Read Bibliya Yera 1951 1 Ivyo ku Ngoma 27 Bible Online

1 Ivyo ku Ngoma 27 - Bibliya Yera 1951 bible

1 Ivyo ku Ngoma 27

¹Ingabo z’Abisirayeli, ukw igitigiri cazo cari kiri, zāgabga n’abakuru bo mu mazu ya ba sekuruza, n’abagaba ibihumbi n’abagaba amajana; zāri zifise n’abakarani babgiririza umwami mu biherereye ku vy’imbu zabo, uko zāgenda zikūrakūranwa uk’ ukwezi gutashe, kumara amezi yose yo mu mwaka; ku rubu rumwe‐rumwe rwarikw ingabo ibihumbi mirongwibiri na bine.

²Yashobeyamu mwene Zabudiyeli ni we yagaba ku rubu rwa mbere rwo mu kwezi kwa mbere; ingabo zo ku rubu rwiwe zār’ ibihumbi mirongwibiri na bine.

³Yar’ uwo mu ba Peresi, kandi ni we yari mukuru w’abagabisha bose b’ingabo bo mur’ ukwo kwezi kwa mbere.

⁴Dodayi w’Umwahohi ni we yagaba ku rubu rwo mu kwezi kwa kabiri, kandi Mikuloti yar’ umwe wo mu bagabisha bo kur’ urwo rubu; ingabo zo ku rubu rwiwe zār’ ibihumbi mirongwibiri na bine.

⁵Benaya mwene Yehoyada umuherezi mukuru ni we yar’ umugabisha w’ingabo agira gatatu wo mu kwezi kwa gatatu; ingabo zo ku rubu rwiwe zār’ ibihumbi mirongwibiri na bine.

⁶Benaya uwo yar’ umwe muri ba bahizi mirongwitatu, kandi yar’ umukuru wabo; kandi Amizabadu umuhungu wiwe, kur’ urwo rubu rwiwe na we yarimwo.

⁷Asaheli murumuna wa Yowabu ni we yar’ umugabisha agira kane wo mu kwezi kwa kane; Zebadiya umuhungu wiwe ni we yamusubiriye mu gishingo; ingabo zu ku rubu rwiwe zār’ ibihumbi mirongwibiri na bine.

⁸Shamuhutu Umwisurahi ni we yar’ umugabisha agira gatanu wo mu kwezi kwa gatanu; ingabo zo ku rubu rwiwe zār’ ibihumbi mirongwibiri na bine.

⁹Ira mwene Ikeshi Umunyatekowa ni we yar’ umugabisha agira gatandatu wo mu kwezi kwa gatandatu; ingabo zo ku rubu rwiwe zār’ ibihumbi mirongwibiri na bine.

¹⁰Helesi Umunyapeloni, wo mu Befurayimu, ni we yar’ umugabisha agira indwi wo mu kwezi kw’indwi; ingabo zo ku rubu rwiwe zār’ ibihumbi mirongwibiri na bine.

¹¹Sibekayi Umuhushati wo mu ba Zerahi, ni we yar’ umugabisha agira umunani wo mu kwezi kw’umunani; ingabo zo ku rubu rwiwe zār’ ibihumbi mirongwibiri na bine.

¹²Abiyezeri w’i Anatoti wo mu Babenyamini ni we yar’ umugabisha agira icenda wo mu kwezi kw’icenda; ingabo zo ku rubu rwiwe zār’ ibihumbi mirongwibiri na bine.

¹³Maharayi w’i Netofati wo mu ba Zerahi ni we yar’ umugabisha agira icumi wo mu kwezi kw’icumi; ingabo zo ku rubu rwiwe zār’ ibihumbi mirongwibiri na bine.

¹⁴Benaya w’i Piratoni wo mu Befurayimu ni we yar’ umugabisha agira icumi na rimwe wo mu kwezi kw’icumi na rimwe; ingabo zo ku rubu rwiwe zār’ ibihumbi mirongwibiri na bine.

¹⁵Heludayi w’i Netofati wo mu ba Otiniyeli ni we yar’ umugabisha agira icumi na kabiri wo mu kwezi kw’icumi na kabiri; ingabo zo ku rubu rwiwe zār’ ibihumbi mirongwibiri na bine nyene.

¹⁶Kand’ abakuru b’imiryango y’Abisirayeli n’aba: mu ba Reyubeni yari Eliyezeri mwene Zikuri; mu ba Simeyoni yari Shefatiya mwene Mayaka;

¹⁷mu ba Lewi yari Hashabiya mwene Kemuweli; mu ba Aroni yari Sadoki;

¹⁸mu ba Yuda yari Elihu, umwe wo mu bavukana na Dawidi; mu ba Isakari yari Omuri mwene Mikayeli;

¹⁹mu ba Zebuloni yari Ishimaya mwene Obadiya; mu ba Nafutali yari Yeremoti mwene Azuriyeli;

²⁰mu ba Efurayimu yari Hosheya mwene Azaziya; mu gihimba c’umuryango wa Manase yari Yoweli mwene Pedaya;

²¹mu gihimba kindi c’umuryango wa Manase nyene, kiba i Gileyadi, yari Ido mwene Zekariya; mu ba Benyamini yari Yasiyeli mwene Abuneri;

²²mu ba Dani yari Azareli mwene Yerohamu. Abo ni bo bār’ abakuru b’imiryango y’Abisirayeli.

²³Ariko Dawidi ntiyaharūra abatarashikana imyaka mirongwibiri, kuk’ Uhoraho yavuze yukw azogwiza Abisirayeli, bakangana n’inyenyeri zo kw ijuru.

²⁴Yowabu umwana wa Seruwiya atangura guharūra ariko ntiyarangiza; ukwo guharūrwa kwatumye Abisirayeli barakirwa, ni co catumye igitigiri cabo kitandikwa mu gitabo c’ivyo ku ngoma y’umwami Dawidi.

²⁵Azimaveti mwene Adiyeli ni we yar’ umukuru yajejwe ububīko bg’i bgami; Yonatani mwene Uziya ni we yar’ umukuru yajejwe ibigega biri mu misozi no mu bisagara no mu mihana no mu maboma;

²⁶Eziri mwene Kelubu ni we yaganza abarimyi bākora mu ndimiro;

²⁷Shimeyi w’i Rama ni we yar’ umukuru yajejwe imirima y’imizabibu; Zabudi w’i Shifimu ni we yar’ umukuru yajejwe ivy’ inzabibu zamuwe zo gukānyamwo vino;

²⁸Bayali‐hanani w’i Gederi ni we yar’ umukuru yajejwe ivy’ imyelayo n’imisukomora yo mu biyaya; Yowasi ni we yar’ umukuru yajejwe ububīko bg’amavuta ya elayo;

²⁹Shiturayi w’i Sharoni ni we yar’ umutongore w’amasho yar’ i Sharoni nyene; kandi Shafati mwene Adulayi ni we yar’ umutongore w’ amasho yari mu biyaya;

³⁰Obili w’Umwishimayeli ni we yar’ umubgiriza w’ingamiya; Yedeya w’i Meronoti ni we yar’ umubgiriza w’indogoba;

³¹Yazizi Umuhaguri ni we yar’ umubgiriza w’imikuku. Abo bose ni bo bāri bajejwe ivy’ itunga ry’umwami Dawidi.

³²Yonatani se wabo wa Dawidi ni we yar’ umujanama, kandi yar’ umuntu w’umunyabgenge, yari n’umukarani; Yehiyeli mwene Hakimoni ni we yarera abana b’ umwami;

³³Ahitofeli ni we yar’ umujanama w’umwami; Hushayi Umwaruki yar’ umukunzi w’ umwami;

³⁴Yehoyada mwene Benaya na Abiyatari ni bo bāsubiye mu gishingo ca Ahitofeli; kandi Yowabu ni we yar’ umugabisha w’ingabo z’umwami.