Read Bibliya Yera 1951 2 Ivyo ku Ngoma 16 Bible Online

2 Ivyo ku Ngoma 16 - Bibliya Yera 1951 bible

2 Ivyo ku Ngoma 16

¹ Mu mwaka ugira mirongwitatu na gatandatu Asa ari ku ngoma, Bayasha umwami w’ Abisirayeli atera i Buyuda, yubaka i Rama, ngo yīmīre abaja kwa Asa umwami w’Abayuda, cank’ abavayo.

²Maze Asa abibonye, yābīra ku mafeza no ku mazahabu yari mu bubīko bgo mu ngoro y’ Uhoraho n’ubgo mu ngoro yiwe, ayarungikira Beni‐hadadi umwami w’i Siriya yaba i Damasiko;

³amutumako, ut’ Urazi ko mwe na we mufitaniye isezerano, uti Nk’ uko ryamye hagati ya so na se; uti Non’ akurungikiye ifeza n’ izahabu: uti Genda ureke isezerano war’ ufitaniye na Bayasha umwami w’Abisirayeli, uti Kugira ngw amuvire mu gihugu.

⁴Nuko Beni‐hadadi yemerera umwami Asa, agomora abagabisha b’ingabo ziwe ngo baje gutera ibisagara vy’Abisirayeli; nuko batsinda Iyoni n’i Dani n’i Abeli‐mayimu n’ ibisagara vyose vy’ibigega vy’i Bunafutali.

⁵Bayasha avyumvise, areka kwubaka i Rama, aheba ivyo yahakorera.

⁶Maz’ umwami Asa ahitana Abayuda bose, baja i Rama, bakūray’ amabuye n’ibiti, ivyo Bayasha yarikw arubakisha; maz’ avyubakisha i Geba n’i Misipa.

⁷Ico gihe Hanani kamenyi aza iyo Asa ari, umwami w’i Buyuda, aramubarira, ati Kuko wizigiye umwami w’i Siriya, ntiwizigire Uhoraho Imana yawe, ni co catumye ingabo z’umwami w’i Siriya zigukira.

⁸Mbeg’ Abanyetiyopiya n’Abalubimu ntibār’ ingabo nyinshi z’isinzi, zifise imikogote y’intambara n’abagendera ku mafarasi vyinshi cane? Ariko kuko wari wizigiye Uhoraho abagabura mu maboko yawe.

⁹Kand’ inyonga z’Uhoraho zinyuranganya mw isi yose hirya no hino, kugira ngo yerekane ububasha bgiwe bgo gutabara abafise imitima imutunganiye. Mu vyo wakoze ivyo, wakoze ivy’ ubupfu; nuk’ uhereye ubu uzohora ubona intambara.

¹⁰Maze Asa ashavurira kamenyi uwo, amushira mw ibohero mu mpatane z’ibiti, kukw iryo jambo ryamuteye kumugirira ubushangashirwe. Ico gihe Asa yagenda acuranguza abantu bamwe‐bamwe.

¹¹Ibindi vyose vyadonzwe kuri Asa, uhereye ku ca mbere ugashitsa ku c’imperēra, vyanditswe mu gitabo c’abami b’Abayuda n’ab’ Abisirayeli.

¹²Maz’ ashitse mu mwaka ugira mirongwitatu n’ icenda ari ku ngoma arwara ibirenge, kand’ iyo ndwara imumerera nabi cane; ariko na ho nyene no mu ndwara yiwe ntiyaja kubaza Uhoraho, atar’ ukuja ku bavūzi.

¹³Hanyuma Asa ahamvya ba sekuruza, atanga amaze imyaka mirongwine n’umwe ari ku ngoma.

¹⁴Bamuhamba mu mva yiwe yiyimbishirije mu gisagara ca Dawidi, bamurambika ku buriri bguzuye ibintu bitāmirana n’ ibintu bimoga vy’amoko yose, vyinjijwe n’abahinga bābimogoreye; bamwosereza imibavu myinshi cane.