Read Bibliya Yera 1951 Zaburi 12 Bible Online

Zaburi 12 - Bibliya Yera 1951 bible

Zaburi 12

¹Iyi Zaburi yahawe umukuru w’abaririmvyi: bavugira inanga y’ijwi ritūza. Ni Zaburi ya Dawidi. Uhoraho we, tabara: kukw abakwubaha baheze, Abo kwizigirwa bakennye mu bana b’abantu.

²Bose barabeshana, umuntu wese na mugenzi we: Bavugisha iminwa ihemana n’imitima ibiri.

³Uhoraho azokūrah’ iminwa yose ihemana, N’ururimi rwihayagiza:

⁴Abāvuze, bati Tuzotsindisha indimi zacu, Iminwa yacu kw ar’ iyacu: ūtuganza ni nde?

⁵Kubgo kunyagwa kw’umugorwa, kubgo kwitsa umutima kw’umukene, Ubu nyene ndahaguruka, ni k’Uhoraho agize, Ndashira uwo bakanira ahatagira inkomanzi.

⁶Amajambo y’Uhoraho n’icuma gihiye: Ameze nk’ifeza iramuriye mu ruganda rwo mw isi, Ivugutiwe ibihetangabo ndwi.

⁷Uhoraho, uzotuzigama, Uzodukiza ab’ iki gihe ibihe bidashira.

⁸Abanyakibi bayerera impande zose, Iyo hashizwe hejuru abantu b’imburakimazi mu bana b’abantu.