapeyare'iware eta najirauchirayare'i ema Viya, nakunachirayarewa ema, eta ewapinairawa'i eta ekajirisira'i eta ímeresirawa'i eta esuapira'i yátupi eta vé'iru'i, étaipa eta máimiturapi'i ema Cristo. Tímereucha'e'iware eta ejapanuraiwa naye'e nákani tikamunuana'i.

¹⁴Tási'a, tiyaseucha'eanainapa me Viya te nayujarasirana, ichape eta náemunasira'eyare'i, nawarairayarewa náima'a'ewane táichavene'i eta ítsirijisirawa'i eta máemunasira'e'i ema Viya.

¹⁵¡Tétavikawa'i eta viúrikakare'i maicha ema, tájinapa viviya apanaina wákayema eta vi'asulupayachira ema Viya táichavene'i eta juka vijarakasi!