Read Bibliya Yera 1951 1 Ivyo ku Ngoma 20 Bible Online

1 Ivyo ku Ngoma 20 - Bibliya Yera 1951 bible

1 Ivyo ku Ngoma 20

¹Nuk’ umwaka utashe, ku gacikamvura, mu gihe abami bākunda kuja mu ntambara, Yowabu ajana ingabo, aragenda atera igihugu c’Abamoni, ashika n’i Raba, arahaziguza. Ariko Dawidi ubgiwe yisigarira i Yerusalemu. Nuko Yowabu atsinda i Raba, arahasangangura.

²Maze Dawidi akūra Milikomu[8] igitsibo mu mutwe, asanga kirivye italanto y’izahabu; kandi cāri gihūnzwek’ utubuyenge tw’ igiciro kinini; nuko bacambika Dawidi mu mutwe. Maze mur’ ico gisagara akūramw’ amasahu menshi cane.

³Asokorora abantu bāri muri co, abashikiriza imisumeno n’ivyuma vy’ibisaganga n’amacabiti. Uko ni ko yagirira ibisagara vyose vy’Abamoni. Nuko Dawidi n’ingabo ziwe zose basubira i Yerusalemu.

⁴Hanyuma y’ivyo haba intambara yo kurwana n’Abafilisitiya i Gezeri. Sibekayi Umuhushati yica Sipayi, umwe wo mu Barefa: baca barajongoroka.

⁵Maze hasubira kuba iyindi ntambara yo kurwana n’Abafilisitiya nyene; Eluhanani mwene Yayiri yica Lahumi murumuna wa Goliyati Umunyegati, uruti rw’icumu ryiwe rwangana n’umwaro ujishirwakw impuzu.

⁶Bukeye hongera kuba intambara i Gati, kandi hariy’ umuntu muremure w’ikigambati, intoke ziwe n’amano vyose na vyose vyari mirongwibiri na bine, kuko yar’ afise indegeya ku ntoke no ku mano; kandi na we yar’ umwe wo mu Barefa.

⁷Maz’ acokoye Abisirayeli, Yonatani mwene Shimeya, umuhungwabo wa Dawidi, aramwica.

⁸Abo bar’ abo mu Barefa b’i Gati; bicwa na Dawidi n’abantu biwe.