Read Bibliya Yera 1951 Zaburi 11 Bible Online

Zaburi 11 - Bibliya Yera 1951 bible

Zaburi 11

¹Iyi Zaburi yahawe umukuru w’abaririmvyi: ni Zaburi ya Dawidi. Uhoraho ni we mpungirako. Mubaririra iki umutima wanje, Muti Hungira ku musozi wanyu nk’inyoni?

²Kukw abanyakibi bariko barafora umuheto, Bashira umwampi mu ruge, Kugira ngo barasire mu mwiza abafise imitima itunganye.

³Namb’ amatanguriro asambuwe, Ivyo umugororotsi yakoze vyapfuye iki?

⁴Uhoraho ari mu rusengero rwiwe rwera, Uhoraho, intebe yiwe iri mw ijuru. Acacisha inyonga ziwe abana b’abantu, mu kigohe ciwe harabasuzuma.

⁵Uhoraho asuzuma abagororotsi: Arik’ umunyakibi n’ūkunda umuryano, umutima wiwe urabanka.

⁶Abanyakibi azobarekurirakw amakara yaka n’amazuku; Umuyaga w’indugumba uzoba umugabane mu gikombe cabo.

⁷Kuk’ Uhoraho ar’ umugororotsi, kand’ akunda ivyo kugororoka, Abatunganye bazorāba mu nyonga hiwe.