Read Ignaciano Efesios 2 Bible Online

Efesios 2 - Ignaciano bible

Efesios 2

¹Tichawapa títareka eta iáchanewana, takuti eta machavira'i títareka ema Cristo te máekari. Taicha eti, kape juka ítaresira'i, tímikutijirikawaicha'a épenakenena'ini, táichavene'i eta ewínarajiwanaini étapa eta epekaturanaini

²kape juka ítaresira'i eti, e'ika'iware eta taye'erepiana eta apake'e, tamaurikeneana'i. Esuapa'iware eta mawara'akeneana ema wínaraji, ema mapamikawaka'i ena achaneana masuapajiraira'ana'i me Viya.

³Vimutu viti, taka'eni'i eta vítaresira'i eta akane. Étachucha vé'ika'i eta tawara'akeneana eta viáke'e. Vítijirikawaipa'i vícha'i eta tajamurachakeneana eta viáke'e, étapa eta vipanereruana tamaurikeneana'i. Ichapemuri'i eta vímiyusemasira'i ema Viya, vikuti'i ena apamuriana masuapajiraira'ana'i maye'e.

⁴Tétavikawa'isera eta majapanuira'avi'i ema Viya. Ichapeware eta máemunasira'avi'i,

⁵Tíjaraka'avipa arairupa eta vítaresira táichavene'i eta viúrujiasira'i ema Cristo. Táichavene'i eta majapanuira'e'i, tikuchuku'a'eyare'i.

⁶Puiti, eta viáwa'asira'i ema Cristo, yátupi'i eta véchepusiraya, vikaikuchipa eta makaejasira'avinapa taye'e eta viáwakureyare te anuma.

⁷Eta juka émavene'i ema Viya, mawara'a'i máimereka eta viúrikakarewana máijararu'aviyare eta viye'e te jena sácheyare, taicha tétavikawa'i eta máemunasira'avi'i táichavene'i eta viúrujiasira'i ema Jesucristo.

⁸Taicha eta viúchukuirayare eta viápechirawaya vítareka, étavene'i eta majapanuira'avi'i ema Viya. Vijakapakareipa eta maye'e, táichavene'i eta vikasiñaira'i ema Jesús. Wa'i étaparakaina takuchuku'a'avi'ini eta víchakeneana'i, ema'i ema Viya tijarakasicha'avi'i eta viuchukuira.

⁹Eta iúchukuira'i eti wa'i étijiwaina'ini ekuchuku'awa'ini taichavenena'ini eta étumechirawaina'ini, eta taka'e najina nakukasiñawawaika;

¹⁰arairuinapa eta vítaresira maicha ema Viya, émaichuware tikajuruka'avi eta vé'isira'i ema Jesucristo, mawaraira'i víchayare eta táurikeneana, eta víchira'i, vítaucha'i eta mapanereruana akane.

¹¹Eta taka'e, eti wa'i juriyu'ena, naimijarecha'e'i “Ena tajina naikutiaraina te nake'e” Enasera ena (juriyuana timijarechawana'i “Eta vikutiarana te viake'e”),

¹²échaichu'i kapeni juka tainapuisine, eti wicha'a imati'ini ema Viakenu Jesucristo, erajikawa'i taye'e eta mawasa Israel, tajinaware ímatiya'ini, etaipa eta maikure'avi'i ema Viya. Vijurupairuchucha te juka apake'e, tajina vimatiya'ini ema Viya, najinaware vikuchapakenena'ini.

¹³Puítipasera eta é'isira'i ema Jesucristo, iúrujiakaipa'i. Taicha ekasiñawa'i eta máepenina'e'i. Puiti waipa eyere'i, ekachakayapa maye'e ema Jesucristo.

¹⁴Éneichuware, étavene'i eta viúrujiasira'i ema, ti'étamuricha'avipa'i vimutu, eti apawasana, vítipa israelítana. Waipa víputsimuriawawaka'ini. Tímikutijirikawaipa'i étanaine'i eta viúchusine. Makaepa'aipa'i eta vikatianajirisirakakaini'i.

¹⁵Makaepa'aipa tamutu eta taichakeneana'i eta wanairipiana, táichavene'i eta apawasana'avira'i. Táitusiawa tiúricha'avipa vimutu maye'e ema Viya.

¹⁶Eta máijararesira'i eta máke'e te crusu ema Jesucristo, makaepa'a'i eta tapamisira'avini vé'ika eta wanairipiana, étapa eta naye'erepiana. Puiti vimutu viti vé'ikana'i ema Jesucristo étamuri'avipa máicha.

¹⁷Eta tímiteka'i ema Jesucristo, timetapana'avi'i eta táurinakene echéjirirukawa eta najakapakarewaya namutu ena achaneana. Ema, tiúricha'aviyare'i maye'e ema Viya vimutu, viti vínapukana'i vímati eta máechejiriruwana, étipa eti epaenumawa'i ímati eta máechejiriruwana.

¹⁸Puiti, eta viúrujiasira'i ema Jesucristo, tiáwa'aka'avi'i ema Machanewa Viya. Tási'a, máichavene'i ema Machanewa Viya, vimutu vikutikakaipa'i eta vipauchiraipa ema Tata Vikaiyakene.

¹⁹Eta taka'e, tájinapa táeñamakare'ini, eta ejákapakarewa me Viya. Esiapamuri'apa naye'e ena machanerana ema. Tachicha'eipa eta máwasa anuma.

²⁰Eta esiapamuri'avira'i te vimuri, nímikutichaipa te náepiyaka eta ichape peti. Ema Jesucristo, tétavikawa'i eta máetumechira'avi'i vimutu viti. Tási'a, visiapa viti apústuleana énapa ena profetana. Ekuti eta labriyuana étapa eta yukukiana.

²¹Ema Jesucristo maepiyakawakapaipa. Te máitauchapa tamutu, tétavikawainapa táurinawaya eta ichapekene'i templo, mapenayare ema Viákenu, sántokene'i.

²²Ema Machanewa Viya tetavikawa'i eta maitupajijiasirawa'i ti'etamuricha'avi'i, je'ewarenapa machanera'avinapa.