Read Bibliya Yera 1951 1 Ivyo ku Ngoma 2 Bible Online

1 Ivyo ku Ngoma 2 - Bibliya Yera 1951 bible

1 Ivyo ku Ngoma 2

¹Aba ni bo bana ba Isirayeli: Reyubeni na Simeyoni na Lewi na Yuda na Isakari na Zebuloni,

²na Dani na Yosefu na Benyamini na Nafutali na Gadi na Asheri.

³Bene Yuda ni Eri na Onani na Shela; abo ukw ari batatu yabavyaranye na Batishuwa Umunyakananikazi. Kandi Eri, imfura ya Yuda, yakora ivyo Uhoraho abona kw ari bibi: Uhoraho araheza aramwica.

⁴Maze Yuda avyara Peresi na Zera kuri Tamari, umukazana wiwe. Nukw abahungu ba Yuda bose na bose bāri batanu.

⁵Bene Peresi ni Hesironi na Hamuli.

⁶Bene Zera ni Zimuri na Etani na Hemani na Kalukoli na Dara; bose na bose bāri batanu.

⁷Mwene Karumi ni Akani, yateje Abisirayeli amagorwa, igihe yacumura mu vyagizwe inyegu.

⁸Mwene Etani ni Azariya.

⁹Kand’ abana Hesironi yavyaye ni Yerameyeli na Ramu na Kelubayi.

¹⁰Ramu avyara Aminadabu; Aminadabu avyara Nahashoni, umukuru wo mu muryango wa Yuda.

¹¹Nahashoni avyara Saluma; Saluma avyara Bowazi.

¹²Bowazi avyara Obedi; Obedi avyara Isayi.

¹³Isayi avyara Eliyabu, imfura yiwe, uwa kabiri ni Abinadabu, uwa gatatu ni Shimeya,

¹⁴uwa kane ni Netaneli, uwa gatanu ni Radayi,

¹⁵uwa gatandatu ni Osemu, uw’ indwi ni Dawidi;

¹⁶kandi bashiki babo ni Seruwiya na Abigayili. Abana ba Seruwiya ni Abishayi na Yowabu na Asaheli, ukw ari batatu.

¹⁷Abigayili avyara Amasa, kandi se wa Amasa yari Yeteri w’Umwishimayeli.

¹⁸Kalebu mwene Hesironi avyara abana kuri Azuba umugore wiwe, no kuri Yeriyoti; aba ni bo bana ba Azuba: Yesheri na Shobabu na Aridoni.

¹⁹Azuba apfuye, Kalebu yābīra Efurata, bavyarana Huri.

²⁰Huri avyara Uri, Uri avyara Besaleli.

²¹Hanyuma Hesironi yābīra umukobga wa Makiri se wa Gileyadi, kandi Hesironi yar’ amaze imyaka mirongwitandatu igihe yamurongora; bavyarana Segubu.

²²Segubu avyara Yayiri; Yayiri ni we yaganza ibisagara mirongwibiri na bitatu mu ntāra y’i Gileyadi.

²³Hanyuma Geshuri na Aramu banyaga aba Yayiri ivyo bisagara, bo n’i Kenati n’udusagara tuhakūkira, vyose na vyose vyar’ ibisagara mirongwitandatu. Abo bose ni bo bandurutse kuri Makiri se wa Gileyadi.

²⁴Bukeye Hesironi amaze gupfa, aguye i Kalebu‐efurata, umugore wiwe Abiya inda yasigaranye ayivyaramwo Ashuri se wa Tekowa.

²⁵Bene Yerameyeli imfura ya Hesironi n’aba: uw’ imfura ni Ramu, agakurikirwa na Buna na Oreni na Osemu na Ahiya.

²⁶Kandi Yerameyeli yar’ afise uwundi mugore yitwa Atara; uwo ni we nyina wa Onamu.

²⁷Bene Ramu imfura ya Yerameyeli ni Mayasi na Yamini na Ekeri.

²⁸Bene Onamu ni Shamayi na Yada; bene Shamayi ni Nadabu na Abishuri.

²⁹Muka Abishuri yitwa Abihayili: bavyarana Ahubani na Molidi.

³⁰Bene Nadabu ni Seledi na Apayimu; ariko Seledi apfa ar’ imponnyi.

³¹Mwene Apayimu ni Ishi; mwene Ishi ni Sheshani; mwene Sheshani ni Ahulayi.

³²Bene Yada murumuna wa Shamayi ni Yeteri na Yonatani; ariko Yeteri apfa ar’ imponnyi.

³³Bene Yonatani ni Peleti na Zaza. Abo bose ni bo bandurutse kuri Yerameyeli.

³⁴Kandi Sheshani nta muhungu yagira, atar’ abakobga gusa; ariko yar’ afise umugurano ava muri Egiputa yitwa Yaruha;

³⁵nuko Sheshani uwo mugurano wiwe amushingira umukobga wiwe, bavyarana Atayi.

³⁶Atayi avyara Natani, Natani avyara Zabadi;

³⁷Zabadi avyara Efulali, Efulali avyara Obedi;

³⁸Obedi avyara Yehu, Yehu avyara Azariya;

³⁹Azariya avyara Helesi, Helesi avyara Eleyasa;

⁴⁰Eleyasa avyara Sisimayi, Sisimayi avyara Shalumu;

⁴¹Shalumu avyara Yekamiya, Yekamiya avyara Elishama.

⁴²Mwene Kalebu murumuna wa Yerameyeli ni Maresha, kandi ni we mfura yiwe, ni we se wa Zifu; mwene Maresha ni Heburoni.

⁴³Bene Heburoni ni Kora na Tapuwa na Rekemu na Shema.

⁴⁴Shema avyara Rahamu se wa Yorikeyamu; Rekemu na we avyara Shamayi.

⁴⁵Mwene Shamayi ni Mayoni; kandi Mayoni ni we se wa Beti‐suri.

⁴⁶Kandi Efa, incoreke ya Kalebu, Kalebu amuvyarako Hara na Mosa na Gazezi; Harani avyara Gazezi.

⁴⁷Bene Yahidayi ni Regemu na Yotamu na Geshani na Peleti na Efa na Shafi.

⁴⁸Kandi Mayaka, incoreke ya Kalebu, Kalebu amuvyarako Sheberi na Tiruhana.

⁴⁹Kandi bavyarana na Shafi se wa Madumana, na Sheva se wa Makubena, bo na se wa Gibeya; kand’ umukobga wa Kalebu yitwa Akisa.

⁵⁰Abo bose ni bo bandurutse kuri Kalebu. Bene Huri imfura ya Efurata ni Shobali se wa Kiriyati‐yeyarimu,

⁵¹na Saluma se wa Betelehemu, na Harefu se wa Beti‐gaderi.

⁵²Kandi Shobali se wa Kiriyati‐yeyarimu yar’ afise abandi bahungu, ni Harowe na Hasi‐hamenuhoti.

⁵³Imiryango yandurutse kuri Kiriyati‐yeyarimu n’Abanyituri n’Abaputi n’Abashumati n’Abamishurayi; kur’ abo ni ho handurutse Abasorati n’Abanyeshitayoli.

⁵⁴Abandurutse kuri Saluma ni Betelehemu n’Abanetofati na Atiroti‐Beti‐Yowabu na Hasi‐hamanahati n’Abasori.

⁵⁵Imiryango y’abakarani yaba i Yabeshi, n’Abatirati n’Abashimeyati n’Abasukati. Abo ni bo Banyakeni bākomōtse kuri Hamati, ari we gishitsi c’umuryango wa Rekabu.