Read Bibliya Yera 1951 Itanguriro 33 Bible Online

Itanguriro 33 - Bibliya Yera 1951 bible

Itanguriro 33

¹Yakobo yunamura amaso, agize artya abona Esau aje, ari kumwe n’abantu amajana ane. Atandukanya abana, abaha Leya na Rakeli na za ncoreke zompi.

²Atanguza imbere izo ncoreke n’ abana bazo, akurikizako Leya n’ abana biwe, Rakeli na Yosefu abashira inyuma.

³Maz’ ubgiwe abaja imbere, akubita inkoro hasi ibihetangabo ndwi, kugeza yegereye mukuru we.

⁴Esau ariruka aramusanganira, amugwa mu gikiriza, amurenganyakw amaboko, aramugūmbīra: baca bararira.

⁵Esau yunamura amaso, abona ba bagore n’abana, aramubaza, ati Barya muri kumwe n’aba hehe? Aramwishura, at’ Abo n’abana Imana yahereye ubuntu umusavyi wawe.

⁶Maze za ncoreke bo n’abana bazo bīgira hafi, baramwunamira.

⁷Na Leya n’abana biwe bīgira hafi, baramwunamira; hakurikirako Yosefu na Rakeli bīgira hafi, baramwunamira.

⁸Aramubaza, at’ Ayo masho yose twahūye, yo n’ay’ iki? Aramwishura, ati N’ayo kugira ngo ngirirwe akagongwe imbere yawe, mugenzi.

⁹Esau aramwishura, ati Mfise ibimpāgije: mwana wa mama, ivyo ufise uvyigumirize.

¹⁰Yakobo aramwishura, at’ Oyaye! Ni naba ngiriwe akagongwe imbere yawe, ndakwinginze, emera indamukanyo nguhaye: kuko kukubona, n’ingen’ unyakiriye neza, ni nko kubona Imana.

¹¹Nuko ndakwinginze, akīra iyo ngabire nkurungikiye; kukw Imana yangiriye ubuntu, kandi mfise ibimpāgije. Aramugōbēra, aravyākīra.

¹²Esau aramubarira, ati Ngo dufate inzira, tugende, nanje ndakuja imbere.

¹³Yakobo aramwishura, ati Databuja, urazi kw abana batagira intege, kandi kw imikuku n’amasho mfise vyonsa: bobishorera ihutihuti, naho woba umusi umwe gusa, vyopfa vyose.

¹⁴Ndakwinginze, databuja, ni witangire imbere y’umusavyi wawe, nanje ndaza buhoro, nk’uko kugenda kw’ivyo nshoreye kuri, kandi nk’uko kugenda kw’abana kuri, nshirwe nshitse i wawe i Seyiri, databuja.

¹⁵Esau aramubarira, ati Reka ngusigarane bamwe mu bo turi kumwe. Yakobo aramwishura, ati Nta co biriko: kizima ngiriwe akagongwe imbere yawe, databuja.

¹⁶Nuk’ uwo musi nyene, Esau arahindukira, yisubirira i Seyiri.

¹⁷Ariko Yakobo aja i Sukoti yiyubakiray’ inzu, aca n’ ibirāro vy’imikuku yiwe n’amasho: ni co catumye aho hantu hitwa Sukoti.[40]

¹⁸Nuko Yakobo avuye i Padan‐aramu ashika amahoro mu gisagara ca Shekemu, co mu gihugu c’i Kanani; ashinga amahema imbere y’igisagara.

¹⁹Ikibanza yashinzemw’ amahema yiwe akigura na bene Hamori, ari we se wa Shekemu, amahera ijana y’ifeza yitwa kesita.

²⁰Yubakay’ igicaniro, acita El‐elohe‐Isirayeli.[41]