Read Bibliya Yera 1951 Itanguriro 5 Bible Online

Itanguriro 5 - Bibliya Yera 1951 bible

Itanguriro 5

¹Iki n’igitabo kidōndōra uruvyaro rwa Adamu. Ku musi Imana yaremeyek’ umuntu, mw ishusho yayo ni ho yamuremye;

²irema abantu bar’ uburyo bubiri: irabahezagira, ibita Abantu, ku musi bāremeweko.

³Nuko Adamu amaze imyaka ijana na mirongwitatu avyara umuhungu afise ishusho yiwe, asa na we, amwita Seti.

⁴Adamu amaze kuvyara Seti, amara imyaka amajana munani, ayivyaramw’ abahungu n’abakobga.

⁵Imisi yose Adamu yamaze yabaye imyaka amajana cenda na mirongwitatu: araheza arapfa.

⁶Seti amaze imyaka ijana n’iyindi itanu avyara Enoshi.

⁷Seti amaze kuvyara Enoshi, amara imyaka amajana munani n’indwi, ayivyaramw’ abahungu n’abakobga.

⁸Imisi yose Seti yamaze yabaye imyaka amajana cenda n’icumi n’ibiri: araheza arapfa.

⁹Enoshi amaze imyaka mirongwicenda avyara Kenani.

¹⁰Enoshi amaze kuvyara Kenani, amara imyaka amajana munani n’icumi n’itanu, ayivyaramw’ abahungu n’ abakobga.

¹¹Imisi yose Enoshi yamaze yabaye imyaka amajana cenda n’iyindi itanu: araheza arapfa.

¹²Kenani amaze imyaka mirongwirindwi avyara Mahalaleli.

¹³Kenani amaze kuvyara Mahalaleli, amara iyindi myaka amajana munani na mirongwine, ayivyaramw’ abahungu n’abakobga.

¹⁴Imisi yose Kenani yamaze yabaye imyaka amajana cenda n’ icumi: araheza arapfa.

¹⁵Mahalaleli amaze imyaka mirongwitandatu n’itanu avyara Yeredi.

¹⁶Mahalaleli amaze kuvyara Yeredi, amara iyindi myaka amajana munani na mirongwitatu, ayivyaramw’ abahungu n’abakobga.

¹⁷Imisi yose Mahalaleli yamaze yabaye imyaka amajana munani na mirongwicenda n’itanu: araheza arapfa.

¹⁸Yeredi amaze imyaka ijana na mirongwitandatu n’ibiri avyara Henoki.

¹⁹Yeredi amaze kuvyara Henoki, amara iyindi myaka amajana munani, ayivyaramw’ abahungu n’abakobga.

²⁰Imisi yose Yeredi yamaze yabaye imyaka amajana cenda na mirongwitandatu n’ibiri: araheza arapfa.

²¹Henoki amaze imyaka mirongwitandatu n’itanu avyara Metusela.

²²Henoki amaze kuvyara Metusela agendana n’Imana imyaka amajana atatu, ayivyaramw’ abahungu n’abakobga.

²³Imisi yose Henoki yamaze yabaye imyaka amajana atatu na mirongwitandatu n’itanu.

²⁴Kandi Henoki yagendana n’Imana: araheza ntiyaba akiboneka, kukw Imana imujanye.

²⁵Metusela amaze imyaka ijana na mirongumunani n’indwi avyara Lameki.

²⁶Metusela amaze kuvyara Lameki amara iyindi myaka amajana ndwi na mirongumunani n’ibiri, ayivyaramw’ abahungu n’ abakobga.

²⁷Imisi yose Metusela yamaze yabaye imyaka amajana cenda na mirongwitandatu n’ icenda: araheza arapfa.

²⁸Lameki amaze imyaka ijana na mirongumunani n’ibiri avyara umwana w’umuhungu:

²⁹amwita Nowa, at’ Uyu azoturuhura mu bikorwa vyacu no mu butame bg’ amaboko yacu butewe n’iri vu Uhoraho yavumye.

³⁰Lameki amaze kuvyara Nowa amara iyindi myaka amajana atanu na mirongwicenda n’itanu, ayivyaramw’ abahungu n’abakobga.

³¹Imisi yose Lameki yamaze yabaye imyaka amajana ndwi na mirongwirindwi n’indwi: araheza arapfa.

³²Nowa amaze imyaka amajana atanu avyara Shemu na Hamu na Yafeti.