Read Bibliya Yera 1951 1 Ivyo ku Ngoma 13 Bible Online

1 Ivyo ku Ngoma 13 - Bibliya Yera 1951 bible

1 Ivyo ku Ngoma 13

¹Maze Dawidi aja inama n’ abagabisha bagaba ibihumbi n’abagaba amajana, mbere n’umukuru wese.

²Dawidi abarira ikoraniro ryose ry’Abisirayeli, ati Ni mwumva mubishimye, kandi namba bivuye k’Uhoraho Imana yacu, dutume hose kuri bagenzi bacu basigaye mu ntāra zose z’i Bgisirayeli, no ku baherezi n’Abalewi bari mu bisagara vyabo bifise amaragiro, kugira ngo bakoranire aho turi;

³duheze tuje kugarukana isandugu y’Imana aho turi; kuko tutāyibabaye ku ngoma ya Sauli.

⁴Nukw abahakoraniye bose baravyemera, kukw abantu bose bashimye iyo nama.

⁵Nuko Dawidi akoranya Abisirayeli bose, uhereye kuri Shihori, uruzi rwa Egiputa, ugashitsa ahafata i Hamati, kugira ngo baje i Kiriyati‐yeyarimu gukūray’ isandugu y’Imana.

⁶Nukw adūgana n’Abisirayeli bose, baja i Bayala, ari ho Kiriyati‐yeyarimu h’i Buyuda, kugira ngo bakūrey’ iyo sandugu y’Imana yitirirwa rya Zina, ari ryo ry’Uhoraho yama avyagiye ku bakerubi.

⁷Nuko bakūra iyo sandugu y’ Imana kwa Abinadabu, bayishize ku mukogote musha; Uza na Ahiyo bayobora inka zikwega uyo mukogote.

⁸Dawidi n’Abisirayeli bose bagenda biyereka biginagura, bar’ imbere y’Imana, baririmba, bavuza inanga n’amakembe n’udushāko tw’ingoma n’ ivyitwa matowazi n’inzumbete.

⁹Maze bashitse ku mbuga ya Kidoni, Uza atuma ukuboko ngw asame iyo sandugu, kukw inka zari zitirimutse.

¹⁰Maz’ uburake bg’ Uhoraho buziriringira Uza, aca amutsinda aho nyene, kuko yarāmvuye ukuboko ngw afate iyo sandugu; nukw agwa ngah’ imbere y’Imana.

¹¹Bibabaza Dawidi k’Uhoraho yahwikiye Uza; aho hantu haca hitwa Peres‐uza,[6] kugeza na bugingo n’ubu.

¹²Uwo musi Dawidi aca aterwa ubgoba n’Imana; aravuga, ati Mbega noshobora nte gutahana isandugu y’Imana?

¹³Nuko Dawidi ntiyajana iyo sandugu i we ku murwa wiwe, arikw ayikebereza kwa Obed‐edomu w’Umunyegati.

¹⁴Nukw iyo sandugu y’Imana imara amezi atatu mu nzu kwa Obed‐edomu, kand’ Uhoraho aha umugisha urugo rwa Obed‐edomu n’ivyo yar’ afise vyose.