Read Bibliya Yera 1951 Zaburi 110 Bible Online

Zaburi 110 - Bibliya Yera 1951 bible

Zaburi 110

¹Zaburi ya Dawidi. Uhoraho yabariye Umwami wanje, at’ Icara i buryo bganje, Ushitse aho nzohindurira abansi bawe indava y’ibirenge vyawe.

²Uhoraho ar’ i Siyoni azoshingiriza kure inkoni y’ ububasha bgawe: Ganza hagati y’abansi bawe.

³Abantu bawe bitanga babikunze ku musi ugomora ingabo zawe; Abasore bawe baza ah’ uri nk’ikime, Bashazishije ukwera, bavuye mu nda y’agatondotondo.

⁴Uhoraho ararahiye, ntazokwicuza, At’ Ur’ umuherezi ibihe bidashira Mu buryo bga Melekisedeki.

⁵Umwami Imana ihagaze i buryo bgawe; Izotobekeranya abami ku musi w’uburake bgayo.

⁶Izocira imanza mu mahanga, Ihuzuze imivyimba; Izomenagura imitwe mu bihugu vyinshi.

⁷Umwami azonywa ku mugezi agenda mu nzira: Ni co gituma azoshira umutwe wiwe hejuru.