Read Bibliya Yera 1951 Zaburi 132 Bible Online

Zaburi 132 - Bibliya Yera 1951 bible

Zaburi 132

¹Indirimbo yo mw idūga. Uhoraho, ni wibukire Dawidi amarushwa yiwe yose;

²Ingene yarahiye Uhoraho indahiro, Yasezeraniye Inyenkomezi ya Yakobo,

³Ati N’ukuri nkazokwinjira mw ihema ari yo nzu yanje, Nkazokwurira ku buriri bganje,

⁴Nkazokundira amaso yanje gusinzira, Cank’ ibigohe vyanje guhunira,

⁵Ntararonkera Uhoraho ikibanza, Ntararonkera Inyenkomezi ya Yakobo aho kuba.

⁶Twavyumviye muri Efurata, Twabibonye mu gahinga k’i Yayari.

⁷Ni twinjire mw ihema ryayo, Dusengere imbere y’indava y’ibirenge vyayo.

⁸ Uhoraho, n’uhaguruke, winjire mu buruhukiro bgawe; Wewe ubgawe n’isandugu y’ inkomezi zawe.

⁹Abaherezi bawe bambare ukugororoka; N’abakunzi bawe bavuze impundu.

¹⁰Kubga Dawidi umusavyi wawe Ntukimiranye uwo warobanuje amavuta.

¹¹Uhoraho yarahiye Dawidi indahiro y’ukuri, Ntazokwirahuruza: Ati Nzoshira ku ngoma yawe uwamutse mu bura bgawe.

¹²Abana bawe ni bitondera isezerano ryanje, N’ivyo nzokwihanikiriza nkabigisha, N’abana babo bazokwama bari ku ngoma yawe ibihe bidashira.

¹³Kuk’ Uhoraho yatoranije Siyoni, Yahagomwe ngw ahabe.

¹⁴At’ Aha ni ho buruhukiro bganje ibihe bidashira: Aha ni ho nzoba; kuko nahagomwe.

¹⁵Ivyo kurya vyaho nzobihezagira cane, Nzohāza aboro baho umutsima.

¹⁶Kand’ abaherezi baho nzobambika agakiza: Abakunzi banje baho bazosēsereza impundu.

¹⁷Ni ho nzotuma ihembe rya Dawidi rimera, Uwo narobanuje amavuta nkamutegurira itara.

¹⁸Abansi biwe nzobakorera ibara; Ariko we, igitsibo ciwe kizomukayanganako.