Read Bibliya Yera 1951 Zaburi 109 Bible Online

Zaburi 109 - Bibliya Yera 1951 bible

Zaburi 109

¹Iyi Zaburi yahawe umukuru w’abaririmvyi. N’iya Dawidi. Mana mpora mpimbaza, reka kwihoza,

²Kukw akanwa k’umunyakibi kanyasamiye, bo n’ak’ ingunge: Bambarije ururimi rw’ibinyoma.

³Bankikije amagambo y’urwanko, Bandwanije ata nyanduruko.

⁴Urukundo rwanje barwishuye kuba abarwanizi banje, Ariko jeho nitwariritse gusenga.

⁵Ku neza nabagiriye banyishuye inabi, Ku rukundo banyishuye urwanko.

⁶Umuhe kuganzwa n’umunyakibi, Wa murwanizi ahagarare i buryo bgiwe.

⁷Ni yacirwa urubanza, asohoke rumutsinze: Ugusenga kwiwe gucike icaha.

⁸Imisi yiwe n’ibe mike, Ububgiriza bgiwe busubiremw’ uwundi.

⁹Abana biwe babe impfuvyi, Umugore wiwe abe umupfakazi.

¹⁰Abana biwe babe inyererezi, basēgerereze; Banuranure utwo kurya kure y’umusaka w’i wabo.

¹¹Ūmwishuza az’ akume ivyo yar’ afise vyose, Inyambukīra zinyage ivyo yacumukuriye.

¹²Ntihaze hagire ūba akimugirira agasoni; Ntihaze hagire ūbabara impfuvyi ziwe.

¹³Uruvyaro rwiwe ruze rurandurwe; Mu gihe c’abuzukuru biwe, izina ryiwe rize risibanganywe.

¹⁴Ukugabitanya kwa ba sekuruza ni kwibukwe n’Uhoraho; Ivyaha vya nyina vyoye gusibanganywa.

¹⁵Bibe imbere y’Uhoraho ubudasība, Kugira ngw arandure ukwibukwa kwabo, agukūre mw isi.

¹⁶Kuko wa wundi atāruha yibuka kugira ikigongwe, Ariko yahama umworo n’ umukene, N’ūfise umutima umenetse, ngw abice.

¹⁷Yakunda kuvuma, kukamusubirako: Kandi ntiyanezererwa guhezagira, kukaba kure yiwe.

¹⁸Kandi yambara kuvumana nk’umwambaro wiwe, Kumuja mu nda nk’amazi, Kumuja mu magufa nk’amavuta.

¹⁹Ni kumuhindukire nk’impuzu yambara, N’umukanda ahora akenyeza.

²⁰Iyo abe ari yo ngero Uhoraho agerera abarwanizi banje, N’iy’ abavuga nabi ubugingo bganje.

²¹Ariko weho Uhoraho, Mwami, kubg’ izina ryawe unkorere ivyiza, Undokore, kukw imbabazi zawe ari nziza.

²²Kuko nd’ umworo nkaba umukene, Kand’ umutima wanje ukomerekeye muri jewe.

²³Nkamanganye nk’igitūtu kirehutse, Nkunkumuwe nk’uruzige.

²⁴Amavi yanje adendebuwe no kwisonzesha, Umubiri wanje umazwe inkomezi n’umunanu.

²⁵Kandi mpindukiye ba bandi agakēngērwe: Uko bambonye bazunguza imitwe.

²⁶Ntabara, Uhoraho Mana yanje; Unkize nk’ukw imbabazi zawe ziri:

²⁷Kugira ngo bamenye yukw ar’ ivyatewe n’ukuboko kwawe, Kw ari wewe, Uhoraho, wabikoze.

²⁸Ni bapfe kuvuma, ariko weho umpezagire; Ni bava hasi bazomāramāra, arik’ umusavyi wawe azonezerwa.

²⁹Abansi banje ni bambikwe agatēterezo, Bambare isoni zabo nk’umutamana.

³⁰Ndashimisha Uhoraho cane akanwa kanje, Mbere nzomushimira hagati mw ishengero.

³¹Kukw azohagarara i buryo bg’umukene, Ngw amukize abacirakw iteka ubugingo bgiwe.