Read Bibliya Yera 1951 Zaburi 108 Bible Online

Zaburi 108 - Bibliya Yera 1951 bible

Zaburi 108

¹Iyi ndirimbo yitwa Zaburi n’iya Dawidi. Mana, umutima wanje urahamye, Ndaririmba, mbere ndaririmbisha ishimwe ubgiza bganje.

²Kembe n’inanga, ni mwikangure; Nanje ubganje nzokwikangura ntange umutwenzi.

³Uhoraho nzogushimira mu moko: Nzokuririmbira ishimwe mu mahanga.

⁴Kukw imbabazi zawe ari nyinshi zigera hejuru y’ amajuru; Ukuri kwawe gushika no mu bicu.

⁵Mana, n’ushirwe hejuru y’ amajuru, Icubahiro cawe kibe hejuru y’isi yose.

⁶Kirisha ukuboko kwawe kw’i buryo, unyishure, Kugira ngw abo ukunda barokorwe.

⁷Imana yavugiye ahēra hayo, iti Nzogabura Shekemu mvuza impundu, Kandi nzogaburisha amabango umwonga w’i Sukoti.

⁸Gileyadi n’ahanje, umuryango wa Manase n’uwanje; Uwa Efurayimu ni wo ukīngira umutwe wanje; Uwa Yuda ni wo cumu ry’ubugabe bganje.

⁹I Mowabu ni ho cogero canje, Edomu nzohashiburirakw inkweto, I Filisitiya nzohihaya mvuza impundu.

¹⁰Ni nde azonshikana mu gisagara gikikijwe n’uruzitiro rukomeye? Ni nde azonshikana muri Edomu?

¹¹Si wewe uzonshikanayo, ga Mana wadutaye? Si wewe uzonshikanayo, ga Mana utajana n’ingabo zacu?

¹²Udutabare umurwanizi, Kuko gutabara kw’abantu ar’ ukw’ ubusa.

¹³Imana izodukoresha ivy’ ubuhizi, Kukw ari yo izosiribanga abarwanizi bacu.