Read Bibliya Yera 1951 1 Ivyo ku Ngoma 6 Bible Online

1 Ivyo ku Ngoma 6 - Bibliya Yera 1951 bible

1 Ivyo ku Ngoma 6

¹Bene Lewi ni Gerushoni na Kohati na Merari.

²Bene Kohati ni Amuramu na Isihari na Heburoni na Uziyeli.

³Bene Amuramu ni Aroni na Mose na Miriyamu. Bene Aroni ni Nadabu na Abihu na Eleyazari na Itamari.

⁴Eleyazari avyara Finehasi, Finehasi avyara Abishuwa;

⁵Abishuwa avyara Buki, Buki avyara Uzi;

⁶Uzi avyara Zerahiya, Zerahiya avyara Merayoti;

⁷Merayoti avyara Amariya, Amariya avyara Ahitubu;

⁸Ahitubu avyara Sadoki, Sadoki avyara Ahimasi;

⁹Ahimasi avyara Azariya, Azariya avyara Yohanani;

¹⁰Yohanani avyara Azariya (uwo ni we yakora igikorwa c’ubuherezi mu ngoro Salomo yubatse i Yerusalemu).

¹¹Azariya avyara Amariya, Amariya avyara Ahitubu;

¹²Ahitubu avyara Sadoki, Sadoki avyara Shalumu;

¹³Shalumu avyara Hilukiya, Hilukiya avyara Azariya;

¹⁴Azariya avyara Seraya, Seraya avyara Yehozadaki;

¹⁵Yehozadaki yambukanywe ar’ inyagano, igihe Uhoraho yatuma Nebukadineza kujana ab’ i Buyuda n’ab’i Yerusalemu ar’ inyagano.

¹⁶Bene Lewi ni Gerushoni na Kohati na Merari.

¹⁷Aya ni yo mazina ya bene Gerushoni: Libuni na Shimeyi.

¹⁸Bene Kohati ni Amuramu na Isihari na Heburoni na Uziyeli.

¹⁹Bene Merari ni Mahili na Mushi. Kand’ iyi ni yo miryango y’Abalewi, nk’ukw amazu ya ba sekuruza ari.

²⁰Aba Gerushoni, umuhungu wiwe ni Libuni, uwa Libuni ni Yahati, uwa Yahati ni Zima,

²¹uwa Zima ni Yowa, uwa Yowa ni Ido, uwa Ido ni Zera, uwa Zera ni Yeyaterayi.

²²Aba Kohati, umuhungu wiwe ni Aminadabu, uwa Aminadabu ni Kora, uwa Kora ni Asiri;

²³uwa Asiri ni Elukana, uwa Elukana ni Ebiyasafu, uwa Ebiyasafu ni Asiri;

²⁴uwa Asiri ni Tahati, uwa Tahati ni Uriyeli, uwa Uriyeli ni Uziya, uwa Uziya ni Shauli.

²⁵Bene Elukana ni Amasayi na Ahimoti;

²⁶uwa Ahimoti ni Elukana, uwa Elukana ni Zofayi, uwa Zofayi ni Nahati;

²⁷uwa Nahati ni Eliyabu, uwa Eliyabu ni Yerohamu, uwa Yerohamu ni Elukana.

²⁸Bene Samweli, imfura yiwe ni Yoweli, uwa kabiri ni Abiya.

²⁹Aba Merari, umuhungu wiwe ni Mahili, uwa Mahili ni Libuni, uwa Libuni ni Shimeyi, uwa Shimeyi ni Uza;

³⁰uwa Uza ni Shimeya, uwa Shimeya ni Hagiya, uwa Hagiya ni Asaya.

³¹Aba ni bo Dawidi yashizeho ngo baganze ivyo kuririmba mu ngoro y’Uhoraho, isandugu y’ Uhoraho imaze kuhahabga uburuhukiro,

³²bagashitsa igikorwa cabo co kuririmba imbere y’ihema, ari ryo hema ry’ibonaniro, gushitsa habonetse ingoro Salomo yubakiye Uhoraho i Yerusalemu; bagakora igikorwa cabo bakūranwa, nk’ukw ibihe vyabo biri.

³³Aba ni bo bākora ico gikorwa, bo n’ abana babo: mu ba Kohati ni Hemani umuririmvyi, mwene Yoweli, Yoweli wa Samweli;

³⁴Samweli wa Elukana, Elukana wa Yerohamu, Yerohamu wa Eliyeli, Eliyeli wa Towa;

³⁵Towa wa Sufi, Sufi wa Elukana, Elukana wa Mahati, Mahati wa Amasayi;

³⁶Amasayi wa Elukana, Elukana wa Yoweli, Yoweli wa Azariya, Azariya wa Zefaniya;

³⁷Zefaniya wa Tahati, Tahati wa Asiri, Asiri wa Ebiyasafu, Ebiyasafu wa Kora;

³⁸Kora wa Isuhari, Isuhari wa Kohati, Kohati wa Lewi, Lewi wa Isirayeli.

³⁹Hāri na Asafu mugenzi we, yahagarara i buryo bgiwe; Asafu uwo, ni we mwene Berekiya, Berekiya wa Shimeya;

⁴⁰Shimeya wa Mikayeli, Mikayeli wa Bayaseya, Bayaseya wa Malukiya;

⁴¹Malukiya wa Etuni, Etuni wa Zera, Zera wa Adaya;

⁴²Adaya wa Etani, Etani wa Zima, Zima wa Shimeyi;

⁴³Shimeyi wa Yahati, Yahati wa Gerushoni, Gerushoni wa Lewi.

⁴⁴Kand’ i bumoso bgabo hāri bagenzi babo bo mu ba Merari; Etani mwene Kishi, Kishi wa Abudi, Abudi wa Maluki;

⁴⁵Maluki wa Hashabiya, Hashabiya wa Amaziya, Amaziya wa Hilukiya;

⁴⁶Hilukiya wa Amusi, Amusi wa Bani, Bani wa Shemeri;

⁴⁷Shemeri wa Mahili, Mahili wa Mushi, Mushi wa Merari, Merari wa Lewi.

⁴⁸Kand’ abandi bagenzi babo b’Abalewi bāri bashizweho gukora ibikorwa vyose vy’iryo hema, ari yo ngoro y’Imana.

⁴⁹Ariko Aroni n’abana biwe, ivyabo kwar’ ukwosa ibimazi ku gicaniro vyoserezwako, no kwosa imibavu ku gicaniro cayo, bagakora ibikorwa vyose vy’Ahēra cane, bagatangira Abisirayeli impongano, vyose babigenjeje nk’uko Mose umusavyi w’Imana yageze.

⁵⁰Aba ni bo ba Aroni: umuhungu wiwe ni Eleyazari, uwa Eleyazari ni Finehasi, uwa Finehasi ni Abishuwa;

⁵¹uwa Abishuwa ni Buki, uwa Buki ni Uzi, uwa Uzi ni Zerahiya;

⁵²uwa Zerahiya ni Merayoti, uwa Merayoti ni Amariya, uwa Amariya ni Ahitubu;

⁵³uwa Ahitubu ni Sadoki, uwa Sadoki ni Ahimasi.

⁵⁴Aha ni ho bāhawe ho kuba, nk’ukw amatongo yabo ari mu ntāra zabo: mu mazu y’Abakohati, aba Aroni ni bo ubupfindo bgatanguye kwerekana;

⁵⁵babaha Heburoni mu ntāra y’Abayuda, n’amaragiro ahakikije;

⁵⁶arikw indimiro zo kur’ ico gisagara, n’ imihana ihakūkira, babiha Kalebu mwene Yefune.

⁵⁷Kand’ aba Aroni babaha n’ibisagara vy’ubuhungiro: i Heburoni nyene, n’i Libuna n’amaragiro yaho, n’i Yatiri, n’i Eshitemowa;

⁵⁸n’i Hilene, n’i Debira;

⁵⁹n’i Ashani, n’i Beti‐shemeshi, bo n’amaragiro bigendanye;

⁶⁰kandi ku bisagara vy’umuryango w’Ababenyamini batanga Geba n’i Alemeti n’i Anatoti, bo n’amaragiro bigendanye. Ibisagara vyabo vyose na vyose, guhetūra amazu yabo, vyar’ icumi na bitatu.

⁶¹Kand’ abandi bo mu ba Kohati, ibisagara bāhawe n’ubupfindo vyar’ icumi, vyākūwe ku vy’umuryango w’ Abefurayimu no ku vy’uw’ Abadani, no ku vy’igihimba c’umuryango w’Abamanase.

⁶²Aba Gerushoni, nk’ukw amazu yabo ari, bahabga ibisagara cumi na bitatu, bikūwe ku vy’ umuryango w’Abisakari no ku vy’ uw’ Abasheri no ku vy’uw’ Abanafutali no ku vy’uw’ Abamanase i Bashani.

⁶³Aba Merari, nk’ukw amazu yabo ari, ibisagara bāhawe n’ubupfindo vyar’ icumi na bibiri, vyākūwe ku vy’umuryango w’Abareyubeni no ku vy’uw’ Abagadi no ku vy’uw’ Abazebuloni.

⁶⁴Uko ni kw Abisirayeli bāhaye Abalewi ibisagara, bo n’amaragiro bigendanye.

⁶⁵Kandi babahesha ubupfindo ivyo bisagara vyadōnzwe amazina, bikūwe ku vy’umuryango w’Abayuda no ku vy’uw’ Abasimeyoni no ku vy’uw’ Ababenyamini.

⁶⁶Kand’ amazu amwe y’aba Kohati bari bafise ibisagara mu ntāra yabo bikūwe ku vy’umuryango w’Abefurayimu.

⁶⁷Babaha n’ibisagara vy’ubuhungiro, babaha Shekemu n’amaragiro yaho mu mugamba w’Abefurayimu nyene, bo n’i Gezeri n’amaragiro yaho,

⁶⁸na Yokimeyamu na Beti‐horoni,

⁶⁹na Ayaloni na Gatirimoni, bo n’amaragiro bigendanye.

⁷⁰Ku vy’igihimba c’umuryango w’Abamanase babaha Aneri n’amaragiro yaho, na Bileyamu n’amaragiro yaho, ngo bibe ivy’ amazu asigaye y’aba Kohati.

⁷¹Aba Gerushoni bahabga ibisagara bikūwe ku vy’igihimba c’ umuryango w’Abamanase nyene, ni vyo ibi: Golani i Bashani n’ amaragiro yaho, na Ashitaroti n’ amaragiro yaho;

⁷²ku vy’umuryango w’Abisakari babaha Kedeshi na Daberati,

⁷³na Ramoti na Anemu, bo n’amaragiro bigendanye;

⁷⁴ku vy’umuryango w’Abasheri babaha Mashali na Abudoni,

⁷⁵na Hukoki na Rehobu, bo n’amaragiro bigendanye;

⁷⁶ku vy’umuryango w’Abanafutali babaha Kedeshi i Galilaya na Hamoni na Kiriyatayimu, bo n’amaragiro bigendanye.

⁷⁷Aba Merari basigaye bahabga ibisagara bikūwe ku vy’umuryango w’Abazebuloni, ni vyo ibi: Rimono n’amaragiro yaho, na Tabori n’amaragiro yaho;

⁷⁸kandi hakurya ya Yorodani, ku ruhande rw’i burasirazuba, aharābana n’i Yeriko, bahabga ibisagara ku vy’ umuryango w’Abareyubeni, ni vyo ibi: Beseri ho mu bugaragwa, na Yahasi,

⁷⁹na Kedemoti na Mefati, bo n’amaragiro bigendanye;

⁸⁰ku vy’umuryango w’Abagadi bahabga Ramoti i Gileyadi na Mahanayimu,

⁸¹na Heshiboni na Yazeri, bo n’amaragiro bigendanye.