Read Bibliya Yera 1951 Zaburi 113 Bible Online

Zaburi 113 - Bibliya Yera 1951 bible

Zaburi 113

¹Haleluya! Yemwe basavyi b’Uhoraho, ni mushime, Ni mushime izina ry’Uhoraho.

²Izina ry’Uhoraho rishemagizwe, Uhereye none ugashitsa ibihe bidashira.

³Uhereye iy’ izuba rirasira ugashitsa iyo rirengera Izina ry’Uhoraho rikwiye gushimwa.

⁴Uhoraho ari hejuru y’amahanga yose, Icubahiro ciwe kiri hejuru y’amajuru.

⁵Ni nde ahwanye n’Uhoraho Imana yacu, Afise intebe yiwe hejuru cane,

⁶Akicishiriza bugufi kurāba Ivyo mw ijuru n’ivyo mw isi?

⁷Akūra umugorwa mu mukungugu, Ashira hejuru umukene, amukūye mu mwavu;

⁸Kugira ngw amwicarikane n’ abahambaye, Abahambaye bo mu bantu biwe.

⁹Uwari yaragumbashe amuha kwubaka urugo, Ari nyina w’abahungu anezerewe. Haleluya!