Read Bibliya Yera 1951 Yobu 33 Bible Online

Yobu 33 - Bibliya Yera 1951 bible

Yobu 33

¹Enda rero Yobu, wumve ivyo mvuga, Kand’ utegere amatwi amajambo yanje yose.

²Ehe nteranuye akanwa, Ururimi rwanje ruvugiye mu kanwa kanje.

³Amajambo yanje agira aserure ukugororoka kw’umutima wanje, Kand’ ivyo nzi iminwa yanje irabivuga ata buryarya.

⁴Mpwemu w’Imana ni we yandemye, Kand’ uguhumeka kw’Īshobora vyose ni kwo kwampaye ubugingo.

⁵Ni wabishobora unyishure, Amajambo yawe uyatumberanirize imbere yanje, uve hasi uhagarare.

⁶Rāba mpwanye nawe imbere y’Imana, Nanje n’uko nabumbge mw ibumba.

⁷Ehe nta gitinyiro mfise co kugutera ubgoba, Cank’ ijunja ng’ untinye.

⁸N’ukuri wavuze numva, Kandi numvise ivyo amajambo yawe avuga;

⁹Ng’ Uratunganye, ngo Nta gicumuro ugira; Ngo Nta rubanza rugutsinze, ngo Nta n’ukugabitanya ugira:

¹⁰Ariko ngw Imana ikuronderakw inyanduruko, Ikakwiyumvira nk’umwansi wayo;

¹¹Ngw ibirenge vyawe ibishira mu mpatane z’ibiti, Ikitegereza inzira zawe zose.

¹²Reka nkwishure: mur’ ivyo ntugororotse; Kukw Imana irengeye abantu.

¹³N’iki gituma uyihāririza? Kukw ata co yirirwa isobanura mu vyayo.

¹⁴Kukw Imana, har’ ah’ ivuga mu buryo bumwe, Har’ ah’ ivuga mu bundi, nah’ umuntu atobibabara.

¹⁵Mu nzozi, mw iravūta ryo mw ijoro, Igihe itiro ryinshi ritwaye abantu, Bisinziriye ku mariri yabo;

¹⁶Ni ho izibūra amatwi y’abantu, Ikabatēza ubgoba ivyo ibabūrira,

¹⁷Kugira ngw igaburuze umuntu imigabo yiwe, Imurinde ubgibone.

¹⁸Umutima wiwe iwukiza rwa rwobo, N’ubugingo bgiwe ngo ntibgicwe n’inkota.

¹⁹Kandi har’ ah’ ahanwa n’ uburibge ari ku buriri bgiwe, Akagira uburibge budahorerekeza mu magufa yiwe:

²⁰Bigatuma umutima wiwe uhura ivyo kurya, Akazinukwa ibiryoshe.

²¹Umubiri wiwe urananuka, ukayongayonga; N’amagufa yiwe atāboneka agasohoka.

²²Mber’ umutima wiwe ukaba wēgereye rwa rwobo, N’ubugingo bgiwe bukēgēra intumwa z’urupfu.

²³Namba yoba kumwe n’umumarayika, Ari we mushikirwa umwe mu gihumbi, Wo kumenyesha umuntu ukw akwiye kugenza;

²⁴Ni ho amugirira imbabazi, Ati Murekure, yoye kumanuka ngw aje muri rwa rwobo; Mbonye ikimucungura.

²⁵Umubiri wiwe uzotonyanga itōto kurusha uw’ umwana; Azokwiyubura, abe nko mu misi yo mu buto bgiwe.

²⁶Asenga Imana, na yo ikamuhāngaza, Bituma arāba mu nyonga hayo anezerewe: Kand’ ikagarukanira umuntu ukugororoka kwiwe.

²⁷Aririmbira imbere y’abantu, Ati Naracumuye, ngoreka ibiroranye, Ariko nta co vyammariye.

²⁸Imana yacunguye umutima wanje ngo ntuje muri rwa rwobo, Kand’ ubugingo bganje buzokwitegereza umuco.

²⁹Rāba, ivyo vyose Imana ni yo ibikora, Igenza irtyo umuntu kabiri, mbere n’ubugira gatatu,

³⁰Kugira ngw igarukane umutima wiwe ngo ntuje muri rwa rwobo, Abone kumurikirwa n’umuco w’ubugingo.

³¹Enda bishirek’ umutima, Yobu we, untege amatwi: Ucereze, nanje mvuge.

³²Asangw’ uri n’ico uvuga, unyishure: Vuga, kuko nifuza k’uboneka k’ugororotse.

³³Namb’ ata kiriho, untege amatwi: Ucereze, nanje ngucishe ubgenge.