Read Bibliya Yera 1951 Yobu 8 Bible Online

Yobu 8 - Bibliya Yera 1951 bible

Yobu 8

¹Maze Biludadi w’i Shuhi aramwishura,

²at’ Uzogeza ryari kuvuga ben’ ivyo? Kand’ amajambo yo mu kanwa kawe azogeza ryari kuba nk’umuyaga w’igihuhuta?

³Mbeg’ Imana iragoreka urubanza? Īshobora vyose irafutamika izibereye?

⁴Namb’ abana bawe bāyicumuyeko, Ibatanze mu maboko y’ibibi vyabo.

⁵Ariko weho, ni waronderana Imana umwete, Ukinginga Īshobora vyose,

⁶Ni watungana ukagororoka, N’ukuri ntiyobura kwikangurira kugutabara, No gutuma ikibanza c’ubugororotsi bgawe kiroranirwa.

⁷Kandi nah’ itangura ryawe ryari ritoya, Arikw amaherezo yawe wokwunguka cane.

⁸Ndakwinginze, baza abo hambere, Shira umutima ku vyo ba sogokuruza bābaririkije:

⁹Kuko tweho tur’ ab’ ejo gusa, ata co tuzi, Kand’ imisi tumara mw isi ni nk’igitūtu gusa.

¹⁰Mbeg’ abo ntibokwigisha, bakakwīgānira, Bakavuga amajambo bakūye mu mitima yabo?

¹¹Mbeg’ umubere wokura ahatagira igitēmēka? Cank’ urukangaga rwomera ahatagira amazi?

¹²Ruyabuze, naho rwoba rukiri rubisi, rudaciwe, Rutanga ibindi vyatsi vyose kwuma.

¹³Ni kw inzira z’abibagira Imana bose zimera; Kand’ ivyizigiro vy’ūtubaha Imana bizoshira:

¹⁴Ukwishima kwiwe kuzosāba, Ivyizigiro vyiwe bimeze nk’ inzu y’igitangurirwa.

¹⁵Yokwegamira inzu yiwe, ariko na yo ntiyohagarara: Yoyibangiriza, ntigumeho.

¹⁶Atotahara ari ku zuba, Amashami yiwe agasārira mu ndimiro yiwe yose.

¹⁷Imizi yiwe isobekerana mu gihongo, Ayishōra i wabo w’amabuye.

¹⁸Ni yarandurwa aho yamye, Hazoca hamwihakana, hati Sinigeze kukubona.

¹⁹Rāba, uwo ni wo munezero ingeso ziwe zimuhaye! Kandi mw ivu yavuyemwo hazoca hamera abandi.

²⁰Ereg’ Imana ntizota umuntu atācumuye, Kandi ntizoramira inkozi z’ ibibi.

²¹Akanwa kawe izosubira kukuzuza ibitwengatwenga, N’iminwa yawe izoyuzuza impundu.

²²Abakwanka bazokwambikwa isoni, Kand’ ihema ry’inkozi z’ibibi ntirizoba rikibaho ukundi.