Read Bibliya Yera 1951 Nehemiya 7 Bible Online

Nehemiya 7 - Bibliya Yera 1951 bible

Nehemiya 7

¹Barangije kwubaka uruzitiro nca nterakw inzugi hose, ntora abashibamyi ndabashiraho, nongera nshirah’ abaririmvyi n’ Abalewi.

²Ndaheza nzeza igisagara c’i Yerusalemu mwene wacu Hanani, bo na Hananiya umukuru w’iboma y’abashibamyi, kukw ar’ umuntu yizigirwa, yubaha Imana kurusha benshi;

³ndababgira, nt’ Amarembo y’i Yerusalemu ntaze yugururwe hataraba ku gasase, kandi ngo bayugarire, inzugi bazishirekw ibihindizo, izuba ritararenga; nti Maze mushireh’ abashibamyi bo mu baba i Yerusalemu, umuntu wese mu gishingo ciwe, aharābana n’inzu yiwe.

⁴Kand’ ico gisagara cari kinini kikagera kure, arikw abantu bakibamwo bari bakiri bake, kand’ amazu ntiyaribgubakwe.

⁵Imana yanje impa ivyiyumviro vyo gukoranya abakuru n’abaganza n’abantu bose ngo mbandikishe ivy’ akārōnda kabo. Ndondeye mbona igitabo kidonda ivy’ akārōnda k’abābanje kudūga, mbona ko handitswemw’ ibi:

⁶Aba ni bo bantu bo mu gihugu cacu bādūze bava mu kinyago mu bo Nebukadineza umwami w’i Babuloni yajanye ar’ inyagano, bakagaruka i Yerusalemu n’i Buyuda, umuntu wese agasubira mu gisagara c’i wabo;

⁷bāzananye na Zerubabeli na Yosuwa, na Nehemiya na Azariya, na Rayamiya na Nahamani, na Moridekayi na Bilishani, na Misipereti na Bigivayi, na Nehumu na Bayana. Igitigiri c’abagabo bo mu Bisirayeli ngiki:

⁸abo mu ba Paroshi n’ ibihumbi bibiri n’ijana na mirongwirindwi na babiri.

⁹Abo mu ba Shefatiya n’amajana atatu na mirongwirindwi na babiri.

¹⁰Abo mu ba Ara n’amajana atandatu na mirongwitanu na babiri.

¹¹Abo mu ba Pahati‐mowabu, bandurutse kuri Yosuwa na Yowabu, n’ibihumbi bibiri n’amajana munani n’icumi n’umunani.

¹²Abo mu ba Elamu n’igihumbi n’amajana abiri na mirongwitanu na bane.

¹³Abo mu ba Zatu n’amajana munani na mirongwine na batanu.

¹⁴Abo mu ba Zakayi n’amajana ndwi na mirongwitandatu.

¹⁵Abo mu ba Binuwi n’ amajana atandatu na mirongwine n’umunani.

¹⁶Abo mu ba Bebayi n’amajana atandatu na mirongwibiri n’umunani.

¹⁷Abo mu ba Azigadi n’ibihumbi bibiri n’ amajana atatu na mirongwibiri na babiri.

¹⁸Abo mu ba Adonikamu n’amajana atandatu na mirongwitandatu n’indwi.

¹⁹Abo mu ba Bigivayi n’ibihumbi bibiri na mirongwitandatu n’indwi.

²⁰Abo mu ba Adini n’amajana atandatu na mirongwitanu na batanu.

²¹Abo mu ba Ateri, bo mu muryango wa Hezekiya, ni mirongwicenda n’umunani.

²²Abo mu ba Hashumu n’amajana atatu na mirongwibiri n’ umunani.

²³Abo mu ba Besayi n’amajana atatu na mirongwibiri na bane.

²⁴Abo mu ba Harifu n’ijana n’icumi na babiri.

²⁵Ab’i Gibeyoni ni mirongwicenda na batanu.

²⁶Abagabo b’i Betelehemu n’i Netofa n’ijana na mirongumunani n’umunani.

²⁷Abagabo b’i Anatoti n’ijana na mirongwibiri n’umunani.

²⁸Abagabo b’i Beti‐azimaveti ni mirongwine na babiri.

²⁹Abagabo b’i Kiriyati‐yeyarimu n’i Kefira n’i Beroti n’amajana ndwi na mirongwine na batatu.

³⁰Abagabo b’i Rama n’i Geba n’amajana atandatu na mirongwibiri n’umwe.

³¹Abagabo b’i Mikimasi n’ijana na mirongwibiri na babiri.

³²Abagabo b’i Beteli n’i Hayi n’ijana na mirongwibiri na batatu.

³³Abagabo b’i Nebo handi ni mirongwitanu na babiri.

³⁴Ab’i Elamu handi n’igihumbi n’amajana abiri na mirongwitanu na bane.

³⁵Ab’i Harimu n’ amajana atatu na mirongwibiri.

³⁶Ab’i Yeriko n’amajana atatu na mirongwine na batanu.

³⁷Ab’i Lodi n’i Hadidi n’i Ono n’amajana ndwi na mirongwibiri n’umwe.

³⁸Ab’i Sena n’ibihumbi bitatu n’amajana cenda na mirongwitatu.

³⁹Abaherezi n’aba: abo mu ba Yedaya, bo mu nzu ya Yosuwa, n’amajana cenda na mirongwirindwi na batatu.

⁴⁰Abo mu ba Imeri n’igihumbi na mirongwitanu na babiri.

⁴¹Abo mu ba Pashuri n’igihumbi n’amajana abiri na mirongwine n’indwi.

⁴²Abo mu ba Harimu n’igihumbi n’icumi n’indwi.

⁴³Abalewi n’aba: abo mu ba Yosuwa na Kadimiyeli, ari bo bandurutse kuri Hodeva, ni mirongwirindwi na bane.

⁴⁴Abaririmvyi bo mu ba Asafu n’ijana na mirongwine n’umunani.

⁴⁵Abashibamyi n’aba: abo mu ba Shalumu, no mu ba Ateri, no mu ba Talimoni, no mu ba Akubu, no mu ba Hatita, no mu ba Shobayi, bose na bose n’ijana na mirongwitatu n’umunani.

⁴⁶Abahawe ibango ry’ibikorwa vy’urusengero n’aba: abo mu ba Siha, no mu ba Hasufa, no mu ba Tabayoti,

⁴⁷no mu ba Kerosi, no mu ba Siya, no mu ba Padoni,

⁴⁸no mu ba Lebana, no mu ba Hagaba, no mu ba Salimayi,

⁴⁹no mu ba Hanani, no mu ba Gedeli, no mu ba Gahari,

⁵⁰no mu ba Reyaya, no mu ba Resini, no mu ba Nekoda,

⁵¹no mu ba Gazamu, no mu ba Uza, no mu ba Paseya,

⁵²no mu ba Besayi, no mu ba Mehunimu, no mu ba Nefushesimu,

⁵³no mu ba Bakibuki, no mu ba Hakufa, no mu ba Harihuri,

⁵⁴no mu ba Basiliti, no mu ba Mehida, no mu ba Harisha,

⁵⁵no mu ba Barikosi, no mu ba Sisera, no mu ba Tema,

⁵⁶no mu ba Nesiya, no mu ba Hatifa.

⁵⁷Abuzukuruza b’abasavyi ba Salomo n’aba: abo mu ba Sotayi, no mu ba Sofereti, no mu ba Perida,

⁵⁸no mu ba Yahala, no mu ba Darikoni, no mu ba Gideli,

⁵⁹no mu ba Shefatiya, no mu ba Hatili, no mu ba Pokereti‐hasebayimu, no mu ba Amoni.

⁶⁰Abahawe iryo bango bose, bo n’abuzukuruza b’abasavyi ba Salomo, bose na bose bār’ amajana atatu na mirongwicenda na babiri.

⁶¹Kand’ aba ni bo bādūze bava i Telimela n’i Teliharisha n’i Kerubu n’i Adoni n’i Imeri, ariko vyarabananira kwerekana amazu ya ba sekuruza bandurutseko cank’ abo bākomōtseko yukw ar’ Abisirayeli vy’ukuri.

⁶²Abo mu ba Delaya no mu ba Tobiya no mu ba Nekoda n’amajana atandatu na mirongwine na babiri.

⁶³Abo mu baherezi ni bo aba: abo mu ba Habaya, no mu ba Hakosi, no mu ba Baruzilayi, umwe yābiriye umugeni mu bakobga ba Baruzilayi w’Umunyagileyadi, agaca yitiranwa na sebukwe,

⁶⁴abo bārondeye amazina yabo mu gitabo kidōndōra ba sekuruza, ntibayabona, ni co gituma biyumviriwe nk’ abahumanye, bagakūrwa mu buherezi.

⁶⁵Umucamatēka arababuza ngo ntibarye ku vyera cane, kugeza igihe hazobonekera umuherezi afise Urimu na Tumimu.

⁶⁶Nukw iryo shengero ryose iyo riva rikagera, bose na bose bār’ ibihumbi mirongwine na bibiri n’amajana atatu na mirongwitandatu;

⁶⁷udashizemw’ abagurano n’abaguranokazi babo, igitigiri cabo bār’ ibihumbi ndwi n’ amajana atatu na mirongwitatu n’ indwi; kandi bāri bafise abaririmvyi b’abagabo n’abagore amajana abiri na mirongwine na batanu.

⁶⁸Amafarasi yabo yār’ amajana ndwi na mirongwitatu n’atandatu; n’inyumbu zabo zār’ amajana abiri na mirongwine na zitanu;

⁶⁹n’ingamiya zabo zār’ amajana ane na mirongwitatu na zitanu, n’indogoba zabo ibihumbi bitandatu n’amajana ndwi na mirongwibiri.

⁷⁰Bamwe mu bakuru b’amazu ya ba sekuruza batanze imfashanyo yo gufasha ico gikorwa, n’icēgēra c’umwami na we atanga amahera y’izahabu yitwa dariki igihumbi, n’ibikombe mirongwitanu, n’ imyambaro amajana atanu na mirongwitatu y’abaherezi, babishira mu bubīko.

⁷¹Bamwe mu bakuru b’amazu ya ba sekuruza bashira mu bubiko burimw’ ibikoreshwa, dariki z’izahabu ibihumbi mirongwibiri, n’ifeza irivye ingero yitwa mina ibihumbi bibiri n’amajana abiri.

⁷²Ivyo abandi bantu batanze bishika kuri dariki z’izahabu ibihumbi mirongwibiri nyene, n’ibihumbi bibiri vya mina z’ifeza, bo n’imyambaro y’abaherezi mirongwitandatu n’ indwi.

⁷³Nukw abaherezi n’Abalewi n’ abashibamyi n’abaririmvyi n’abantu bamwe, n’abahawe ibango ry’ibikorwa vy’urusengero, n’abandi Bisirayeli bose, bībēra mu bisagara vyabo; mber’ ukwezi kw’indwi kwabonetse Abisirayeli bamaze kwībēra mu bisagara vyabo.