Read Bibliya Yera 1951 Yobu 13 Bible Online

Yobu 13 - Bibliya Yera 1951 bible

Yobu 13

¹Rāba, ijisho ryanje ryabonye ivyo vyose; Ugutwi kwanje kwaravyiyumviye, kurabitahura.

²Ivyo muzi nanje ndabizi: Ntimundusha.

³N’ukuri ndagomba kwibaririra Īshobora vyose, Kandi ndifuza kwībūranira ku Mana.

⁴Ariko mwebge mur’ abarementanya ibinyoma; Mwese mur’ abavūzi b’imburakimazi.

⁵Icompa mugacereza rwose! Mwobaye mugize ubgenge.

⁶Noneho ni mwumve urubanza rwanje, Kandi mutegere amatwi kubūrana kw’iminwa yanje.

⁷Mbeg’ Imana mwoyibūranira mugoreka amajambo, Kandi muyivugira ibinyoma?

⁸Mbega muyitinya ku kigohe? Non’ Imana mwoyitsa?

⁹Aho vyoba vyiza ibaseranguye ikarāba? Canke mwoyihenda nk’uk’ umuntu ahenda uwundi?

¹⁰Ntizobura kubahana, Namba murobanura ku cubahiro mu mpisho.

¹¹Mbeg’ icubahiro cayo nticobatera ubgoba, Igitinyiro cayo kikabasūmira?

¹²Ya magambo yanyu akomeye ni nk’imigani y’iminyota, Inkinzo zanyu ni nk’inkinzo z’ibibumbano.

¹³Ni muhore, mumpumekere, mbone kuvuga, Bice aho bigomba.

¹⁴Ar’ ugupfa, mpfe, Ar’ uguheba amagara yanje, ndayahebe.

¹⁵Ehe rāba, agira anyice: nta co nkirorereye; Yamara nzokwiregura ingeso zanje imbere yayo.

¹⁶Ivyo na vyo bizombera agakiza, Kuk’ ūtubaha Imana atoseruka imbere yayo.

¹⁷Enda ni mugire umwete wo kwumva amajambo yanje; Ivyo ngira mvuge bishike mu matwi yanyu.

¹⁸Rāba mmaze gushinga urubanza rwanje: Ndazi ko nd’ umugororotsi.

¹⁹Ni nde yompāririza? Abayeho noca mpora ngahwera.

²⁰Yamara Bgirukiro, ntunga ku bintu bibiri, Ni ho ntokwihisha mu nyonga zawe:

²¹Geguza ukuboko kwawe kumveko, Kandi ntuntereshe ubgoba igitinyiro cawe ukundi.

²²Ni ho wompamagara, nkakwitaba, Cank’ unyemerere mvuge, abe ari wewe unyishura.

²³Ibigabitanyo vyanje n’ivyaha vyanje bingana bite? N’ummenyeshe igicumuro canje n’icaha canje.

²⁴N’iki gituma umpisha mu nyonga hawe, Ukangira umwansi wawe?

²⁵Mbeg’ ikibabi bubabi gikubebga n’umuyaga, wogitera ubgoba? Wokwiruka inyuma y’ibishingwe vyumye?

²⁶Kuk’ unyanditsekw ibintu bimbereye umururazi, Kand’ ukansubizakw ibigabitanyo vyo mu busore bganje.

²⁷Kand’ ibirenge vyanje ubishize mu mpatane z’ibiti, Ugenzura imigendere yanje yose; Ushingiye akarimbi ibirenge vyanje:

²⁸Naho mmeze nk’igiti kibongeye, Nk’impuzu yariwe n’inyenzi.