Read Bibliya Yera 1951 Nehemiya 11 Bible Online

Nehemiya 11 - Bibliya Yera 1951 bible

Nehemiya 11

¹Abakuru b’abantu ni bo bāba i Yerusalemu; maz’ abandi bantu bose bapfinda ubupfindo kugira ng’ umuntu umwe‐umwe mur’ icumi na we az’ agerēre i Yerusalemu ku murwa wera, abandi basigaye babe mu bindi bisagara.

²Maz’ abantu bahezagira abandi bose bitanze n’ imitima ikunze kuba i Yerusalemu.

³ Aba ni bo bāgaba intāra bāba i Yerusalemu; ariko mu bisagara vy’i Buyuda umuntu wese yaba kw itongo ryiwe mu gisagara c’i wabo, Abisirayeli bose n’abaherezi, n’Abalewi n’abahawe ibango ry’ibikorwa vy’urusengero, bo n’ abākomotse ku basavyi ba Salomo.

⁴I Yerusalemu hāba bamwe bo mu Bayuda no mu Babenyamini. Mu Bayuda ni Ataya mwene Uziya, Uziya wa Zekariya, Zekariya wa Amariya, Amariya wa Shefatiya, Shefatiya wa Mahalaleli, wo mu bākomotse kuri Peresi;

⁵na Mayaseya mwene Baruki, Baruki wa Kolihoze, Kolihoze wa Hasaya, Hasaya wa Adaya, Adaya wa Yoyaribu, Yoyaribu wa Zekariya Umunyeshiloni.

⁶Abākomotse kuri Peresi bāba i Yerusalemu, bose na bose bār’ abagabo b’abahizi amajana ane na mirongwitandatu n’umunani.

⁷Ababenyamini n’aba: Salu mwene Meshulamu, Meshulamu wa Yohedi, Yohedi wa Pedaya, Pedaya wa Kolaya, Kolaya wa Mayaseya, Mayaseya wa Itiyeli, Itiyeli wa Yeshaya;

⁸hamwe na Gebayi na Salayi, bose na bose bar’ amajana cenda na mirongwibiri n’umunani.

⁹Yoweli mwene Zikuri yar’ umukoresha wabo, na Yuda mwene Hasenuwa yar’ uwa kabiri wo mu baganza ico gisagara.

¹⁰Mu baherezi n’aba: Yedaya mwene Yoyaribu, na Yakini,

¹¹na Seraya mwene Hilukiya, Hilukiya wa Meshulamu, Meshulamu wa Sadoki, Sadoki wa Merayoti, Merayoti wa Ahitubu, umubgiriza w’ingoro y’Imana;

¹²bo na bagenzi babo bakora ibikorwa vyo mur’ iyo ngoro, bose na bose bar’ amajana munani na mirongwibiri na babiri; hari na Adaya mwene Yerohamu, Yerohamu wa Pelaliya, Pelaliya wa Amusi, Amusi wa Zekariya, Zekariya wa Pashuri, Pashuri wa Malakiya,

¹³hamwe na bagenzi biwe, ni bo bār’ abakuru b’amazu ya ba sekuruza, bose na bose bār’ amajana abiri na mirongwine na babiri; hari na Amashisayi mwene Asareli, Asareli wa Ahazayi, Ahazayi wa Meshilemoti, Meshilemoti wa Imeri,

¹⁴na bagenzi babo, abagabo b’ abahizi, bose na bose bar’ ijana na mirongwibiri n’umunani. Umukoresha wabo ni Sabudiyeli mwene Hagedolimu.

¹⁵Mu Balewi n’aba: Shemaya mwene Hasubu, Hasubu wa Asirikamu, Asirikamu wa Hashabiya, Hashabiya wa Buni,

¹⁶na Shabetayi na Yozabadi, ni bo bākoresha ibikorwa vy’ingoro y’Imana vyo hanze, kandi bar’ abakuru bo mu Balewi.

¹⁷Hari na Mataniya mwene Mika, Mika wa Zabudi, Zabudi wa Asafu, ni we yaterera abaririmba ishimwe mu gihe co gusenga; na Bakibukiya yar’ uwa kabiri muri bagenzi biwe, na Abuda mwene Shamuwa, Shamuwa wa Galali, Galali wa Yedutuni.

¹⁸Abalewi bo ku murwa wera bose na bose bar’ amajana abiri na mirongumunani na bane.

¹⁹Abashibamyi, Akubu na Talimoni na bagenzi babo bāshibama ku marembo, bose na bose bar’ ijana na mirongwirindwi na babiri.

²⁰Abasigaye bo mu Bisirayeli no mu baherezi no mu Balewi bāba mu bindi bisagara vyose vy’i Buyuda, umuntu wese mw itongo ryiwe.

²¹Arikw abahawe ibango ry’ibikorwa vy’urusengero bāba i Ofeli, kandi Siha na Gishipa ni bo bābaganza.

²²Kand’ umukoresha w’Abalewi i Yerusalemu, ari we yajejwe ibikorwa vyo mu ngoro y’Imana, ni Uzi mwene Bani, Bani wa Hashabiya, Hashabiya wa Mataniya, Mataniya wa Mika wo mu bākomotse kuri Asafu, ari bo baririmvyi.

²³Kuko har’ icagezwe cashinzwe n’ umwami kw abaririmvyi bazohora bahabga ibibatunga ku musi n’ umusi.

²⁴Petahiya mwene Meshezabeli wo mu bandurutse kuri Zera mwene Yuda ni we yar’ umushikirwa w’amajambo y’abantu bose aza ku mwami.

²⁵Kandi ku vy’imihana n’amatongo yayo, bamwe bo mu Bayuda bāba i Kiriyati‐Araba no mu bisagara bihakūkira, n’i Diboni no mu bisagara bihakūkira,

²⁶n’i Yeshuwa n’i Molada n’i Beti‐peleti,

²⁷n’i Hasari‐shuwali n’i Beri‐sheba no mu bisagara bihakūkira,

²⁸bāba n’i Sikulagi, n’i Mekona no mu bisagara bihakūkira,

²⁹n’i Eni‐rimoni n’i Zora n’i Yarimuti,

³⁰n’i Zanowa n’i Adulamu no mu bisagara bigenda bihakūkira, n’i Lakishi no mu matongo yaho, n’i Azeka no mu bisagara bihakūkira. Uko ni ko bāgerereye uhereye i Beri‐sheba ugashitsa no ku mwonga wa Hinomu.

³¹Ababenyamini bāba i Geba n’i Mikimashi n’i Aya, n’i Beteli no mu bisagara bihakūkira,

³²no muri Anatoti n’i Nobu n’i Ananiya,

³³n’i Hasori n’i Rama n’i Gitayimu,

³⁴n’i Hadidi n’i Seboyimu n’i Nebalati,

³⁵n’i Lodi n’i Ono ari co kiyaya c’ abanyamyuga.

³⁶Mu Balewi, imitigiri imwe y’abāhora i Buyuda yagiye kuba i Bubenyamini.