Read Bibliya Yera 1951 Zaburi 10 Bible Online

Zaburi 10 - Bibliya Yera 1951 bible

Zaburi 10

¹N’iki gitumye uhagarara kure, Uhoraho we? N’iki gitumye wihisha mu bihe vy’amarushwa?

²Ubgibone bg’umunyakibi butuma akinagiza umugorwa; N’agwe mu mutego w’imigabo yīgīriye.

³Kuk’ umunyakibi yishimagiriza ivyo umutima wiwe wifuza, Kand’ umunyegono yikunkumura Uhoraho, kand’ akamukēngēra.

⁴Umunyakibi kubg’ ubgibone bgiwe aravuga, at’ Eka ntazohōra. Ivyiyumviro vyiwe vyose bihūrira mur’ iri jambo, ngo Nta Mana iriho.

⁵Mu nzira ziwe zose nta co yinona. Amateka yawe ari hejuru cane, arenze ah’ ijisho ryiwe rishika: Abansi biwe bose arabakanira.

⁶Yibgira mu mutima, ati Nta kizonsegenyesha; Kugeza ibihe vyose sinzokwigera mpīndāna.

⁷Akanwa kiwe kuzuye imivumo n’ubugunge n’akadenderezo; Musi y’ururimi rwiwe har’ ukugira nabi n’ukugabitanya.

⁸Yicara mu bibundo vyo mu mihana, Mu biryamo ni ho yicira abatagira igicumuro: Amaso yiwe ayatatisha umurushwa.

⁹Abunda mu kiryamo nk’ukw intambge ibunda mw isenga ryayo, Abundira gucakira umworo: Acakira umworo, akamukwegesha umugozi yamuteze.

¹⁰Abunda, amase hasi, Abahizi biwe batūra hasi umurushwa.

¹¹Yibgira mu mutima, at’ Imana yibagiye: Yipfutse mu nyonga hayo, ntizokwigera ibibona.

¹²Kūra hasi, Uhoraho we; Mana, urāmvure ukuboko kwawe; Ntiwibagire ūciye bugufi.

¹³N’iki gituma umunyakibi akēngēra Imana, Akayibaririra mu mutima, ati Ntuzohōra?

¹⁴Warabibonye, kuk’ urāba ukugira nabi n’inzigo, kugira ng’ ubishire mu kuboko kwawe; Umurushwa yegamira wewe wenyene; Ni wewe mutabazi w’impfuvyi.

¹⁵Vunagura ukuboko kw’umunyakibi, Utōte ububi bg’umubi, gushitsa ah’ utazobumusangana.

¹⁶Uhoraho ni we Mwami ibihe bitazoshira, Abanyamahanga bārandukiye mu gihugu ciwe.

¹⁷Uhoraho, wumvise ivyo abaciye bugufi bagomba: Uzokomeza imitima yabo, uzohora ubanze ugutwi,

¹⁸Kugira ng’ucire urubanza impfuvyi n’abadenderezwa, Umuntu wo mw ivu yoye gusubira gutera ubgoba.