Read Bibliya Yera 1951 Yobu 26 Bible Online

Yobu 26 - Bibliya Yera 1951 bible

Yobu 26

¹Maze Yobu arishura,

²at’ Ewe kuntu uzi gufasha umunyantegenke! N’ingen’ uzi gukiza uw’ amaboko adendebutse!

³N’ukuntu ugīra inama ūdafise ubgenge, Ukerekana rwose ubgenge ubg’ ari bgo!

⁴Ayo magambo ugira ng’ uyabariye nde? Kand’ impwemu ikuvugishije n’iya nde?

⁵Abāpfuye bahindira agashitsi Musi y’amazi n’ibiyabamwo.

⁶I kuzimu hambaye ubusa imbere y’Imana, Mu mahonero nta mwambaro hikinzeko.

⁷Yagaranzuye i burārūko ihashinga ku kirēre, Isi iyenetsa ku busa.

⁸Itekera amazi mu bicu vyayo vyibungenze, Kandi ntibitoborwa n’uburemerezi bgayo.

⁹Itwikira intebe yayo, Ikayirenzakw igicu cayo.

¹⁰Amazi yayashingiye ingabano, Zishika ah’ umuco n’umwiza bigarukira.

¹¹Inkingi z’ijuru ziradegezwa, Zumizwa no gukankamira kwayo.

¹²Izīkuruza ikiyaga ububasha bgayo, N’ubgenge bgayo ibutobekeranisha Bgibone.

¹³Mpwemu wayo yēyūra ijuru, Ukuboko kwayo igusogotesha inzoka y’ubukuba.

¹⁴Erega n’ivyo n’ubusunwa gusa bg’inzira zayo: Kandi n’ivyo twumva kuri yo ni nk’utwongorerano dutoya! Non’ imyasano y’ububasha bgayo ni nde yoshobora kuyitahura?