Read Bibliya Yera 1951 Zaburi 101 Bible Online

Zaburi 101 - Bibliya Yera 1951 bible

Zaburi 101

¹Zaburi ya Dawidi. Ndaririmba ntazira imbabazi n’imanza zibereye: Uhoraho, ni wewe ngira ndirimbire ishimwe.

²Nzokwitondera kugendera mu nzira itunganye: Uzoza aho ndi ryari? Nzokwama ngendana mu nzu yanje umutima utunganye.

³Sinzogira ikibi nshira imbere y’amaso yanje: Nanka igikorwa c’ibigoryi; Ntikizomatana nanje.

⁴Umutima ugoramye uzomvako; Sinzogira ikibi mmenya.

⁵Ūbeshera mugenzi we mu mpisho nzomurandura: Ūgamika, akagira umutima wibona, sinzomwihanganira.

⁶Amaso yanje azoba ku bizigirwa bo mu gihugu, kugira ngo tubane: Ūgendera mu nzira itunganye, ni we azonkorera.

⁷Ūgunga ntazoba mu nzu yanje; Ūbesha ntazocimbatara imbere y’amaso yanje.

⁸Uko bukeye nzohonnya abanyakibi bose bo mu gihugu, Kugira ngo ndandure inkozi z’ibibi zose, ndazimare ku murwa w’Uhoraho.