Read Bibliya Yera 1951 Itanguriro 36 Bible Online

Itanguriro 36 - Bibliya Yera 1951 bible

Itanguriro 36

¹Uru ni rwo ruvyaro rwa Esau, ari we Edomu.

²Esau yarongoye Abanyakananikazi, Ada umukobga wa Eloni Umuheti, na Oholibama umukobga wa Ana, Ana mwene Sibeyoni Umuhiwi;

³na Basemati mushiki wa Nebayoti, umukobga wa Ishimayeli.

⁴Esau avyarana na Ada Elifazi; Basemati na we bavyarana Ruweli;

⁵Oholibama bavyarana Yushi na Yalamu na Kora: abo ni bo bahungu ba Esau, yavyariye mu gihugu c’i Kanani.

⁶Esau akora abagore biwe n’abahungu biwe n’abakobga biwe, n’ abantu bose bo mu rugo rwiwe, n’ inka ziwe, n’ibiyevera vyiwe vyose, n’ibintu vyiwe vyose, yaronkeye mu gihugu c’i Kanani; aja mu kindi gihugu, atandukana na mwene nyina Yakobo.

⁷Kukw itunga ryabo ryari ryinshi, bigatuma badashobora kubangikana; kand’ igihugu bari bararoyemw’ ar’ inyambukīra, nticabakwira kubg’ amasho yabo.

⁸Nuko Esau aja kuba ku musozi Seyiri: Esau ni we Edomu.

⁹Uru ni rwo ruvyaro rwa Esau sekuruza w’Abanyedomu bo ku musozi Seyiri.

¹⁰Bene Esau aya ni yo mazina yabo: uwa Ada muka Esau ni Elifazi, n’uwa Basemati muka Esau ni Ruweli.

¹¹Bene Elifazi ni Temani na Omari na Sefo na Gatamu na Kenazi.

¹²Kandi Timuna yar’ incoreke ya Elifazi mwene Esau: Elifazi avyarana na we Amaleki: abo ni bo buzukuru ba Ada, muka Esau.

¹³Kand’ aba ni bo bene Ruweli: Nahati na Zera na Shama na Miza: abo ni bo buzukuru ba Basemati, muka Esau.

¹⁴Kand’ aba ni bo bene Oholibama muka Esau, umukobga wa Ana, Ana mwene Sibeyoni: Esau avyarana na Oholibama Yushi na Yalamu na Kora.

¹⁵Aba ni bo bakuru b’imiryango yakomōtse ku bahungu ba Esau. Bene Elifazi imfura ya Esau, abakuru b’imiryango, n’aba: Temani, na Omari, na Sefo, na Kenazi,

¹⁶na Kora, na Gatamu, na Amaleki: abo ni bo bakuru b’imiryango yandurutse kuri Elifazi mu gihugu ca Edomu; abo ni bo buzukuru ba Ada.

¹⁷Kandi bene Ruweli mwene Esau, abakuru b’imiryango, n’aba: Nahati, na Zera, na Shama, na Miza: abo ni bo bakuru b’imiryango yandurutse kuri Ruweli mu gihugu ca Edomu; abo ni bo buzukuru ba Basemati muka Esau.

¹⁸Abo Esau yavyaranye na Oholibama umugore wiwe, abakuru b’imiryango n’aba: Yushi na Yalamu na Kora: abo ni bo bakuru b’imiryango yandurutse kuri Oholibama muka Esau, mwene Ana.

¹⁹Abo ni bo bo mu nda ya Esau, ari we Edomu; abo ni bo bakuru b’imiryango yabo.

²⁰ Aba ni bo bene Seyiri Umuhori, ben’ ico gihugu: Lotani na Shobali na Sibeyoni na Ana,

²¹na Dishoni na Etseri na Dishani: abo ni bo bakuru b’imiryango bākomōtse mu Bahori, ari bo bene Seyiri, mu gihugu ca Edomu.

²²Bene Lotani ni Hori na Hemamu; kandi mushiki wa Lotani yari Timuna.

²³Kand’ aba ni bo bene Shobali: Alivani na Manahati na Ebali na Shefo na Onamu.

²⁴Kand’ aba ni bo bene Sibeyoni: Aya na Ana: Ana uwo ni we yahūmutse ku mbizi y’amashuha mu bugaragwa, aragiye indogoba za se Sibeyoni.

²⁵Kand’ aba ni bo bene Ana: Dishoni na Oholibama, umukobga wa Ana nyene.

²⁶Kand’ aba ni bo bene Dishoni: Hemudani na Eshibani na Yitirani na Kerani.

²⁷Kand’ aba ni bo bene Etseri: Biluhani na Zavani na Akani.

²⁸Kand’ aba ni bo bene Dishani: Uzi na Arani.

²⁹Aba ni bo bakuru b’imiryango bākomōtse mu Bahori: Lotani na Shobali na Sibeyoni na Ana,

³⁰na Dishoni na Etseri na Dishani; abo ni bo bakuru b’imiryango bākomōtse mu Bahori, nk’ukw imiryango yabo iri mu gihugu c’i Seyiri.

³¹Aba ni bo bami babaye ku ngoma mu gihugu ca Edomu, hatarīma umwami mu Bisirayeli.

³²Bela mwene Beyori yaganza muri Edomu; umurwa wiwe witwa Dinihaba.

³³Bela atanze, Yobabu mwene Zera w’i Bosira asubira ku ngoma yiwe.

³⁴Yobabu atanze, Hushamu wo mu gihugu c’Abatemani asubira ku ngoma yiwe.

³⁵Hushamu atanze, Hadadi mwene Bedadi, umwe yaneshereza Abamidiyani mu gihugu c’i Mowabu, asubira ku ngoma yiwe; umurwa wiwe witwa Aviti.

³⁶Hadadi atanze, Samula w’i Masireka asubira ku ngoma yiwe.

³⁷Samula atanze, Sauli w’i Rehoboti ahahera kuri rwa Ruzi, asubira ku ngoma yiwe.

³⁸Sauli atanze, Bayali‐hanani mwene Akibori asubira ku ngoma yiwe.

³⁹Bayali‐hanani mwene Akibori atanze, Hadari asubira ku ngoma yiwe; umurwa wiwe witwa Pawu; umwamikazi wiwe yitwa Mehetabeli, umukobga wa Matiredi, Matiredi umukobga wa Mezahabu.

⁴⁰Aya ni yo mazina y’abakuru b’ imiryango bandurutse kuri Esau, nk’ukw imiryango yabo iri, nk’ ukw ibihugu vyabo biri, nk’ukw amazina yabo ari: abakuru b’imiryango ni Timuna na Aliwa na Yeteti,

⁴¹na Oholibama na Ela na Pinoni,

⁴²na Kenazi na Temani na Mibusari,

⁴³na Magidiyeli na Iramu. Abo ni bo bakuru b’imiryango yakomōtse kuri Edomu ari we Esau, sekuruza w’ Abanyedomu, nk’ukw amashamvu yabo ari mu gihugu bīzīziye.