Read Bibliya Yera 1951 Yobu 35 Bible Online

Yobu 35 - Bibliya Yera 1951 bible

Yobu 35

¹Nuko Elihu akomeza amajambo yiwe,

²ati Mbeg’ ugira ngw ivyo uvuga ni ko, Ugira ng’ ukugororoka kwawe kuruta ukw’ Imana?

³K’uvuga, ngo Vyokumarira iki? Kandi ng’ Uzoronka inyungu ki, ziruta izo uba warabonye ukoze ivyaha?

⁴Jewe ngira nkwishure, Mwe na bagenzi bawe.

⁵Itegereze mw ijuru urābe; Kand’ urābe iyo hejuru, ingene hagusumba.

⁶Asangwa warakoze icaha, uyitwaye iki? Kand’ ibicumuro vyawe namba vyaragwiriye, uyigize iki?

⁷Asangw’ ur’ umugororotsi, uyihaye iki? Canke se ico ironse mu kuboko kwawe n’iki?

⁸Mugabo ibibi vyawe vyobabaza umuntu ameze nkawe; N’ubugororotsi bgawe uwo bgogirira ikimazi n’umwana w’umuntu gusa.

⁹Batakishwa n’agahahazo kenshi, Batakambishwa no kubabazwa n’amaboko y’abanyenkomezi.

¹⁰Ariko nta wuvuga, at’ Imana Umuremyi wanje iri hehe, Kand’ ari yo iduha indirimbo mw ijoro,

¹¹Ikatwigisha gusumba ibikōko vyo mw isi, Ikaduha ubgenge gusumba ibiguruka mu kirēre?

¹²Nuko barataka, ariko nta wugira ico abishura, Bitewe n’ubgibone bg’abantu babi.

¹³Ereg’ Imana ntiyokwumva amagambo y’ubuhuhuta, Īshobora vyose ntiyonayababara.

¹⁴None ntirushirije kutumva, iy’ uvuga ngo Ntuyibona, Ng’ Urubanza rwawe rur’ imbere yayo, ng’ Urayirorereye?

¹⁵Ariko noneho, uburake bgayo ko butātumye ihana, Ntinababare cane ivy’ amanyama,

¹⁶Ni co catumye Yobu ateranurira akanwa kuvuga amagambo y’ubuhuhuta, Agasegenyura amagambo ata co azi.