Read Bibliya Yera 1951 Yobu 34 Bible Online

Yobu 34 - Bibliya Yera 1951 bible

Yobu 34

¹Maze Elihu yongera kuvuga,

²ati Ni mwumve amajambo yanje, yemwe banyabgenge; Muntege ugutwi, yemwe abafise ubgenge.

³Kuk’ ugutwi kurobanura amajambo Nk’ukw akanwa kumviriza ivyo kurya.

⁴Twihitiremw’ igitunganye, Twebge ubgacu twimenyere iciza ic’ ari co.

⁵Kuko Yobu avuga, ngo N’ umugororotsi, Kandi ngw Imana yamurīrīriye urubanza:

⁶Ngo Nah’ ari n’urubanza, abarwa nk’umubeshi; Ng’ Uruguma rwiwe ntirukivūrika, ngo Nah’ atarikw igicumuro.

⁷Mbega ni nde muntu yomera nka Yobu, Agotomera ibirogotano nk’ amazi?

⁸Agenda yifatanije n’abakora ivy’ ukugabitanya, Kand’ akagendana n’abanyakibi.

⁹Kuko yavuze, ati Nta co bimariye umuntu Kunezerezwa n’Imana.

¹⁰Nuko rero ni munyumvirize, mwebge bantu bazi gutahura: Biragahera kw Imana yokora ivyaha, Īshobora vyose ko yokora ivy’ ukugabitanya.

¹¹Kuk’ umuntu izomusubiriza mu nkōko ibihwanye n’ igikorwa ciwe, Izotuma umuntu wese abona ibihwanye n’ingeso ziwe.

¹²Eka n’ivy’ ukuri, Imana nta ho yokora icaha, Īshobora vyose nta ho yogoreka imanza.

¹³Ni nde yayiragije isi? Ni nde yayizigamishije ibiri kuri yo vyose?

¹⁴Yokwisubizako Mpwemu wayo, Ikagarukana n’uguhumeka kwayo,

¹⁵Ivyaremwe vyose vyohonera rimwe, Abantu na bo bagasubira mu mukungugu.

¹⁶None rero namb’ ugize ubgenge, ni wumve ibi: Utegere amatwi amajambo yanje.

¹⁷Mbeg’ uwanka guca iziroranye yoshobora kuganza? Mbega wotsindisha Īgororotse ari yo Nyenkomezi?

¹⁸None birabereye kubarira umwami, ngo Nta co umaze? Canke kubarira abaganwa, uti Muri babi?

¹⁹None ntibirushirije kuba ibitabereye kubibarira Īdatinya abaganwa ku kigohe, Ntikunde umutunzi kumurutisha umworo, Kuko bose ar’ igikorwa c’ intoke zayo?

²⁰Bapfa mu kanya isase, no mu gicugu n’uko, Bafatwa n’agatengo bakagenda akagīrīre, N’abahizi bakūrwaho, ata wubakozeko.

²¹Kukw inyonga zayo ziri ku nzira z’umuntu, Kandi yitegereza urugendo rwiwe rwose.

²²Nta mwiza cank’ igitūtu c’ urupfu Ah’ abakora ivy’ ukugabitanya boshobora kwinyegeza.

²³Kukw ata gihe Imana yashingiye umuntu Co kurenguka imbere yayo mu manza.

²⁴Ivunagura abahizi mu buryo budaserangurika, Igashira abandi mu gishingo cabo.

²⁵Kukw izi ibikorwa vyabo, Ibacurikiranya mw ijoro, bagafyonyoka.

²⁶Ibakubita nk’abanyakibi nyene, Ibigirira ahibonekeza, abandi barorēra;

²⁷Kuko bākikamye, bakayiva inyuma, Bakanka gushira umutima ku nzira zayo.

²⁸Bagatuma ugutaka kw’abagorwa kuyishikako, Ikumva ugutaka kw’impahazwa.

²⁹Iy’ itanze impore, ni nde yoyitsindisha? Iy’ itwikiriye mu nyonga hayo, ni nde yoshobora kuyibona? Ukw izigama ihanga ryose, ni kw izigama n’umuntu umwe;

³⁰Kugira ng’ ūtubaha Imana ntaje ku ngoma, Hoye kugira abatsinda abantu mu mitego.

³¹Mbega har’ uwabariye Imana, Ati Narahanwe, sinzosubira gucumura;

³²At’ Ico ntabona ukinyigishe: Ati Namba naragabitanije sinzosubīra?

³³Mbeg’ ingero yayo uyankishwa n’ukw idakoze ico ugomba? Kukw ari wewe ukwiye guhitamwo, si jewe: Nuko vuga ico uzi.

³⁴Abantu bazi gutahura, Mbere n’umuntu wese w’ umunyabgenge anyumva, bazombgira,

³⁵Bati Yobu avuga ico atazi, Kand’ amagambo yiwe nta bgenge burimwo.

³⁶Icompa Yobu akageragezwa, agashitsa kw iherezo, Kubgo kwishura kwiwe nk’ abanyakibi.

³⁷Kukw agereka ubugarariji ku caha ciwe, Agakubita amashi ku yandi hagati muri twebge, Agasegenyura amagambo yo kurwanya Imana.