Read Bibliya Yera 1951 Ezira 10 Bible Online

Ezira 10 - Bibliya Yera 1951 bible

Ezira 10

¹Nuko Ezira agisenga yātura, kand’ arira, yikubise hasi imbere y’ingoro y’Imana, ikoraniro rinini cane ry’Abisirayeli, abagabo n’abagore n’abana, bakoranira ah’ ari; kand’ abantu bararira cane.

²Maze Shekaniya mwene Yehiyeli, umwe wo mu bandurutse kuri Elamu, abgira Ezira, ati Twacumuye ku Mana yacu, ko twābiriye abanyamahangakazi bo mu mahanga yo mur’ ibi bihugu; yamara naho bimeze birtyo haracar’ ivyizigiro vy’ukw Abisirayeli bokira.

³Nuko rero none dusezerane isezerano n’Imana yacu yuko twirukana abo bagore bose n’ abana bāvyaye, dukurikiye inama yawe mugenzi, n’iy’ abubaha icagezwe c’Imana yacu; kandi bigenzwe nk’ukw ivyagezwe bigera.

⁴Va hasi, kukw ar’ ivyawe, kandi turi kumwe nawe; shira ubgoba, ubikore.

⁵Nuko Ezira aca ava hasi, arahiza abakuru b’ abaherezi n’Abalewi n’Abisirayeli bose, yuko bazobigenza nk’uko bagiye inama. Nuko bararahira.

⁶Maze Ezira arahaguruka ava imbere y’ingoro y’Imana, aja mu cumba ca Yehohanani mwene Eliyashibu; arikw ashitseyo ntiyagira ic’ atamira, nta n’amazi yasomye, kuko yari yababajwe n’ igicumuro c’abāvuye mu kinyago.

⁷Hanyuma batāngāza i Buyuda n’i Yerusalemu ngw abavuye mu kinyago bose bakoranire i Yerusalemu;

⁸kandi ngo mu misi itatu, ūtazoba yaje nk’ukw abakuru n’ abashingantahe bahuje inama, azonyagwa ivyiwe vyose, kandi na we ubgiwe agacibga mw ikoraniro ry’ abavuye mu kinyago.

⁹Nuko mur’ iyo misi itatu Abayuda n’Ababenyamini bose bari bamaze gukoranira i Yerusalemu; hāri ku musi ugira mirongwibiri w’ukwezi kw’icenda; abantu bose bagandagaza ku kibuga imbere y’ ingoro y’Imana, bahindishwa agashitsi n’ivyo, kandi n’uko hāri n’ imvura nyinshi.

¹⁰Maze Ezira umuherezi arahaguruka, arababarira, ati Mwaracumuye, mwābīra abagore b’abanyamahangakazi, mwongerereza Abisirayeli icaha.

¹¹None ni mwaturire Uhoraho Imana ya ba sogokuruza ivyo, mukore ivy’ igomba, mwitandukanye n’amahanga yo mu bihugu n’abagore b’abanyamahangakazi.

¹²Nukw ikoraniro ryose bamwishura n’ijwi rirenga, bat’ Ic’ utugezeko ni co twemeye gukora.

¹³Arikw abantu ni benshi, kandi n’igihe c’imvura nyinshi, ntitwoshobora guhagarara hanze. Kand’ ico gikorwa s’ic’ umusi umwe cank’ ibiri, kuko twacumuye cane mur’ ivyo.

¹⁴None rer’ abakuru bacu ni basigarire iri koraniro ryose; maz’ abo mu bisagara vyacu bose bābiriye abanyamahangakazi, baze bame baza mu bihe bishinzwe, bāzanywe n’abakuru b’ibisagara vyose n’abacamanza bavyo, bashitse igihe uburake bg’Imana yacu bg’inkazi buzotuvirako, ubgo yatugiriye kubg’ ivyo bintu.

¹⁵Ariko Yonatani mwene Asaheli na Yahazeya mwene Tikuva ni bo bāvuye hasi bahakana iyo nama; kandi bafatanya na Meshulamu na Shabetayi Umulewi.

¹⁶Nukw abavuye mu kinyago babigenza bartyo. Maze Ezira umuherezi na bamwe bo mu bakuru b’amazu ya ba sekuruza, baratorwa, nk’ukw amazu yabo ari, bose bahamagarwa mu mazina yabo; nuko ku musi wa mbere w’ ukwezi kw’icumi baricara barabisuzuma.

¹⁷Ku musi wa mbere w’ukwezi kwa mbere bari barangije ivy’ abantu bose bari barābiriye abagore b’abanyamahangakazi.

¹⁸Abo mu bana b’abaherezi bābiriye abagore b’abanyamahangakazi ni Mayaseya na Eliyezeri na Yaribu na Gedaliya muri bene Yosuwa, Yosuwa mwene Yehozadaki, na bagenzi biwe.

¹⁹Abo bararahira bakorana mu ntoke yuko birukana abagore babo; kandi batanga impfizi y’ intama kw iciru, kuko batsinzwe n’urubanza.

²⁰Muri bene Imeri, ni Hanani na Zebadiya.

²¹Muri bene Harimu, ni Mayaseya na Eliya na Shemaya na Yehiyeli na Uziya.

²²Muri bene Pashuri, ni Eliyowenayi na Mayaseya na Ishimayeli na Netaneli na Yozabadi na Elasa.

²³Mu Balewi, ni Yozabadi na Shimeyi na Kelaya (ari we Kelita), na Petahiya na Yuda na Eliyezeri.

²⁴Mu baririmvyi, ni Eliyashibu; mu bashibamyi, ni Shalumu na Telemu na Uri.

²⁵Mu Bisirayeli bandi, abo mu ba Paroshi, ni Ramiya na Iziya na Malikiya na Miyamini na Eleyazari na Malakiya na Benaya.

²⁶Mu ba Elamu, ni Mataniya na Zekariya na Yehiyeli na Abudi na Yeremoti na Eliya.

²⁷Mu ba Zatu, ni Eliyowenayi na Eliyashibu na Mataniya na Yeremoti na Zabadi na Aziza.

²⁸Mu ba Bebayi, ni Yehohanani na Hananiya na Zabayi na Atilayi.

²⁹Mu ba Bani, ni Meshulamu na Maluki na Adaya na Yashubu na Sheyeli na Yeremoti.

³⁰Mu ba Pahati‐mowabu, ni Adina na Kelali na Benaya na Mayaseya na Mataniya na Besaleli na Binuwi na Manase.

³¹Mu ba Harimu, ni Eliyezeri na Ishiya na Malikiya na Shemaya na Simeyoni,

³²na Benyamini na Maluki na Shemariya.

³³Mu ba Hashumu, ni Matenayi na Matata na Zabadi na Elifeleti na Yeremayi na Manase na Shimeyi.

³⁴Mu ba Bani, ni Mayadayi na Amuramu na Uweli,

³⁵na Benaya na Bedeya na Keluhi,

³⁶na Vaniya na Meremoti na Eliyashibu,

³⁷na Mataniya na Matenayi na Yahasu,

³⁸na Bani na Binuwi na Shimeyi,

³⁹na Shelemiya na Natani na Adaya,

⁴⁰na Makinadebayi na Shashayi na Sharayi,

⁴¹na Azareli na Shelemiya na Shemariya,

⁴²na Shalumu na Amariya na Yosefu.

⁴³Mu ba Nebo, ni Yeyeri na Matitiya na Zabadi na Zebina na Ido na Yoweli na Benaya.

⁴⁴Abo bose bāri bābiriye abagore b’abanyamahangakazi, mbere bamwe muri bo bāri bamaze kuvyarana abana.